«انيس عامري ووژل سو»

د ايټاليا د کورنيو چارو وزارت تصديق کړې ده چي د برلين په خونړۍ پېښه کي په لاس لرلو شکمن انيس عامري د دغه هيواد په ميلان ښار کي پوليسو ويشتلی او وژلی دئ.

د ايټاليا د کورنيو چارو وزير مارکو مينيتي، د جمعې په ورځ (۲۰۱۶م کال د دسمبر ۲۳) په روم کي يوه خبري کنفرانس ته وويل چي د برلين په خونړۍ پېښه کي په لاس لرلو شکمن انيس عامري د دغه هیواد په ميلان ښار کي پوليسو ويشتلی او وژلی دئ.

تر دې مخکي ايټالوي خبري آژانس «ANSA» خبر ورکړ چي د برلين په خونړۍ پېښه کي په لاس لرلو شکمن کس په ايټاليا کي له پوليسو سره په متقابلو ډزو کي وژل سوی دئ.

د جرمني خبري آژانس د راپور له مخي دغه نونسی چي په ټوله اروپا کي ور پسې لټون روان وو، په ايټاليا کي د پوليس په عادي کنترول کي راگير سوی. کله چي پوليسو له هغه څخه د پېژندپاڼي غوښتنه کړې، نو عامري د پيژند پاڼي پر ځای خپله وسله راايستلې او پر پوليسو ئې ډزي کړي. د رپوټ په حواله هغه د پوليسو په جوابي ډزو وژل سوی دئ.

په ميلان کي له تروريزم سره د مبارزې مشر البيرتو نوبيلي، ويلي دي چي انيس عامري له فرانسې څخه په اورگاډي کي د پنجشنبې په ورځ نيمه شپه ايټاليا ته ور رسېدلی وو. د هغه په خبره عامري، د جمعې په ورځ سهار پر څلورو بجو له دوو پوليسو سره په مقابله کي ووژل سو. په دې پيښه کي يو پوليس په اوږه کي ټپي سوی او روغتون ته انتقال سوی دئ. ويل سوي دي چي د ټپي سوي پوليس روغتيايي حالت د اندېښنې وړ نه دئ.

انځورونه: انيس عامري څرنگه ووژل شول؟

انیس عامری له پولیسو سره په ډزو کښې ووژل شو

د پولیسو د سرچینو په حواله، د برلین د کریسمس پر بازار بریدګر وروسته له هغې چې د پولیسو د یوې ګزمې له خوا وپیژندل شو له هغه څخه یې د پیژندپاڼې غوښتنه وکړه، خو هغه خپله وسله راویستله او پر پولیسو يې ډزي وکړې.

انځورونه: انيس عامري څرنگه ووژل شول؟

د پیښي سیمه

رپوټونه همدا راز وايي چې د وژل شوي کس د ګوتې نخښې یا فنګر پرنټ د برلین د پیښې له بریدګر، انیس عامري سره تطابق لري.

انځورونه: انيس عامري څرنگه ووژل شول؟

پولیس د پیښې په سیمه کښې شواهد ټولوي

د ایټالیا امنیتي چارواکي وايي چې په دې وسله وال اخ و ډب کښې یو ایټالیوی پولیس ټپي شوی دی.

انځورونه: انيس عامري څرنگه ووژل شول؟

له انیس عامري سره د وسله والي نښتې سیمه

ایټالیوي چارواکي وايي چې له عامري څخه ترلاسه شوې وسله همغه وسله ده چې پولنډی لارۍ چلوونکی په وژل شوی. خو تر اوسه آلماني چارواکو د دې خبري پخلی نه دی کړی او ویلي یې دي چې دغه موضوع څیړنو ته اړتیا لري.

انځورونه: انيس عامري څرنگه ووژل شول؟

د انیس عامري تر وژل کیدو وروسته، خبري کنفرانس

د ایټالیا د کورنیو چارو وزیر «چپ لوري ته» په یوه خبري کنفرانس کښې دغه خبر له رسنیو سره شریک کړ.

انځورونه: انيس عامري څرنگه ووژل شول؟

د انیس عامري تیر وخت

د برلین په برید کې اصلي شکمن په آلمان کښې په مختلفو نومونو ځان ثبت کړی وو. د رسنیو د رپوټونو په حواله، هغه په ۲۰۱۱م کال کښې ایټالیا ته تللی وو او د يوه جرم له امله په څلورو کلونو بند محکوم شوی وو.

انځورونه: انيس عامري څرنگه ووژل شول؟

د انیس عامري سلفي انځور

دغه اخیستل شوی انځور د انیس عمري سلفي دی. دغه ۲۴ کلن مهاجر په تونس کښې زیږیدلی وو. هغه د برلین د خونړي برید یوازینی اصلي شکمن عامل وګڼل شو او وروسته له دې هغه په ټوله اروپا او آلمان کښې تر تعقیب لاندې وو.

