Шансите на Ангела Меркел

Одлуката на Ангела Меркел да се кандидира за четврти мандат како германска канцеларка нуди многу шанси. Меркел може да биде вистинската личност во борбата против популизмот, смета Кај- Александер Шолц.

Ангела Меркел во меѓувреме е 11 години канцеларка и 16 години претседателка на Христијанско-демократската Унија на Германија (ЦДУ). Во овој период таа придвижи многу: пресврт во политиката на задолжување, преполовување на бројот на невработени, двојно повеќе издатоци за истражување и модернизирање на нејзината партија. Надворешнополитички Германија во сите овие години стана погласна, меѓу другото и поради фактот што другите станаа потивки. Така, за време на финансиската криза, еврокризата и кризата околу Крим, насоките ги одредуваше канцеларката.

Многумина меѓутоа сметаат дека Меркел придвижи - премногу. Старите конзервативци во нејзината партија негодуваа поради нејзината „социјал-демократизација“ на ЦДУ. За секој втор Германец оние еден милион бегалци кои ги прифати во земјата, беа премногу. Од гневот поради тоа, но и од трендот на генерална критика на елитите профитираше деснопопулистичката партија Алтернатива за Германија, која ја спои нејзината мрежа кон новата „црна Интернационала“. Други пак критикуваат дека Меркел сторила премалку, за да ги амартизира долгорочните ризици од нејзината политика.

И ако во моментов толку многу пофалби, кои се делумно претерани и кон кои Меркел впрочем по навика пристапува претпазливо, пристигнуваат од странство, во Германија мислењата за Меркел многу се разидуваат. Заминување од политиката во овој момент немаше да биде славно.

Не отстапува кукавички

Постои една германска поговорка: човек мора да си ја исрка чорбата што си ја надробил. Во овој случај поговорката не треба да изразува злорадост, туку шанса за задоволство. Меркел сега има најверојатно уште четири години можност сето она што го започна, натамошно да го оформува или да го коригира. Во прв ред последиците од бегалската криза. Прифаќањето на овој предизвик ќе ѝ донесе симпатии.

Меркел има шанса да покаже дека по сите тие години на европската и на меѓународната политичка сцена, не ги заборавила грижите на Германците. Таа може да покаже дека има добри одговори за новиот конфликт меѓу богатите и сиромашните и меѓу градот и селото. На тој начин таа би можела барем да ги запре или уште подобро - да ги заслабне социјалните поделби и политичката проларизација, значи хранливата почва на која вирее десниот популизам.

Кај-Александер Шолц

Против популистичкиот тренд

Старата и веројатно нова канцеларка има шанса за такво нешто, зашти располага со соодветната доза на моќ, углед и искуство, зашто како прагматичарка има слобода да бара решенија за проблемите, кои се ослободени од идеологија и зашто сега е свесно подготвена да им се спротивстави на овие проблеми. Таа при синоќешното објавување на кандидатурата истакна дека посакува единство во општеството како рецепт против поларизацијата. Таа сака да влезе во борба. И тоа е исправно!

Ако Меркел и го спроведе тоа, би можела да ја заштити нејзината партија од натамошно нагризување од страна на АфД. Но и повеќе. Таа би можела на западниот свет да му покаже дека може и поинаку од она што го навестува моменталниот популистички тренд.

Меркел како пример

И уште нешто: шансите на Меркел се состојат и во тоа да ја искористи нејзината улога, на пример како жена на чело на држава. И тоа пред сѐ за илјадници жени кои од поново време живеат во Германија и кои доаѓаат од култура која им дава само малку права. За нив Меркел може да биде охрабрување за да се еманципираат. Од науката е познато дека жените имаат одлучувачка улога, кога станува збор за интеграцијата во ново општество. Меркел би можела ним да им даде поттик, што потоа позитивно би се одразило и на целото општество. Во оваа смисла одлуката на Меркел и натаму да посакува да биде канцеларка отвора многу шанси и со самото тоа е добра одлука!.

Ангела Меркел од А до Ш: многуте лица на канцеларката

„Триаголникот на моќта“

Меркел стана препознатлива по користењето на истата гестикулација пред камерите и при нејзините јавни настапи. Начинот на кој канцеларката ги спојува прстите на дланките некои го нарекоа „Меркелин ромб“, а други „триаголник на моќта“. Дали тоа го прави свесно или е само рутинска гестикулација од навика, е прашање што ги збунува современите критичари и новинари. Што таа сака да каже со тоа?

Ангела Меркел од А до Ш: многуте лица на канцеларката

Европска политичарка

Германската канцеларка на европскиот политички паркет е позната по својот суверен, ангажиран и навидум опуштен изглед. Иако понекогаш знае да се насмее во вистинското време, на последниот европски лидерски самит во Братислава, таа беше повеќе воздржана. Од нејзината лева страна е данскиот премиер Ларс Локе, а од десната страна премиерот на Белгија, Шарл Мишел.

Ангела Меркел од А до Ш: многуте лица на канцеларката

Селфи со канцеларката

Меркел се најде во центарот на вниманието со нејзиниот одговор на бегалската криза. На дилемите околу тоа може да се одговори доколку предвид се земат елементи од нејзиниот личен живот, како што тоа го прави Ринке во својата книга. Таа често посетува училишта и прифатни центри за бегалци, а притоа одвојува време и за селфи, како овде, во 2015 година, со сирискиот барател на азил Анас Модамани.

Ангела Меркел од А до Ш: многуте лица на канцеларката

Жонглер во коалицијата

Како канцеларка и претседателка на ЦДУ, Меркел понекогаш се соочува со потешкотии да остане обѕирна кон сите нејзини „деловни“ партнери. Таа не реагира чувствително како што тоа го прави нејзиниот коалиционен партнер Зигмар Габриел од СПД. На нападите од лидерот на баварската ЦСУ, Хорст Зехофер кој е „архетипичен баварец“, таа одговара со студена објективност.

Ангела Меркел од А до Ш: многуте лица на канцеларката

Љубопитност за дигиталната ера

За школуваниот физичар Ангела Меркел се вели дека светот на интернетот и дигиталните медиуми ѝ е релативно непознат, иако нејзиниот тим сега има Инстаграм профил, кој го одржува нејзиниот официјален фотограф. Сепак, тоа не ја сопре да го зграби вниманието на основачот на Фејсбук Марк Закерберг за време на работен ручек во Обединетите нации во 2015 година.

Ангела Меркел од А до Ш: многуте лица на канцеларката

Ќерка на свештеник

Како ќерка на протестантски свештеник, вредностите на Меркел, според Ринке, биле обликувани согласно нејзиното христијанско воспитување. Во 2016 година, таа имаше приватна средба со папата Франциско во Ватикан. За време на средбата тие разговарале за нивните омилени книги.

Ангела Меркел од А до Ш: многуте лица на канцеларката

Здравица за пријателски политички релации

Меркел не е позната по тоа дека често се опушта. Сепак, иако ретко поради нејзините работни обврски, прославите на кои учествува таа се организирани со стил. Во 2013 година, во чест на 50-годишнината од склучувањето на Елисејскиот договор меѓу Германија и Франција, Меркел го покани целиот парламент да наздрават со шампањ за пријателските односи помеѓу двете земји.

Ангела Меркел од А до Ш: многуте лица на канцеларката

Моменти на приватност

Канцеларката добива малку слободни моменти за одмор, а и кога е на одмор, како што е прикажано на сликата (во Полска), таа не може да им избега на љубопитните очи на јавноста. Нејзиниот сопруг Јоахим Зауер (на фотографијата прв од лево) ретко е во центарот на вниманието.


Следете нѐ