1. Прескокни до содржината
  2. Прескокни до главната навигација
  3. Кон други страници на DW

Ердоган бара поништување на локалните избори во Истанбул

СН/ агенции
10 април 2019

Турскиот претседател оцени дека изборните власти треба да ги поништат резултатите од изборите во Истанбул, според кои победи кандидатот на опозицијата, укажувајќи на нелегитимност на гласањето поради многу нерегуларности

https://p.dw.com/p/3GY82
Türkei Kommunalwahlen Recep Tayip Erdogan Rede in Istanbul
Фотографија: DHA/C. Erok

Според Реџеп Таип Ердоган, наводните нерегуларности ги установиле колегите од неговата партија што фрла сенка на изборите, како и дека тоа би требало да доведе до поништување на изборите ако пристапот е искрен.

Тој рече оти неговата партија АКП ќе продолжи да поднесува жалби додека изборната комисија не донесе конечна одлука.

Партијата на Ердоган најави дека ќе бара одржување на нови избори во Истанбул.

Според привремените резултати на локалните избори одржани на 31 март во Турција, партијата на Ердоган загуби во Анкара и во Истанбул, два големи града кои 25 години се под контрола на АКП и нејзините исламистички претходници.

Türkei Istanbul Wahlzettel
Фотографија: picture-alliance/AA/A. H. Yaman

Ердоган одби да го признае поразот во Истамбул и рече оти таму имало масовни нерегуларности, кои, според него, биле организирани.

Повеќе:

-Почеток на крајот на ерата на Ердоган?

-Драматични избори во Турција

-Каква партија е ЦХП?

АКП наведува оти на гласачките места е намален бројот на гласовите кои ги добил нивниот кандидат и дека наместените податоци се испраќани до изборните власти. Исто така, партијата тврди оти во една населба- Бујукчекмеџе, повеќе илјади луѓе непрописно се впишани во изборниот список.

Ekrem Imamoglu CHP Bürgermeisetkandidat in Istanbul
Екрем Имамоглу, кандидатот на опозицијата за градоначалник на ИстанбулФотографија: DHA/I. Mase

Партијата на претседателот минатата недела поднесе повеќе жалби до изборната комисија кои доведоа до делумно повторно пребројување на гласовите, главно околу 300.000 гласачки ливчиња се прогласени за неважечки на денот на изборите.

Иако тоа повторно пребројување е при крај, кандидатот на опозициската партија ЦХП, Екрем Имамоглу синоќа изјави дека има предност од 14.000 гласа пред кандидатот на АКП, поранешниот премиер Бинали Јилдирим.