Четири жртви во нападите во Газа

Најмалку четворица Палестинци загинале во воздушните напади на Израел врз цели во појасот на Газа. Жртвите биле припадници на милитантната група Исламски Џихад. Портпарол на израелската армија го потврди нападот. Милитантите од Хамас од друга страна испукаа нови ракети на израелска територија. Во овие напади нема повредени ниту материјални штети. Израелскиот министер за внатрешна безбедност Ави Дихтер во меѓувреме се закани дека ќе биде убиен политичкиот шеф на Хамас, Калед Машал , кој живее во егзил во Сирија.