انځورونه: انيس عامري څرنگه ووژل شول؟

د برلین له قربانیانو سره خواخوږي

آلمانیانو د برلین د خونړي برید له قربانیانو سره د خواخوږی شریکولو له پاره شمعې بلې کړي او پیغامونه یې ولیکل. په دې خونړي برید کښې ۱۲ کسان ووژل شول او لسګونه نور بیا ټپیان شول.

انځورونه: انيس عامري څرنگه ووژل شول؟

د انیس عامري خور

د انیس عامري خور د هغه په هکله له رسنیو سره خبرې کړي دي. د الشرق په نامه یوې ورځپاڼې د تونس هیواد شمال شرقي سیم ته خپل خبریال لیږلی وو چیري چې د انیس کورنۍ ژوند کوو.

انځورونه: انيس عامري څرنگه ووژل شول؟

په تونس کښې د انیس عامري کورنۍ

په ورته وخت کې دویچه ویله هم د انیس عامري له کورنۍ سره چې اوس هم په تونس کښې ژوند کوي، خبري کړي وې او د هغه د تیر وخت په هکله یې رپوټ جوړ کړی وو.

د جرمني چارواکو تر اوسه پوري لا په ايټاليا کي د انيس عامري د وژل کېدو خبر تائيد کړی نه دئ. خو په برلين کي د بهرنيو چارو وزارت يوه وياند ويلي دي چي دوی له ايټالوي چارواکوي سره په تماس کي دي.

پر انيس عامري باندي د دوشنبې په ورځ په برلين کي د کريسمس پر بازار د لارۍ موټر په يرغل کي چي ۱۲ کسان پکښي ووژل سول او ۵۰ نور ټپيان سول، د لاس شک کېدی.

په هغه لارۍ موټر کي چي د برلين پر کريسمس بازار ورځغلول سوی وو، د انيس عامري پيژندپاڼه (د هويت کارت) موندل سوې وه.

د تونس هيواد دغه وگړی په ۲۰۱۵م کال کي جرمني ته د مهاجر په توگه راغلی وو او د پناه غوښتنه ئې رد سوې وه، خو د موقتي اقامت اجازه ئې لرله.

په عامري پسې نه یوازي په اروپا، بلکي تونس کي هم پلټني رواني وې.

انځوریز رپوټ: په برلین کې د کريسمس پر بازار د برید په ویر کې

غمشریکي

د فرانسې د نیسه ښار چې مخکې تر دې د ورته برید شاهده وه، په تویتر کې له دغه انځور سره د برلین له خلکو سره خپله همبستګي او همدردي ښکاره کړه.

انځوریز رپوټ: په برلین کې د کريسمس پر بازار د برید په ویر کې

د بریدګر لارۍ

دا هم هغه لارۍ ده چې بریدګر په برلین کې د کرسمس په بازار کې پر خلکو وخیژوله. د دغه برید په پایله کې ۱۲ تنه ووژل شول او ۴۸ تنه ټپیان شول. دا لارۍ د یوه پولنډي شرکت وه. اټکل کیږي چې د لارۍ موټروان د بریدګر په وسیله وژل شوی دی.

انځوریز رپوټ: په برلین کې د کريسمس پر بازار د برید په ویر کې

تر برید مخکې د بازار انځور

تر برید مخکې دغه بازار پر رنګه رانګه څراغونو او ګرپونو سینګار شوی وو، خو تر پيشې یو شپه وروسته په فضاء کې خاموشي حاکمه وه.

انځوریز رپوټ: په برلین کې د کريسمس پر بازار د برید په ویر کې

د براندنبورگ تاریخي دروازه

په برلین کې د کرسمس پر بازار تر برید وروسته له قربانیانو سره د همبستګي په موخه د براندنبورګ دروازه د څراغ په وسیله د آلمان د بیرغ په رنګ روښانه شوی وو.

انځوریز رپوټ: په برلین کې د کريسمس پر بازار د برید په ویر کې

د قربانیانو په یاد

د پيښې ځای ته نږدې سړک کې هر لور ته د ګلانو ګیډۍ لیدل کیدل. د سیمه ییزو خلکو سربیره د مختلفو هیوادونو اتباعو له قربانیانو سره د همدردۍ ښکاره کولو په موخه د ګلانو ګیډۍ ایښې وي.

انځوریز رپوټ: په برلین کې د کريسمس پر بازار د برید په ویر کې

آلمان په غم کې

تر دغې پيښې وروسته د آلمان بیرغ په نیمه زوړند حالت کې وو. نه یوازې اروپا بلکې د نړۍ مختلفو هیوادونو له آلمان سره خپله غم رازي ښکاره کړه.

