1. Прескокни до содржината
  2. Прескокни до главната навигација
  3. Кон други страници на DW

Одземање пасоши на германските ИД-борци

ЕМФ / дв
4 март 2019

Германската влада по долго размислување и разговори постигнала согласност за одземање на пасошите на ИД-борците од Германија кои имаат две државјанства, јавуваат медиумите.

https://p.dw.com/p/3EP6J
Deutscher Reisepass
Фотографија: Getty Images/M. Cardy

Министерот за внатрешни работи Хорст Зехофер и министерката за правда Катарина Барли постигнале согласност за одземање на државјанството на борците на Исламска држава (ИД) кои имаат две државјанста, кои се полнолетни и кои во моментов не се затворени, јавија весникот „Зиддојче цајтунг“ и радио-телевизиите НДР и ВДР. Правилото не би требало да важи за борците на екстремистичката милиција кои се веќе во затвор.

Веќе сега во Германија може да им се одземе државјанството на лица кои доброволно и без согласност на Министерството за одбрана им се приклучуваат на странски воени сили. Сега ваквиот закон би требало да биде дополнет, се вели во извештајот на трите медиуми.

Во моментов околу 70 исламисти од Германија кои ѝ се имаат приклучено на терористичката милиција Исламска држава во текот на изминатите години, се наоѓаат во затвори во северна Сирија, Ирак, Турција и Грција. Меѓу нив има повеќе од десетина мажи и жени кои покрај германското, имаат и друго државјанство. Американскиот претседател Доналд Трамп од Европејците побара да си ги земат назад 800-те заробени борци на ИД и да ги изведат пред суд.

Дискусиите за државјанставата траат од 2014 година. Во коалицискиот договор од минатата пролет партиите на Унијата и СПД веќе постигнаа согласност за донесување вакво правило.

Free Flow of Information –  gefährlich oder in Gefahr | Katarina Barley
Министерката за правда Катарина Барли е сигурна дека ќе најде заеднички јазик со мниистерот за внатрешни работи Зехофер за сите прашањаФотографија: DW/T. Kleinod

Министерството за правда, сепак, информира дека во предлог законот има уште работи кои треба да се расчистат, како на пример прашањето - дали да им се одземе државјанството и на децата под петгодишна возраст чии родители противправно стекнале германско државјанство, на пример преку измама. Досега во овој дел важи правилото на правна проценка. Министерката Барли изрази увереност дека со Зехофер ќе најде заеднички јазик околу овој проблем.