افغانستان د کریکت د نړیوالو شورا بشپړ غړی شو

د کړیکټ نړیوالې شورا یا ICC پر خپل فیسبوک ټولنیزه پاڼه باندې لیکلي دي چې افغانستان او ایرلند ته د پنجشنبې په ورځ د دغې شورا بشپړ غړیتوب ورکړل شو. له دې سره ښايي د دواړو هیوادونو بودجه او د لوبو شمیر هم لوړ شي.

د کریکټ د نړیوالې شورا له خوا په لنډ خپور شوي پیغام کې راغلي دي چې دغه پریکړه د بشپړ غړیتوب لرونکو هیوادونو تر یوې غونډې وروسته شوې ده.

تر دې وروسته د افغانستان د کریکټ بورد چارواکو د فیسبوک له لارې افغانانو ته د دې موضوع له کبله مبارکي ورکړه.

له دې سره به نو افغانستان د تیست لوبو کولو امکان ولري او په عین حال کې به یې د کریکټ له نړیوالې شورا څخه د ترلاسه کیدونکو پیسو اندازه هم ډیره شي. د افغانستان کریکټ په ډیر کم وخت کې په نړیواله کچه ډیرې لویې لاس ته راوړنې لرلي دي او له همدې کبله یې د کریکټ د نړیوالې شورا پام هم ځان ته اړولی دی.

تمه کیږي د افغانستان د ملي لوبډلې د لوبو شمیر به هم ډیر شي او افغانستان به وکړای شي چې د پخوا په پرتله له بشپړ غړیتوب لرونکو هیوادونو سره لا ډیرې لوبې وکړي.

کریکټ: ویسټ انډیز له افغانستانه دریمه لوبه هم وگټله

افغانستان د ټاس تر گټلو وروسته پخپله د منډو جوړولو پریکړه وکړه. لوبه نور علي ځدراڼ او جاوید احمدي پېل کړه. خو له جاوید احمدي سره بخت یاري و نه کړه او بې لې کومې منډې د بدري په توپ ال بي ډبلیو شو. په انځور کې د کپتان اصغر ستانکزي د توپ وهنې یوه صحنه لیدل کیږي.

کریکټ: ویسټ انډیز له افغانستانه دریمه لوبه هم وگټله

کله چې جاوید احمدی وسوځید افغانستان ۱۴ منډې لرلې. خو نور علي ځدراڼ تیزه لوبه وکړه او مجموعي منډې یې تر ۴۵ پورې ورسولې. نور علي ځدراڼ په ۱۹ توپونو د دوو شپږیزو او پنځه څلوریزو سره ۳۵ منډې وکړې، خو د کوک ویلمز په توپ وسوځید.

کریکټ: ویسټ انډیز له افغانستانه دریمه لوبه هم وگټله

خو کپتان اصغر ستانکزي تیزې لوبې ته ادامه ور نه کړای شوه او په ۲۳ توپونو یې ۱۳ منډې وکړې. د افغانستان له لوري بل لوبغاړی کریم جنت وو چې په ۱۷ توپونو یې اووه منډې جوړې کړې او د تایلر په توپ باندې کیچ اوټ شو. که څه هم په دریمه لوبه کې افغان لوبغاړو د تیرو دوو په پرتله ښه لوبه وکړه او د ویسټ انډیز لوبډلې ته یې د ۱۴۷ منډو هدف وټاکه، خو ویسټ انډیز دغه هدف په آسانۍ سره پوره کړ.

کریکټ: ویسټ انډیز له افغانستانه دریمه لوبه هم وگټله

په بېټنگ یا توپ وهنه کې د افغانستان له لوري تر ټولو زیاتې منډې محمد نبي وکړي چې ۳۸ وې. د نورو لوبو په پرتله ویکټ ساتونکي شفیق الله شفق هم ښې منډې وکړې چې په ۱۵ توپونو یې د یوې شپږیزي او درو څلوریزو پر مټ ۲۵ منډې وکړې. د ویسټ انډیز له لوري تر ټولو زیاتې ویکټې ویلیمز واخیتسې چې درې افغان لوبغاړي یې وسوځول. ویلیمز درې مهم لوبغاړي جاوید احمدي، محمد نبي او شفق الله وسوځول.

کریکټ: ویسټ انډیز له افغانستانه دریمه لوبه هم وگټله

د ویسټ انډیز په بریا کې سمویلز لوی لاس درلود چې په ۶۶ توپونو یې د درو شپږیزو او نهه څلوریزو پر مټ ۸۹ منډې وکړې او تر اخره ناسوځیدلی پاته شو. د افغانستان لوبډلې په ننۍ لوبه کې د فیلډنگ په برخه کې یو څه ستونزې لرلې چې څو کیچونه و نه نیول شول او د ځینو رنځونو مخه هم و نه نیوله شوه. سمویلز د ننۍ لوبې او د شل اوریزو لوبو د لړۍ غوره لوبغاړی هم شو.

