1. Прескокни до содржината
  2. Прескокни до главната навигација
  3. Кон други страници на DW

Штајнмајер: СЈО мора да продолжи со непречена работа

Ж. Ацеска
12 декември 2016

СЈО мора да може и натаму да работи непречено во откривањето и казнувањето на злоупотребите на власта и службената положба, вели германскиот министер за надворешни работи во реакцијата по изборите во Македонија.

https://p.dw.com/p/2UAZC
Deutschland OSZE Ministerrat
Фотографија: Getty Images/AFP/J. Macdougall

Германското министерство за надворешни работи објави реакција по одржаните вонредни парламентарни избори во Македонија. Министерот за надворешни работи Франк-Валтер Штајнмајер истакува:

„Вчерашните избори во Поранешната Југословенска Република Мекедонија се важен чекор за решавање на долготрајната политичка криза во земјата. ОБСЕ, кој процесот од почеток го следеше со бројни изборни набљудувачи и опсежна техничка поддршка, во целина зборува за мирен изборен тек.

Сега е важно брзо да се формира влада, која својот мандат ќе го користи за забрзување на итните реформи. Во областа на правната држава и судството, јавната управа, како и во слободата на медиумите и мислењето, на земјата ѝ се потребни брзи и убедливи резултати. Специјалното јавно обвинителство мора да може и натаму да работи непречено во откривањето и казнувањето на злоупотребите на власта и службената положба.

Ова е предуслов за граѓаните повторно да стекнат доверба во институциите на својата држава. Само на таков начин ќе се овозможи забрзување на евроатлантските интеграции на земјата.“