آلمان له ترکيې څخه هره مياشت ۵۰۰ مهاجر مني

ترکیې ته د آلمان د صدراعظمې انگلا ميرکل د سفر مهمه موضوع د مهاجرو په تړاو له انقرې سره د اروپایي اتحادیې تړون وه. ميرکل ویلی دي چې آلمان به په راتلونکي کې په منظمه توگه له ترکیې څخه یو معلوم شمیر سوریایي مهاجر مني.

د آلمان صدراعظمې انگلا ميرکل د ترکیې پلازمینې انقرې ته د خپل سفر په ترڅ کې یوه مهمه ژمنه کړې ده. ميرکل د دغه هیواد له لومړي وزیر بنعلي ېلدیمیر سره په یوه گډ مطبوعاتي کنفرانس کې وویل چې آلمان به په راتلونکي کې «هره میاشت ۵۰۰ مهاجر مني، څو په ځانگړو مواردو کې یې مرسته کړي وي.» ميرکل یوځل بیا د مهاجرو د منلو په برخه کې د ترکیې د خدماتو درناوی وکړ او د ترکیې او اروپایي اتحادیې ترمنځ یې د مهاجرو په تړاو د شوي تړون پر اهمیت باندې ټینگار وکړ.

هغې وویل چې دغه تړون ته باید د ټولو اړخونو له خوا عملي جامه واغوستل شي. د ۲۰۱۶م کال له مارچ میاشتي راهیسې د دغه تړون له مخې یونان ته راغلي ټول پناه غوښتونکي باید ترکیې ته واستول شي. اروپایي اتحادیې د دې په بدل کې له ترکیې سره د دغو مهاجرو د پالني په برخه کې د اقتصادي مرستو ژمنه کړې ده.

پر دې سربیره ميرکل دې ته چمتووالی ښوولی دی چې یو شمیر سوریایي مهاجر له ترکیې څخه ومني. همداشان ميرکل دا هم وویل چې ژمنه شوي مرستې به ترکیې ته ورکړل شي «که څه هم هغه دومره گړندۍ نه دي، لکه ترکیه چې یې هیله لري.» د ميرکل د خپلو څرگندونو له مخې د ژمنه کړو درو میلیاردو یورو څخه چې ۲،۲ میلیارده یې الزامي دي، ۷۵۰ میلیونه یې مصرف شوي دي.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۱۰ مقام ـ چاد ۳۶۹۵۰۰ مهاجر

په ۲۰۱۶ کال کې د چاد جمهوري دولت ته نژدې۳۷۰ زره مهاجر ورغلل. چاد د مهاجرو په لسو مخکښو کوربه هيوادونو کې لسم يا وروستی ځای لري. د آرشيف انځور.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۹ مقام ـ کانګو ۳۸۳۱۰۰ مهاجر

انځور له آرشيف څخه

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۸ مقام ـ يوګانداد ۴۷۷۲۰۰ مهاجر

د امنستې نړيوال سازمان. انځور د آرشیف.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۷ مقام ـ کينيا ۵۵۳۹۰۰ تنه مهاجر

د امنستي نړیوال نړيوال سازمال له مخې کينا په ۲۰۱۶ کال کې د مهاجرو درلودونکو هيوادونو کې اووم نمبر دی.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۶ مقام ـ اردن ۶۶۴۱۰۰ مهاجر

د ملګرو ملتونو د مهاجرت ادارې لخوا د وړاندې شوو ارقامو له مخې، اردن له ايتوپيا وروسته شپږم هيواد دی چې په ۲۰۱۶ کال کې ورته زيات مهاجر ورغلی وو. په ۲۰۱۶ کال دغه هيواد ته څه باندې ۶۶۴ زره مهاجر ورغلل.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۵ مقام ـ ايتوپيا ۷۳۶۱۰۰ مهاجر