کریکټ: ویسټ انډیز له افغانستانه دریمه لوبه هم وگټله

شاه پور ځدراڼ لومړنۍ افغان توپ اچونکی وو چې د لومړي اوور په دوهم توپ یې د ویسټ انډیز لوبغاړی وسوځاوه. هغه ۳،۲ اورونه وکړل او ۲۷ منډې یې ورکړې. محمد نبي څلور اورونه وکړل، یو لوبغاړی یې وسوځاوه او ۳۳ منډې یې ورکړې.

کریکټ: ویسټ انډیز له افغانستانه دریمه لوبه هم وگټله

راشد خان هغه توپ اچونکی دی چې په تیرو درو لوبو کې یې تر ټولو کمې منډې ورکړې. هغه څلور اوورنه وکړل، یوه ویکټه یې واخیسته او ۲۲ منډې یې ورکړي. کریم جنت په ننۍ لوبه کې په څلورو اورونو کې تر ټولو زیاتې منډې ورکړې چې ۴۱ وې او کوم لوبغاړی یې هم و نه سوځاوه. امیر حمزه هم څلور اورونه وکړل ۲۴ منډې یې وکړې خو د ویکټو په اخیستو بریالی نه شو.

کریکټ: ویسټ انډیز له افغانستانه دریمه لوبه هم وگټله

ویسټ انډیز وکړای شول چې ټاکلی هدف د وروستي اور په دوهم توپ پوره کړې او افغانستان په اوو ویکټو ماته کړي. په دې سره ویسټ انډیز د شل اوریزو لوبو دغه سیریز یا لړۍ درې صفر وگټله. په پام کې ده چې دواړه لوبډلې اوس درې یو ورځنۍ نړیوالې لوبې وکړي. د دغو سیالیو لومړۍ لوبه د جون میاشتې پر نهمه کیږي. دغه لوبه د مرکزي اروپا پر وخت د ماښام په ۸:۳۰ او د افغانستان په وخت د شپې په ۱۱ بجو پیلیږي.

د کريکټ په ټيسټ لوبو کې چا لس زره منډي پوره کړي؟

براين لارا، ويست انديز

براين لارا د هغو لوبغاړو په سر کې راځي چې په لږ لوبو کې یې لس زره منډي پوره کړي دي. ده په ۱۱۱ لوبه کې دا مقام خپل کړ. په دې موخه لارا ۱۹۵ اننګز (نوبت) ولوبول.

د کريکټ په ټيسټ لوبو کې چا لس زره منډي پوره کړي؟

سچن تندولکر، هند

د کرکيټ د نړۍ يوه ډير ښه توب وهونکي سچن تندولکر په کلکته کې د ۲۰۰۵م کال د مارچ پر۱۶نيټه له پاکستان سره د يوې لوبې پر وخت په انفرادي توګه د لس زرو پاته منډي پوره کړې. دا د نوموړي ۱۲۱ ټيسټ لوبه او ۱۹۵ اننګز (نوبت) وو. تندولګر د ۱۹۸۹م کال د نوامبر پر ۱۵ نيټه په لومړي ځل په ټيسټ ميچ کې لوبيدلی وو.

د کريکټ په ټيسټ لوبو کې چا لس زره منډي پوره کړي؟

کمارا سنګا، سريلانکا

د سريلانکا د ټيسټ لوبو ستوري کمارا سنګا په خپله ۱۵۹ ټيسټ لوبه کې لس زره منډي پوره کړې. دی د استرليا په ملبورن کې دې هدف ته ورسيد. دا د ۲۰۱۲م کال د دسمبر ۲۶ نيټه وه.

د کريکټ په ټيسټ لوبو کې چا لس زره منډي پوره کړي؟

رکي پونټنګ، استرليا

رکي پونټنګ د ۲۰۰۸ م کال د مي پر ۳۰ نيټه په نارت ساونډ کې له ويست اندیز سره په لوبه کې د لسو زرو منډو پاته برخه پوره کړه. ده دا هدف د ۱۱۸ ميچو په پر وخت د ۱۹۶ اننګز په لوبولو سره ترلاسه کړ.

د کريکټ په ټيسټ لوبو کې چا لس زره منډي پوره کړي؟

راهول دراوډ، هند

په ۲۰۰۸ م کال کې راهول دراوډ په چنايي کې له سويلي افریقا سره په يوه لوبه کې خپل لس زره منډې پوره کړې. د توپ ويشتونکو مخې ته د «ديوال» په نوم شهرت لرونکي دې لوبغاړي په ۱۲۰ لوبو کې د ۲۰۶ اننګز تر لوبولو وروسته دغه هدف ترلاسه کړ.

