Лондончани со страв гледаат кон иднината

Брик Лејн во источен Лондон, подолго време е познат по својот мултикултирализам, а од поново време и по зголемената урбана гентрификација – процес во кој старите градби се реновираат и овие неугледни наслелби се населуваат со побогати граѓани. Таму винитиџ продавници се веднаш до индиски ресторан, веган пазар и непопуларна кафетерија која беше нападната од активисти за време на протестите во 2015 година.

Но, сега овде има друга тема која предизвикува немир, со оглед на тоа што локалното население кое работи и живее таму се бори да сфати што ќе значи Брегзит за нивните животи.

Линда Ричмонд, 60 годишна жена која чека во ред за „холандски палачинки" вели дека неодамна аплицирала за ирски пасош, бидејќи има ирски корени. Ричмонд вели дека е „исплашена“. „Не знам што ќе се случува," вели таа.

Таа работи како медицинска сестра во болница и е загрижена дека лековите кои им се потребни на нејзините пациенти нема да стасаат навреме. Нејзиниот 25 годишен син, Кристофер е учител кој сака да работи во странство. „Повеќе сакаме да бидеме дел од голема група земји отколку сами."

Триесет годишниот Тарек Икбал стои пред вратата на Преем, индиски ресторан кој неговото семејство го држи речиси пет децении. Тој веќе одработи смена во супермаркет, пред да дојде овде да им помага во продажбата.

„Ние го поддржуваме Брегзит, но сакаме да се постигне добар договор за тоа", вели Тарек. Тој смета дека што и да се случи, Велика Британија ќе биде добра, и додава: „Британија не е неразвиена земја. Затоа нема црно сценарио. Британија е способна да функционира сама со себе. Знаете и Јапонија, Кина и поголемиот дел од Комонвелтот исто така напредуваат. Ако Британија соработува со нив, таа ќе стане една од најбогатите земји."

„Отровна риба наспроти риба за во канта"

Во галеријата СО во Брик Лејн, менаџерката Катарина Детар вели дека Брегзит се „гомненици“. Ова 30 годишна девојка е со мешано потекло – од Германија и Шпанија, и во нејзината галерија изложуваат уметници и од Велика Британија и од странство. „Секако дека ако во економијата тоа значи кратење на средства, тогаш тоа ќе има големо влијание. Ако падне вредноста на фунтата, а ние се уште поголемиот дел од уметниците ги плаќаме во евра, тоа може да ги зголеми цените овде"

Галеријата СО неодамна затвори една изложба една недела порано од најавеното за да се осигура дека уметничките дела од Европа ќе може да пројдат без царина пред 29 март, во случај да се спроведе Брегзит без усвоен договор. „Ние не сакавме овие скапоцени и скапи дела да останат заглавени на царина бидејќи не знаеме што ќе се случува," објаснува Детар.

Повеќе:

-Самрак за Тереза Меј

-Милостина за Тереза Меј

-Брегзит: Како Монти Пајтон, само помалку смешно

Таа исто така верува дека Брегзит ќе има пошироко влијание врз уметничката сцена. „Причината зошто оваа галерија е базирана во Лондон е поради неговата интернационалност и развиената културна сцена. Мислам дека сето ова се вклопува со собирање на луѓе со различни потекла. Со Брегзит тоа може да се промени, односно може сите да си заминат, и потоа што ќе остане од лондонската културна сцена? Навистина не знам."

Надвор на улица, 23 годишниот Енди вели дека Брегзит е „глупост“. Полскиот економист кој пораснал во Шпанија вели: „Британија нема никогаш да биде толку изолирана во споредба со придобивките ако остане. Јас се уште се надевам на втор референдум." „Тоа може да го споредите со одење во ресторан", продолжува Енди и додава: „Тие ви даваат да изберете риба или месо. Вие ја бирате рибата и тие ви велат можете да добиете отровна риба или риба за во канта. И тогаш ќе се вратите на првиот избор и ќе нарачате месо."

Седната на тротоар, 29 годишната Лаура Легеј, фриленс дизајнер која веќе пет години живее во Лондон каде се преселила од Франција вели дека падот на валутата за неа значи поскапа карта за воз со кој оди да си го посети семејството.

„Не сум среќна поради ова", додава таа. "Не знам дали ќе ме протераат. Навистина не знам што да речам. Брегзит е голема глупост".

Нејзината пријателка Британка, Ребека Олдам се согласува со ваквиот став. "Ова се толку се одолговлече', вели оваа 34 годишна медицинска сестра. „Најголем проблем е неизвесноста. Јас сум против тоа, и се чини се е хаотично.Мислам дека луѓето не ја разбраа целата работа околу имиграцијата, а се се базираше на тоа."

„Британија обезличена од Брегзит"

Стоејќи покрај својата тезга на пазарот во Брик Лејн, 31 годишниот Стејси Ангилет од Лондон вели дека Брегзит е голема "болка“ и смета дека британската влада не се советувала доволно со јавноста околу тековните преговори. Луѓето со ниски или средни примања не се тие што ги носат одлуките, вели тој.

„Што ќе направи владата за малите бизнисни кои се борат со доаѓањето на Брегзит?" прашува Ангилет. „Малите бизниси не се подготвени за тоа." Тој додава дека трошоците за бизнисите како неговиот кои зависат од увоз на суровини и извоз на производи само се зголемуваат. „Работата е многу зголемена. Дневните активности кои ги извршуваме се погодени бидејќи половина од бизнисите се фокусираат на тоа како да заштедат пари.„Исто како и другите, Ангилет вели дека луѓето во 2016 година на референдумот за ЕУ гласале врз основа на нивните ставови за имиграцијата, но не размислиле за тоа што всушност ќе се случи потоа.

„Британија е обезличена поради Брегзит. Моите германски пријатели велат дека мислеле оти сме средени, но сега сфатиле дека сме исто хаотични како нив."