په ۲۰۱۶کال کې ايتوپیا هيواد ته څه باندې ۷۳۶ زره مهاجر ورسيدل.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

د ملګرو ملتونو د مهاجرت ادارې د ارقامو له مخې په ۲۰۱۶ کال کې د نړۍ په کچه د جګړو او نا امنيو له کبله په اوسط ډول په يوه ورځ کې ۳۳۹۷۲ تنه انسانان خپلو کورونو پريښودو ته اړ شوي دي. انځور د آرشيف څخه.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۴ مقام ـ ایران: ۹۷۹۴۰۰ مهاجر

ايران کې په ۲۰۱۶ کال کې څه باندې ۹۷۹ زره مهاجر ميشت شول. انځور له آرشيف څخه

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۳ مقام: لبنان ۱ اعشاریه ۱ ميليون مهاجر

د هاليود نامتو هنرمنده او د ملګرو ملتونو د سولې سفيره انجيلینا جولي د لبنان په يوه کمپ کې د يوې مهاجرې نجلۍ سره د ليدو پر مهال.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

لبنان کې په ۲۰۱۶ کال کې يو اعشاريه يو ميليون مهاجرو میشت ول چې د ترکيې او پاکستان وروسته دريم ځای کې راځي.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۲ مقام ـ پاکستان يو اعشاريه شپږ مليونه مهاجر

پاکستان ته په ۲۰۱۶ کال کې يو ميليون او ۶۰۰ زره مهاجرو میشت ول. پاکستان له ترکيې وروسته دويم هيواد دی چې دغه کال کې يې زيات شمير مهاجرو ته ځای ورکړی وو.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

که څه هم په ۲۰۱۶ کال کې له پاکستان څخه په لکونو افغان مهاجر بيرته خپل هيواد ته ستانه شول، خو د دې سربيره د ملګرو ملتونو د مهاجرت ادارې د ارقامو له مخې، دغه هيواد د يو اعشاريه شپږ مليون مهاجرو په لرلو سره د نړۍ د لسو مخکښو هيوادونو په کتار کې دويم ځای لرلی.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

۱ مقام ـ ترکيه دوه نيم ميليون مهاجر

په ۲۰۱۶ کال کې ترکيې ته دوه نيم ميليون مهاجر ورغلي چې ډیری یې سوريايي دي.

د مهاجرو له پاره ۱۰ لوی کوربه هيوادونه کوم ول؟ ـ ۲۰۱۶ کال

په ۲۰۱۶ کال کې ترکيې د اروپايي ټولنې په همکاري مهاجرو ته ستر کمپونه ورغول.

د مهاجرو د تړون په اړوند ستونزې

له ميرکل سره تر ملاقات وروسته ېلدیمیر د مهاجرو تړون د تطبیقیدو په برخه کې پر ستونزو باندي اعتراف وکړ. هغه وویل: «یوه برخه ښه کار ورکوي، یوه برخه یې بیا هغسې کار نه ورکوي چې څرنگه یې موږ غواړو.»

پر دې سربیره د مهاجرو تړون په ترڅ کې ترکي اتباعو ته د شینگن حوزې د ویزې په برخه کې د آسانتیاو رامنځ ته کولو پر سر هم توافق شوی وو. اروپایي اتحادیې د نورو شرطونو تر څنگ په ترکیه کې د ترهگرۍ ضد قانون د معتدله غوښتنه کړې وه. خو انقره بیا دغه څه ردوي. ېلدیمیر دا وار هم به دغه قانون کې د دغسې څه لید وړاندي نه کړ. هغه وویل چې ترکیه له اروپایي اتحادیې څخه دا تمه لري چې د تروریزم ضد قانون سره «په داسې یوه ډول چلن وشي، چې د ترکیې، سیمې او اروپا امنیت له خطر سره مخامخ نه کړي.»

