ММФ ја намали прогнозата за пораст

Порастот на светското стопанство годинава ќе биде послаб од очекуваното. Меѓународниот монетарен фонд очекува брутодомашниот производ глобално да порасне за 3,3 проценти, што е 0,2 проценти пониско од проценките во јули годинава. Во 2013. година економскиот пораст ќе изнесува 3,6 проценти. ММФ ја коригираше својата прогноза и за Германија. Германското стопанство како во 2012 така и во 2013 година ќе расте за 0,9 проценти, се вели во новит епроценки на ММФ. Во јули се прогнозираа еден процент за годинава и 1,4 проценти за наредната година.

Причини за слабиот пораст се еврокризата и американскиот долг, проценува ММФ. За да се спречи ваквиот тренд, ЕУ би морала да се спогоди на банкарска унија и заедничка буџетска политика. Во САД би морало да се избегне драстично покачување на даноците и кратење на расходите. Двете кризи би морале да бидат надминати, за да не дојде до масовно опаѓање на глобалниот пораст, се вели во прогнзоата за светсктоот стопанство, претставена во Токио.