انځوریز رپوټ: په برلین کې د کريسمس پر بازار د برید په ویر کې

د اروپایې اتحادیې غم رازي

اروپایې اتحادیې له برلین سره د خپل غم رازۍ ښکاره کولو په موخه د دغې اتحادیې په مقر کې خپل بیرغونه نیمه زوړند حالت ته راوستلي ول.

انځوریز رپوټ: په برلین کې د کريسمس پر بازار د برید په ویر کې

د فرانسې په پارلمان کې د یوې دقیقې چپتیا

د فرانسې لومړي وزیر د خپل هیواد د پارلمان له استازو سره یوځای د برلین د پیښې قربانیانو په یاد د یوې دقیقې له پاره چپتیا اختیار کړه. دغه هیواد مخکې تر دې له آلمان سره خپل پیوستون او همدردي اعلان کړی وه.

انځوریز رپوټ: په برلین کې د کريسمس پر بازار د برید په ویر کې

د هسپانیې چارواکو غم رازي

د هسپانیې ټول لوړپوړي چارواکي یوځای سره ودریدل او په برلین کې د کرسمس بازار د پيښې له قربانیانو سره یې خپله غم رازي ښکاره کړه.

انځوریز رپوټ: په برلین کې د کريسمس پر بازار د برید په ویر کې

تړلي غرقې

یوازې په برلین کې د سه شنبې په ورځ د کرسمس بازارونه تړلي ول. که څه هم آلمانان ډیر اندیښمن ول، خو په نورو ښارونو کې د کرسمس بازارونه خلاص ول.

انځوریز رپوټ: په برلین کې د کريسمس پر بازار د برید په ویر کې

د شمعو روښانه کول

په جوپو جوپو خلک راتلل او په برلين کې د کرسمس په بازار کې يې د قربانیانو په یاد شمعې لګولې.

انځوریز رپوټ: په برلین کې د کريسمس پر بازار د برید په ویر کې

د یادون کتاب

د آلمان د کورنیو چارو وزیر توماس دیمیزیر، د قربانیانو د یادون په کتاب له هغو سره د همدردۍ ښکاره کولو په موخه په دغه کتاب کې د لاسلیک کولو په حال کې لیدل کیږي.

انځوریز رپوټ: په برلین کې د کريسمس پر بازار د برید په ویر کې

د کرسمس ونې

تر برید مخکې د کرسمس په دې بازار کې ملکي خلک د خندا او خوشحالۍ په حالت کې لیدل کیدل، خو اوس په دغه ساحه کې وسله وال پولیس لیدل کیږي.

انځوریز رپوټ: په برلین کې د کريسمس پر بازار د برید په ویر کې

په غم کې ټول شریک یو

د دورتموند د فوټبال لوبډلې یو تن مینه وال د دغه پلاکاټ په لیږدولو سره د برلین د پيښې له قربانیانو سره خپله همدردي څرګندوي.

انځوریز رپوټ: په برلین کې د کريسمس پر بازار د برید په ویر کې

د ګلانو ایښودل

د آلمان صدراعظمه انګلا میرکل، د آلمان د کورنیو چارو وزیر توماس دیمیزیر او د دغه هیواد د بهرنیو چارو وزیر فرانک والتر شټاینمایر، د برلین په کرسمس بازار کې د قربانیانو په یاد ګلان ږدي.

انځوریز رپوټ: په برلین کې د کريسمس پر بازار د برید په ویر کې

د موټر اصلي چلونکی

د موټر مالک آریل زوراوسي، په خپل مبايل کې د دغې لارۍ د اصلي موټروان انځور ښکاره کوي. ویل کیږي چې نوموړی شخص(اصلي موټر چلونکی) د دغې پيښې لومړنې قرباني وو. اټکل کیږي چې بریدګر لومړی د موټر چلونکی وژلی او بیا د هغه له موټر څخه په استفادې یې دغه برید ترسره کړی. د اصلي موټر چلونکي جسد د دغه لارۍ موټر په کابین کې موندل شوی.

انځوریز رپوټ: په برلین کې د کريسمس پر بازار د برید په ویر کې

د آلمان لوړپوړي چارواکي د یو بل تر څنګ

د آلمان د ولسمشر یواخیم ګاوک او صدراعظمې انګلا میرکل په ګډون د دغه هیواد ټول سیاستوال د برلین په یوه کلیسا کې سره را ټول شوي ول او قربانیانو ته یې دعا وکړه.

انځوریز رپوټ: په برلین کې د کريسمس پر بازار د برید په ویر کې

د تیارسۍ حالت

د دغه بازار په هر قدمۍ کې پولیس اوږه په اوږه ولاړ دي او هر یو کوچني حرکت څاري. دوی په بازار کې ګزمه وهي او د شواهدو راټولو هڅه کوي.

موږ تعقيب کړئ