ميرکل وویل چې د کورنیو چارو وزیران به په دې هکله خبري وکړي، چې څرنگه په هوایي ډگرونو او د سیلاني توب په سیمو کې امنیت ښه کیدای شي، چې په وینا یې د بریدونو له کبله د سیلانیانو تر منځ د اندیښنې سبب گرځي.

انگلا ميرکل په انقره کې خپل ترکي سیال ته د منع کړی شوي کردي کارگر گوند (پي کې کې) پر ضد د گډ کار ډاډ ورکړ. تر دې دمخه ميرکل د دیموکراتیکو بنسټیزو حقوقو ته د ژمن پاتېدو پر سر ټینگار کړی وو.

نور مطالب:

جرمني غواړي مهاجر بيرته يونان ته ولېږي

آلمان په ډسمبر مياشت کي تر ۳۰ زيات رد سوي افغان مهاجر افغانستان ته ولېږدول چي پر دې کار پخپله د حکومتي ګوند سوسيال ديموکرات سياستوالو نيوکي وکړې. اوس آلمان غواړي چي په مجموع کي هغه مهاجر چي د يونان له لاري آلمان ته راغلي وي، بيرته يونان ته ولېږي.

جرمني غواړي مهاجر بيرته يونان ته ولېږي

د يونان له لاري په ۲۰۱۵م کال کي اروپا ته ډېر مهاجر راغلل. د معلوماتو له مخي اکثره مهاجر چي په ۲۰۱۵ او ۲۰۱۶ کلونو کي اروپا ته راداخل سوي ول، لومړی يونان ته راغلي ول.

جرمني غواړي مهاجر بيرته يونان ته ولېږي

يونان ته ډېر پناه غوښتونکي له ترکيې څخه په کوچنيو کښتيو کي اوښتل چي په دې ترڅ کي زيات انسانان ډوب هم سول. دغه انځور يوه سوريايي کورنۍ ښيي چي د اوبو له لاري په ۲۰۱۵م کال د يونان کاوس ټاپو ته رسېدلې وه.

جرمني غواړي مهاجر بيرته يونان ته ولېږي

له آلمان څخه يونان ته د مهاجرو د بېرته لېږد په پروسه کي هغه وخت محدوديتونه رامنځ ته سول چي په ۲۰۱۱م کال داسي راپورونه خپاره سول چي په يونان کي د مهاجرو وضعه ښه نه ده. داسي ويل کېده چي يونان د مهاجرو د زياتوالي له کبله تر د هغوی تر هوده نه سي وتلای.

جرمني غواړي مهاجر بيرته يونان ته ولېږي

تردې دمخه چي په ۲۰۱۱م کال کي يونان ته د مهاجرو د بېرته لېږد په پروسه کي محدوديت راسي، د دبلين تړون سره سم مهاجر له آلمان څخه بېرته هغه اروپايي هيواد ته لېږدول کېدل چي له لاري يې اروپا ته راداخل سوي ول. يونان ته د مهاجرو د داخليدو دغه پروسه تر ۲۰۱۶م کال پوري په لوړه کچه روانه وه. دغه انځور د ۲۰۱۶م کال په اپريل مياشت کي د ليسبوس ټاپو په يوه مهاجرکمپ کي اخيستل سوی.

جرمني غواړي مهاجر بيرته يونان ته ولېږي

د ۲۰۱۷م کال د جنورۍ مياشتي پر۱۱مه نېټه اخيستل سوی د يونان سمندري ځواک د بېړۍ يو انځور چي و ليسبوس ټاپو ته يې په خپله وينا ۵۰۰ مهاجر ورسول. دغه مهاجر په سمندر کي له ستونزو سره مخامخ سوي ول او د دغي کښتۍ له خوا وژغورل سول.

