10 необични, а за Германците нормални пијалоци

Секое дете во Германија пие шприцер од јаболка (апфелшорле). Кога сок од јаболка ќе разреди со газирана вода, веќе не е толку благ и нездрав како обичен сок. Најнормална работа, зар не? Сепак, секоја дискусија на форумите за преведувачи води до заклучок-надвор од Германија не постои израз за овој пијалок. Некои би рекле шприцер од јаболка, иако можеби е поточно - сок од јаболка со газирана вода.

Со оглед на тоа што во Германија постои Закон за чистота на пивото, би се очекувало Германците да се пуританци по ова прашање. Сепак, Берлинското бело вино (Berliner Weisse), кисело бело вино со 3% алкохол, традиционално се служи со сируп од малина или од растението лазарка, што му дава јарка црвена или зелена боја.

Во Германија се многу популарни мешани пијалоци на база на пиво. Пивото помешано со сок од лимон се нарекува „радлер“, збор што значи и велосипедист, зашто многумина велосипедисти го сакаат ова пиво повеќе од обичното. Земјите каде се зборува англиски овој микс го нарекуваат „shandy“, но келнерот, на пример во САД, ќе ве погледне збунето ако таму се обидете да го нарачате.

Оваа комбинација дефинитивно не е вообичаена колку „радлер“, но келнер во Германија нема да мисли дека сте луди ако го порачате овој пијалок. Пченично пиво со сок од банана се добива, логично, со мешање пченично пиво и сок од банани.

Сајтот „Urban Dictionary“ го дефинира дизел-пивото како вистинско „хардкор“ пиво во Германија - тоа е име за друг микс кој на пивото му дава блажина и го намалува процентот на алкохол: половина чаша е кока-кола. Во зависност од регионот, други оваа комбинација ја нарекуваат Colabier, Mazout, Kalter Kaffee (ладно кафе), Moorwasser, Schmutzuges (валкано) или Krefelder (според градот Крефелд).

Кога сме кај името, за овој пијалок сите се сложуваат за едно - Шпеци. Тоа е класичен сок, мешавина од кока-кола и сок од портокал. На пазарот се појави веднаш по Втората светска војна. Пиварата Ригел од Аугсбург го има заштитниот знак „Шпеци“. Иако таа се обиде да го монополизира користењето на името, Шпеци стана генеричко име за кој било микс од кока-кола и портокал.

Овој пијалок стана заштитен знак за берлинските клабери, но и хакерите во последните децении. Газираниот пијалок со кофеин го измислил во 1924. производител од Баварија. Тогаш имало име Сект-Бронте, додека пиварата Лошер во 1994. не ја купила лиценцата и почна да го рекламира како Club-Mate. Кофеинот се добива од билката „херба мате“ која традиционално се користи во Јужна Америка за правење чај.

Она што за странците е поизненадувачки од самиот факт дека овој безалкохолен пијалок е мешавина на сок од цреши и банани, е што постои кратенка која ја знаат сите Германци - Киба - Ки „Kirschsaft“ (сок од цреши), а Ба- сок од банани. Германците едноставно сакаат кратенки.

Течноста што останува од киселата зелка се преработува во форма на сок, познат и како древен чудотворен лек зашто содржи витамини Ц, Б, Е, калиум, калциум, фосфор, железо, бакар, цинк, магнезиум и млечна киселина. Со оглед на тоа што светот е луд по здрава храна, традицијата се враќа. Патем, овој пијалок го има и во Македонија - расолница.

Фантастично име за оваа замена за кафе, направена од слад од јачмен. За потеклото на зборот кружат различни теории. Некои тврдат дека настанал од францускиот збор „mocca faux“ (лажна мока), но во меѓувреме зборот исчезнал. Друго објаснување доаѓа од рајнскиот дијалект, каде „mucken“ значи правлив, значи правлива земја со кафеава боја, а „fuck“ е- мрзлив. Овој термин се користи за многу слабо кафе