Јовановиќ го призна убиството на Џинџиќ

Со јавно читање на исказот што еден од осомничените за убиството на српскиот премиер Зоран Џинџиќ, Звездан Јовановиќ и го дал на полицијата, денеска во специјалниот суд во Белград е прекинато судењето и дополнително ќе биде соопштено кога ќе продолжи главниот процес. "Го ликвидирав лично", се наведува во изјавата на 38- годишниот Јовановиќ кој вели дека тоа било политичко убиство, бидејќи Хаг е најголем срам за Србија. Првообвинетиот во овој процес, Милорад Луковиќ - Легија инсистирал на убиството на премиерот за да биде запрено испорачувањето на обвинетите на хашкиот трибунал.