Јужна Африка – дијамант

Во еден рудник во Јужноафриканската Република, според извештај на националното радио, е откриен најголемиот дијамант на светот. Пронајдениот дијамант има двојно поголема тежина од скапоцениот камен кој досега важеше за најголем, а кој беше ископан во 1905 година, исто така во таа земја. Дијамантот Кулинан од пред еден век имаше тежина од 3.106 карати. Тој подоцна беше поделен на неколку делови кои денеска им припаѓаат на британските кралски јувелири. Еден од рудниците соопшти дека сега откриениот дијамант е однесен во Јоханесбург под најголеми безбедносни мерки.