Асад: Воените акции против опозицијата ќе бидат прекинати

Сирискиот претседател Башар ал Асад соопшти дека издал наредба на военото раководство за престанок на акциите против припадниците на опозицијата. За ваквиот чекор Асад го информирал телефонски генералниот секретар на ОН, Бан Ки Мун, соопшти портпарол во Њујорк. Бан притоа изразил голема загриженост поради најновите извештаи за кршењето на човековите права и употребата на сила од страна на сириските трупи и милицијата. Генералниот секретар побарал итен прекин на сите воени операции и масовни апсења.

И вчера според активисти за човекови права во Хомс биле убиени повеќе цивили, а во Латакија беа уапсени стотици опозиционери.

Автор: ЖА/ АТ/ дв/ миа

Редактор: Трајче Тосев