Четири медали на четрвтиот ден

Германските санкачки докажаа дека се една класа подобри од својата конкуренција. Тие извојуваа тројна победа во санкање едносед значи ги освоија сите три олимписки медали во ова натпреварување. Татјана Хифнер беше трета на тешката патека во Чезана , Зилке Краусхар втора а златото како и пред четири години на олимпијадата во Солт Лејк Сити повторно заврши на градите на неприкосновената Зилке Ото:

„Веројатно прво морам да сватам што ми се случи. Солт Лејк Сити беше сон , а ова што денеска уште еднаш го постигнав на оваа тешка патека , сметам дека е уште поголем сон“- изјави Ото.

Свен Фишер , досега има двапати освојувано златен медал на Олимпијадите но во штафетните трки. Германскиот биатлонец во својата 35 година успеја да се закити и со највисокото одличје и во поеднечна трка. Во Торино, Фишер беше најдобар на биатлонскиот спринт на десет километри . Во една извонредна трка тој зад себе ги остави фаворизираните Норвежани:

„Премногу су радосен , бидејќи бев во состојба да ја минам трката без грешки“- изјави Фишер по трката.