1. Прескокни до содржината
  2. Прескокни до главната навигација
  3. Кон други страници на DW
Катастрофи

Бројни загинати по уривањето на мост во Џенова

СН/ агенции
14 август 2018

Хорор слики: Во Џенова, Италија, се урна мост на автопат со четири ленти. Повеќе од сто метри од автопатот се распаднаа. Сликите укажуваат на најлошото.

https://p.dw.com/p/338Xq
Italien Autobahnbrücke bei Genua eingestürzt foto IPP da twitter polizia di stato genova 14 08 2018
Фотографија: imago/Italy Photo Press

Во уривањето на мостот на автопатот А10 во Џенова има „десетици жртви", изјави шефот на спасувачкиот центар на северниот италијански град за медиумите, а соработници на центарот ги потврдија ваквите информации за светските агенции. Италијанските медиуми, повикувајќи се пак на информации од министерството за внатрешни работи, говорат за најмалку 11 загинати лица. Четири сериозно повредени лица веќе со хеликоптери се пренесени во болници.

Претходно, противпожарна служба веќе објави дека автомобили и камионите паднале во понорот кога се распаднал долг дел од вијадуктот Моранди, кој е дел од автопатот А10. Очевидци за италијанските медиуми изјавија дека станувало збор за најмалку 8 до 10 возила и сцената ја опишуваат како апокалиптична. 

Italien Autobahnbrücke bei Genua eingestürzt foto IPP da video genova 14 08 2018 crollo cedimento s
Фотографија: imago/Italy Photo Press

Уривањето на мостот над реката Полчевере се случило кратко пред 12 часот на пладне. Причините за колапсот сѐ уште не се познати. Спасувачки екипи итно беа упатени на местото на несреќата и  потрагата по преживеани е во пол ек.

Инаку регионот Лигурија во кој се наоѓа Џенова е погоден од поројни дождови и властите прогласија предупредување од временска непогода.

Вијадуктот Моранди е изграден во 60-те години од минатиот век, а реконструкција на мостот била направена во 2016 година.