Повторно напад со нож во Австралија

Неколку лица се повредени во црква во Вокли, на околу 30 километри западно од Сиднеј, соопшти денеска (15.04) австралиската полиција. Уапсено е едно лице, кое се наоѓа на распит. Посетителите на црквата, како што се вели, не биле сериозно повредени. Тие се згрижени од страна на медицински лица.

Свештеник и неколку верници биле избодени со нож за време на богослужба во црквата, јавија локалните медиуми. На интернет е објавена видео снимка на која се гледа како маж прободува свештеник.

Во саботата (13.04) во Сиднеј, во напад со нож во трговски центар, беа убиени седум лица. Според првичните сознанија на истрагата, напаѓачот очигледно има психички проблеми. Се исклучува терористичка позадина на нападот.