جرمني غواړي مهاجر بيرته يونان ته ولېږي

يونان ته تر داخلېدو وروسته زياتره مهاجر، نورو اروپايي هيوادونو ته د رسېدو تلاښ کوي. خو کله چي د بالقان مسير په ۲۰۱۶م کال کي وتړل سو نو ډېر مهاجر په يونان کي بند پاته سول. د دې تر څنګ د اروپايي اتحاديې او ترکيې تر منځ د مهاجرو د بېرته لېږد تړون هم لاسليک سو. دغه انځور د مقدونيا او يونان تر منځ د ايدوميني مهاجر کمپ ښيي.

جرمني غواړي مهاجر بيرته يونان ته ولېږي

د «فرانکفرتر الګيماين» ورځپاڼي د راپور له مخي د آلمان د کورنيو چارو وزير توماس ديميزير د کډوالو پر فدرالې ادارې ږغ کړی دی چي له يونان څخه راغلو پناه غوښتونکو څخه صرف د مارچ تر ۱۵مې نېټي پناه غوښتني ومني. په دې توګه سره آلمان غواړي چي د يونان له لاري ورته راغلي مهاجر بېرته يونان ته ولېږدوي. دا په داسي حال کي چي مرستندويه ټولنو په يونان کي د سخت ژمي له کبله د مهاجرو وضعه د اندېښنې وړ بللې ده.

جرمني غواړي مهاجر بيرته يونان ته ولېږي

دا چي د آلمان د کورنيو چارو وزير توماس ديميزېر د مارچ ۱۵مه نېټه له يونان څخه د مهاجرو د منلو وروستۍ نېټه وړانديز کړې ده، ښايي په دې وجه چي تر هغه وخته به سخت ژمی پای ته رسېدلی وي. د ۲۰۱۷م کال د جنورۍ پر ۱۱مه نېټه د ليسبوس په ټاپو کي د مهاجرو کمپ دغه انځور د مهاجرو وضعه ښيي.

جرمني غواړي مهاجر بيرته يونان ته ولېږي

د اروپايي اتحاديې کميسيون د ۲۰۱۶م کال په دسمبر مياشت کي سپارښتنه کړې وه چي هغه مهاجر چي د ۲۰۱۷م کال د مارچ مياشتي تر۱۵مې نېټي وروسته يونان ته او بيا له يونان څخه «د اصولو خلاف» نورو اروپايي هيوادونو ته ولاړ سي، هغوی بايد بېرته يونان ته ولېږدول سي. ياد کميسيون دغه وړانديز په دې توجيه کړی ؤ چي په يونان کي د پناه غوښتني په پروسه کي موجودي ستونزي تر زياتي اندازې ليري سوي دي.

جرمني غواړي مهاجر بيرته يونان ته ولېږي

د آلمان د کورنيو چارو وزير د ۲۰۱۷م کال د جنورۍ مياشتي پر دويمه وويل چي د آلمان د حکومت اقدامات د دې سبب سوي چي په ۲۰۱۶م کال کي آلمان ته د ۲۰۱۵م کال په پرتله لږ مهاجر راسي. دا چي ديميزير اوس د دبلين تړون د بېرته عملي کولو پر لور گام اخلي او غواړي يونان ته د مهاجرو د بېرته لېږد پروسه پېل کړي، ښايي د آلمان د حکومت د هغو هڅو ادامه وي چي مهاجرو ته پيغام ولېږدوي چي آلمان ته مخه ونه کړي.

جرمني غواړي مهاجر بيرته يونان ته ولېږي

د پناه غوښتونکو د ملاتړ سازمان «پرو ازيول» د آلمان د حکومت پر هغو پلانونو سختي نيوکي کړي دي چي غواړي مهاجر بېرته يونان ته ولېږدوي. دغه سازمان ويلي چي د مهاجرو د سرپناؤ، له سخت موسم څخه د هغوی د ساتنې او د پناه غوښتنې د پروسې په ترڅ کي نيمګړتياوي لا تر اوسه په يونان کي پر ځای پاته دي.

موږ تعقيب کړئ