آیا په آلمان کې مهاجرین کولی شي خپل د اوسیدو ښار بدل کړي؟

آلمان ته تازه راغلي مهاجرین په ټولنه کې له ادغام څخه نیولې تر د دې هیواد د قوانینو په هکله د نه معلوماتو له ستونزې سره مخ دي. د دې ستونزې له ډلې څخه یوه یې هم دا ده چې آیا مهاجرین کولی شي خپل د استوګنې ښار بدل کړي؟

په آلمان کې هغه مهاجرین چې دلته یې د پناه غوښتنې ته مثبت ځواب ورکړل شوی او کولی شي چې په دې هیواد کې پاتې شي، که چیرته وغواړي خپل د استوګنې ښار بدل کړي، دغه څه امکان لري، خو ستونزمن او پیچلی کار دی. په دې رپوټ کې هڅه کوو چې په دې هکله توضیحات وړاندې کړل شي.

په آلمان کې ځینو ایالتونو د اقامې له پاره یو لړ شرایط وړاندې کړي دي چې په آلماني کې ورته «وون سیتز آوف لاګا» یا (Wohnsitzauflage)  اصطلاح کارول کیږي. دا په دې معنی دي چې تاسې باید په هغه ښار کې پاتې شئ چې تاسې پکې اوس میشت یاست او دا اجازه او حق نه لرئ چې خپل ښار بدل کړئ. خو د دې قوانینو او شرایطو سربیره، هغه مهاجرین چې په آلمان کې د ژوند کولو اجازه لري، دوی ته ځینې استثنا موجوده ده. که چیرته یو مهاجر په بل ښار کې کار ولري او یا په بل ښار کې مسلکي زده کړې یا اوسبیلدونګ ولرئ او یا هم له حکومت څخه ټولنیزې مرستې نه ترلاسه کوئ، په دې صورت کې دا امکان موجود دی چې خپل ښار تبدیل کړئ.

په عین وخت کې د «وون سیتز آوف لاګا» یا (Wohnsitzauflage) شرایط پر هغو مهاجرینو باندې متفاوت دی چې تر اوسه یې د پناه غوښتنې د عریضې په هکه ځايي حکومت پریکړه نه وي کړي. پناه غوښتونکي په عمومي توګه اړ دي چې په هغه ښار کې میشت شي، په کوم کې یې چې د پناه غوښتنه کړې وي. دا په دې معنی که چیرته تاسې «وون سیتز آوف لاګا» یا (Wohnsitzauflage) ولرئ، په دې ډول کولی شي چې په آلمان کې هرچیرته سفر وکړئ خو دا اجازه نه درکول کیږي چې په بل ښار کې ژوند پیل کړئ.

که چیرته غواړئ چې وپوهیږئ چې آیا تاسې هم د «وون سیتز آوف لاګا» یا (Wohnsitzauflage) په کتګوري کې راځی او که نه، د دې څه د معلومولو له پاره د پناه غوښتنې خپلو اسناده ته مراجعه وکړئ. 

زموږ له آرشیف څخه:

کومو مهاجر په آلمان کې د مسلکي زده کړو جانس ترلاسه کړی؟

۱- افغانستان

په ۲۰۱۷ م کال کې ۳۴۷۰ افغان پناغوښتونکو او مهاجرو د آلمان په مختلفو برخو کې د مسلکي زده کړو چانسونه ترلاسه کړي دي.

کومو مهاجر په آلمان کې د مسلکي زده کړو جانس ترلاسه کړی؟

۲- سوریه

سوریایې مهاجر د شمیر له پلوه په آلمان کې تر ټولو ډیر دي، خو په دوی کې یوازې ۲۷۰۰ یې مسلکي زده کړې ترلاسه کوي چې په دې برخه کې تر افغانانو شاته پاتې دي.

کومو مهاجر په آلمان کې د مسلکي زده کړو جانس ترلاسه کړی؟

۳- عراق

د ټول آلمان په کچه د مهاجرو په کمپونو کې ۸۰۰ عراقي مهاجر د مسلکي زده کړو پر ترلاسه کولو بوخت دي.

کومو مهاجر په آلمان کې د مسلکي زده کړو جانس ترلاسه کړی؟

۴۔ ایرتیریا

آلماني ادارو او شرکتونو د افریقایې هیواد ایرتیریا ۷۱۰ تنه مهاجر د مسلکي زده کړو په برخه کې منلي دي.

کومو مهاجر په آلمان کې د مسلکي زده کړو جانس ترلاسه کړی؟

۵۔ ایران

که څه هم په آلمان کې د ایران n پناغوښتونکو شمیر دومره لوړ نه دی، خو ایراني مهاجر د مسلکي زده کړو د ترلاسه کولو له پلوه په پنځم ځای کي دي. د دغه هیواد ۵۷۰ تنه مهاجر په آلمان کې پر مسلکي زده کړو بوخت دي.

کومو مهاجر په آلمان کې د مسلکي زده کړو جانس ترلاسه کړی؟

۶۔ پاکستان

پاکستاني مهاجر په دې برخه کې په شپږم مقام کې دي. تیر کال ۴۵۰ پاکستاني مهاجرو په آلمان کې د مسلکي زده کړو چانس ترلاسه کړی دی.

کومو مهاجر په آلمان کې د مسلکي زده کړو جانس ترلاسه کړی؟

۷۔ سومالیا

د سومالیا مهاجر په دې برخه کې اووم مقام ترلاسه کړی دی. ۳۲۰ سومالیایې مهاجرو ته د مسلکي زده کړو زمينه برابره شوې ده.

کومو مهاجر په آلمان کې د مسلکي زده کړو جانس ترلاسه کړی؟

۸۔ نایجیریا

د افریقایې هیواد نایجیریا ۲۸۰ تنو مهاجرو تیر کال په آلمان کې د مسلکي زده کړو چانس ترلاسه کړی دی.

موږ تعقيب کړئ