امريکا د روسيې پر وړاندي د بريتانيا د دريځ ملاتړ کوي

په بریتانیا کې د روسیې پر پخواني جاسوس تر حملې وروسته، د امریکا حکومت د مسکو پر ضد د بریتانيا د صدراعظمې د اقداماتو ملاتړ کړی دی. اوس د دغه کړکیچ د لا پېچلتيا اټکل کیږي.

د ملګرو ملتونو د امنیت شورا په ځانګړې غونډه کې امريکا متحدو ایالاتو د بریتانيا له هغې ارزونه سره همغږي ښوولې ده چې روسیه پر پخواني جاسوس سیرګي سکريپال باندي د زهرو په حمله کي گرمه بلل شوې ده. دغه خبره سپيني ماڼۍ کړې ده. ويل شوي دي چې د تريزا مې، دا پریکړه چې ۲۳ دیپلوماتان له بریتانيا څخه ووځي یو «مناسب ځواب» دی.

په ملګرو ملتونو کې کې د امريکا متحدو ایالاتو سفیري نیکي هیلي، هم د امنیت شورا په غونډه کې روسیه د دغې حملې له پاره مسئول وبلله. هغې پر امنیت شورا باندي د «سملاسي اساسي اقداماتو» د کولو غږ کړی دی.

د امنیت شورا په دغه بیړنۍ غونډه کې د روسیې او بریتانيا تر منځ لفظي شخړې وشوې. په ملګرو ملتونو کې د روسیې سفیر واسلي نبینزیا  وویل چې تريزا مې «د بې ځایه قهر فضا» رامنځ ته کیدو هڅه کوي. هغه په دغه پيښه کې د خپل هیواد هر ډول ښکیلتیا رد کړه او په دې تړاو یې د شکمنو شواهدو د وړاندي کولو غوښتنه وکړه. دا په داسې حال کې ده چې روسیه په امنیت شورا کې د ویتو حق لري او د دغې شورا د پریکړو مخه نیولی شي.

په ملګرو ملتونو کې د بریتانيا سفیر جوناتن الین په ځواب کې وویل چې هیواد به یې د روسیې له «انکار، انحراف او ګواښونو» له کبله و نه پاریږي. تر دې دمخه د ملګرو ملتونو عمومي منشي انتونیو ګویترش د وضعیت په هکله خپله «ژوره اندیښنه» څرګنده کړې وه.

تحقیق کوونکي د دوشنبې په ورځ په وینترسلو کې د کیمیاوي ګاز د برید په هکله پلټنې کوي

خو د امريکا په پرتله فرانسې محتطانه څرګندوني وکړې. د فرانسې د بهرنیو چارو وزیر ژان ایو لو دریان، له دې ډډه وکړه چې روسیه د دغه کیماوي برید د اصلي طراح په توګه یاد کړي. لو دریان په پاریس کې د آلمان د بهرنیو چارو له وزیر هایکو ماس سره تر ملاقات د مخه وویل چې په راتلونکو ساعتونو کې به د بریتانيا له چارواکو سره په «لوړه کچه» خبرې اترې تري وکړي، څو یو غبرګون همغږی کړي. د هغه په خبره دلته د فرانسې د یوه مهم متحد د امنیت موضوع مطرح نه ده، بلکې د اروپا د امنیت موضوع هم مطرح ده. په پام کې ده چې د پنجشنبې په ورځ د فرانسې ولسمشر ایمانویل مکرون د بریتانیې له صدراعظمې تريزا مې، سره خبري وکړي.

د آلمان صدراعظمې انګلا میرکل له روسیې څخه د زهرجن برید په هکله د بشپړې همکارۍ او د شفاف سپیناوي غوښتنه کړې ده. هغې د آلمان له اې آر دي، تلویزوني شبکې سره په خبرو کې ویلي دي چې «موږ د بریتانيا د حکومت موندنې ډیري جدي نیسو.» د آلمان د بهرنیو چارو وزیر هایکو ماس ویلي دي چې دغه برید باید بې پایلې پاته نه شي. د هغه په خبره عاملین باید د قانون منګولو ته وسپارل شي. د اروپایي اتحادیې د شورا مشر دونلد توسک، ویلي دي چي دغه حمله به د اروپایي اتحادیې د راتلونکې اوونۍ د سرمشریزي موضوع وي.

۶۶ کلن سکریپال او د هغه ۳۳ کلنه لور د مارچ مياشتي پر څلورمه نیټه د بریتانيا په سلیسبري، ښار کې د یوه پلورنځي مخې ته د بې هوښۍ په حالت کې وموندل شول. له هغې راهیسې دواړه په روغتون کې له مرګ او ژوند سره لاس او ګریوان دي. د بریتانيا د معلوماتو له مخې په دغه حمله کې له یو ډول عصبي زهرجن  ګاز څخه استفاده شوې ده چې د پخواني شوروي اتحاد پوځ په ۷۰ او اتیایمه لسیزه کې جوړ کړی دی.

مې له بریتانيا څخه د روسي دیپلوماتو پر ایستلو سربیره د نورو اقداماتو اعلان کړی دی چې په هغو کې د پولو سخت کنترول او د شتمنیو بالقوه کنګل کول شامل دي. همداشان به د سږکال په اوړي کې د فوټبال نړیوال جام سیالیو ته د نندارې له پاره د بریتانيا کوم وزیر او نه هم د شاهي کورنۍ کوم غړی سفر وکړي.

