Фолксваген укинува уште 7.000 работни места

Германскиот автомобилски концерн Фолксваген денеска објави дека ќе укине меѓу 5.000 и 7.000 работни места до 2023 година во својата истоимена единица во рамки на мерките за штедење воведени поради финансирање на инвестиции во електричните и автономни возила.

„Поради автоматизација и рутински задачи компанијата очекува дека ќе укине меѓу 5.000 и 7.000 работни места до 2023 година“, наведе компанијата во соопштението и додаде оти намалувањето на работната сила ќе биде спроведено така што нема да се заменуваат оние лица кои ќе одат во пензија.

Повеќе:

-Анѓушев за ДВ: Инвестицијата на „Фолксваген“ е шпекулација, но на „Гересхајмер“ е реалност!

-Тешко е да се стане Словачка

-Фолксваген: Од дизел-измамник до предводник во еко-мобилност

Ова намалување се придодава на тековната програма за преструктуирање која предвидува до 2020 година да се укинат 21.000 работни места во светот и да се заштедат над 3 милијарди евра.

Истовремено, групацијата Фолксваген има намера да ги зголеми на 19 милијарди евра вложувањата во „иднината“, како што е воведувањето на електрични модели и автономни возила, во однос на 11 милијарди колку што беа најавени во ноември. Компанијата има намера да отвори околку 2.000 работни места за развој на софтвер и електроника.