د کريکټ په ټيسټ لوبو کې چا لس زره منډي پوره کړي؟

يونس خان، پاکستان

د خيبر پښتونخوا د مردان سيمې يونس خان لومړی پاکستانی لوبغاړی دی چې همدا څو ورځې ترمخه يعني د اپريل پر ۲۱ نيټه یې په کنګستن کې له ويست اندیز سره په لوبه کې خپلې لس زره منډې پوره کړې. دا د نوموړي ۱۱۶ لوبه او ۱۰۸ اننګز وو. يونس خان د ۲۰۰۰م کال د فيبرورۍ پر ۲۶ نيټه په ټيسټ لوبو پیل وکړ.

د کريکټ په ټيسټ لوبو کې چا لس زره منډي پوره کړي؟

مهيلا جی وردنې، سريلانکا

مهيلا جی وردنې د ۲۰۱۱م کال د دستمبر پر ۲۶ نيټه په دربن کې لس زره رنز پوره کړل. دا د نوموړي ۱۲۷ لوبه او ۲۱۰ اننګز وو. جی وردنې په ۱۹۹۷م کال کې په ټيسټ لوبو پیل کړی وو.

د کريکټ په ټيسټ لوبو کې چا لس زره منډي پوره کړي؟

سنيل ګواسکر، هند

سنيل ګواسکر لومړی لوبغاړی دی چې په ټيسټ لوبو کې یې لس زره منډي جوړې کړي. دې تکړه توپ وهونکي د ۱۹۸۷م کال په مارچ مياشت کې په احمد آباد کې له پاکستان سره په يوه لوبه کې دا هدف ترلاسه کړ. نوموړي په ۱۲۴ ټيسټ لوبو کې لس زره منډې پوره کړې.

د کريکټ په ټيسټ لوبو کې چا لس زره منډي پوره کړي؟

ژاک کيلس، سويلي افريقا

تکړه آل راونډر ژاک کيلس په يوهانسبورګ کې له استرليا سره په يوه لوبه کې چې د ۲۰۰۹ م کال د فيبرورۍ پر ۲۶ نيټه وه لس زره منډي پوره کړې. دا د نوموړي ۲۱۷ اننګز او ۱۲۹ لوبه وه. کيلس په ۱۹۹۵م کال کي په ټيسټ لوبو پيل وکړ.

د کريکټ په ټيسټ لوبو کې چا لس زره منډي پوره کړي؟

الستير کک، بريتانيا

بريتانوي توپ وهونکي کک د ۲۰۱۶م کال په مي میاشت کې له سريلانکا سره د لوبې پرمهال خپل لس زره رنز پوره کړل. کک په ۲۰۰۶م کال کې په ټيسټ لوبو پیل کړی وو.

د کريکټ په ټيسټ لوبو کې چا لس زره منډي پوره کړي؟

ايلن باردر، استرليا

ايلن باردر چې په ډيرو کاميابو کپتانانو کې شميرل کيږي، د ۱۹۹۳م کال په جنورۍ مياشت کې یې د سدني په لوبغالي کې له ويست اندیز سره په لوبه کې لس زره منډې پوره کړې. ده په ۲۳۵ اننګز يا (نوبتونو) کې دا هدف تر لاسه کړ او هغه مهال دې هدف ته رسيدونکی دويم لوبغاړو شو. ده په ۱۹۷۸ م کال کې ټيسټ لوبي پيل کړي وې.

د کريکټ په ټيسټ لوبو کې چا لس زره منډي پوره کړي؟

شيو ناراين چندرپال، ويست اندیز

شيو ناراين چندرپال د ۲۰۱۲م کال د اپريل پر ۲۳ نيټه دې هدف ته ورسيد. په روسو کې له استرليا سره په لوبه کې نوموړی د لس زرو رنزو جوړونکو په کتار کې ودريد. دا د هغه ۱۴۰ لوبه او ۲۳۹ نوبت وو.

د کريکټ په ټيسټ لوبو کې چا لس زره منډي پوره کړي؟

ستيو وا، استرليا

د استرليا دې آل راونډر د ۲۰۰۳م کال د جنورۍ پر۲ نيټه د سدني په لوبغالي کې له بريتانيا سره په لوبه کې دا هدف ترلاسه کړ. ده په تر ټولو زياتو يعني ۲۴۴ اننګز کې تر لوبيدو وروسته لس زره منډې پوره کړې.

موږ تعقيب کړئ