د دغو اقداماتو د اعلان له کبله د دغه شخړې د لا ترینګلې کیدو اټکل کیږي. د روسیې د بهرنیو چارو وزیر دغه بندیزونه بې ساري لمسون بللی دی. د هغه په خبره دا د منلو وړ نه ده چې د بریتانيا حکومت بندیزونه ولګوي. مسکو هم په نزدې راتلونکې کې د غچ اخیستونکو اقداماتو خبره کړې ده.

زموږ له آرشیف څخه:

شوروي اتحاد له منځه ولاړ، خو وسلې یې لا ژوندۍ دي

د کلاشینکوف اووه لسیزي

دغه وسله چې د کلاشینکوف په نوم یادیږي او په ایران کې د کلاش، په لنډ نوم هم یادیږي ښایي په نړۍ کې یوه له هغو وسلو په دوامداره توګه استعمالیږي. دغه وسله میخایل کلاشینکوف (په انځور کې) طرحه کړ او تولید یې هم په ۱۹۴۷م کال کې پیل شو. کلاشینکوف د کمې بیې او همداشان د ډاډتیا له کبله پر دې وتوانید چې ډیر شهرت ومومي. په ځانګړې توګه چریکي ډلې او نیمه ملیشې او آن ځیني باندونه له دغې وسلې څخه استفاده کوي.

شوروي اتحاد له منځه ولاړ، خو وسلې یې لا ژوندۍ دي

مکاروف «فضايي» وسله

مکارف (Makarow) چې تر ملا تړل کیږي له دوهمې نړیوالې جګړې وروسته ډیزاین شوه او څلور لسیزي (له ۱۹۵۱م کال څخه تر ۱۹۹۱م کاله پورې) د سره پوځ، د پولیسو د مامورینو او ځانګړو قطعاتو وسله وه. دغه ۹ ملي متره وسله د هغې بسته برخه وه چې د پخواني شوروي فضا نوردانو به د خپل ماموریت پر مهال له خپل ځانه سره لیږدوله او ځمکې ته په یوه بیړني حالت کې د بیرته راګرځیدو په صورت کې ښایي د هغوی په کار شوې وای.

شوروي اتحاد له منځه ولاړ، خو وسلې یې لا ژوندۍ دي

میګ ۲۹

میګ ۲۹ د پخواني شوروي یوه له مشهورو جنګي الوتکو څخه وه چې په ۷۰مه لسیزه کې طرحه شوه او د اتیایمي لسیزي په لومړیو کې د پخواني شوروي هوایي ځواک خدمت ته وړاندې شوه. دغه الوتکه د ځانګړو مانورونو د وړتیا له کبله د وسلو د کارپوهانو له لوري وستایل شوه او همداشان د پخواني شوروي له بهترینو صادراتي محصولاتو څخه شمیرل کیده. د روسیې پوځ اوس هم له میګ ۲۹ څخه استفاده کوي.

شوروي اتحاد له منځه ولاړ، خو وسلې یې لا ژوندۍ دي

کاتیوشا

د کاتوشیا په نوم د توغندیو توغونکی د پخواني شوروي اتحادي د هغو وسلو له ډلې څخه ده چې په دوهمه نړیواله جګړه کې د نازي آلمان د پوځ پر وړاندې ترې استفاده کدیه. کاتوشیا، څو توغندي توغولی شي او پر بیلابیو نقیله وسایطو سمبالیدی شي او پر دې سربیره د جنګي توپونو په پرتله کولای شي د دښمن پر وړاندې ډیر چاویدونکي توکي یا توغندي وتوغوي.

شوروي اتحاد له منځه ولاړ، خو وسلې یې لا ژوندۍ دي

اس ۳۰۰

اس ۳۰۰ ډوله توغندي هغه دافع هوا توغندي دي چې د ایران اسلامي جمهوریت هم رانیولي دي. دغه توغندي د ۷۰یمي لسیزي په پای کې د پخواني شوروي د هوايي دفاع له پاره جوړ شول. دغه توغندي د پرمختګ په حال کې دي او د اس ۳۰۰ پي ام یو، ډوله توغندي کولای شي په هوا کې حد اکثر د ۲۷ کیلومترو په ارتفاع کې هدف له منځه یوسي.

شوروي اتحاد له منځه ولاړ، خو وسلې یې لا ژوندۍ دي

دراګونوف

دراګونوف یو نخښه ویشتونکی ټوپک دی چې دوربین هم لري او له ۱۹۶۳م کال راهیسې ترې د پخواني شوروي پوځ کار اخیستل پیل کړل. خو دې ډیر وخت و نه نیو چې دغه ټوپک د نورو هیوادونو اردو ته هم لار ومومي. دغه وسله په ځانګړې توګه په ویتنام کې له امریکایی عسکرو سره په جګړه کې وکاروله شوه. SITE Intelligence Group موسسې په ۲۱۰۵م کال کې د داعش د یوه جګړه مار انځور خپور کړ چې دراګونوف وسله یې لرله.

شوروي اتحاد له منځه ولاړ، خو وسلې یې لا ژوندۍ دي

تي ۳۴

د پخواني شوروي اتحاد پوځ، د نازي آلمان پر اردو باندې د بریا په برخه کې د تي ۳۴ په نوم افسانوي ټانکونو نوم هم یادوي، چې د خپل وخت بهترین ټانکونه شمیرل کیږي. له دغو ټانکونو څخه سور پوځ په ۱۹۴۱م کال کې کار اخیستل پیل کړل. دغه ټانکونه د خوځښت او حفاظت په برخه کې له ځانګړي قدرت څخه برخمن ول. تي ۳۴ ټانکونه په نړۍ کې یو له زیاتو پيرودونکو ټانکو څخه شمیرل کیږي.

موږ تعقيب کړئ