بخښني نړيوال سازمان: د افغان مهاجرو اخراج دي بند سي

د بخښني نړيوال سازمان یو تازه رپوټ افغانستان ته د اخراج سوو افغان مهاجرو د ژوندانه د خطر خبره کړې او ویلي یې دي چي، هر څوک چي هلته لیږل کیږي، له تشدد، یرغمل کیدو او مرگ له خطر سره مخامخ دي.

امنیستي انترنېشنل په خپل نوي رپوټ  Forced back to danger»» کي لیکلي دي چي، اروپايي هیوادونه په اوس وخت کي په مخ پر ډیریدونکي ډول سره رد سوي افغانان اخراجوي چي هغوی له تشدد، شکنجې او مرگ سره مخامخ کیږي. په افغانستان کي پر خرابي وضعي سربیره افغانانو ته په جرمني کي د پاتيدو لږ حق ورکول کیږي.

په جرمني کي د دغه سازمان د پناهندگۍ او مهاجرو د سیاست کارپوهه فرانڅیسکا ویلمار، ویلي دي چي، د جرمني د مهاجرو او پناه غوښتني ادارې د ادعا برخلاف په افغانستان کي هیڅ اطمیناني سیمه او یا د قبول وړ ډاډمنه بديله سیمه نه سته. ځکه نو د جرمني حکومت باید بې له ځنډه ددې غم وخوري چي هلته خرابي امنیتي او بشري وضعي ته په کتو سره هیڅوک نور اخراج نه کړي. «افغانستان ته هر اخراج له نړيوالو حقونو خلاف عمل دی».

د«Forced back to danger» نوئ رپوټ په اروپا کي د افغانانو د پناهندگۍ پروسه او همدارنگه د اروپايي ټولني په مختلفو هيوادو کي د هغوی د اخراجیدلو پروسې تعقیب کړي او څیړلي دي.

د جرمني او افغانستان د حکومتونو ترمنځ د ۲۰۱۶م کال په اکتوبر کي د مهاجرو په موضوع کي د همکارۍ تر گډي اعلامیې وروسته تر اوسه پوري ۱۱۸ انسانان په زوره افغانستان ته اخراج سوي دي. دوی ويلي دي چي له ۲۰۱۵م کال څخه تر ۲۰۱۶م پوري په مجموع کي که په زوره ايستل سوي يا پخپله خوښه بيرته گرځېدلي وي شمېر ئې ۹۴۶۰ کسانو ته رسيږي.

په افغانستان کي خلگ د بمباریو، مینونو او همدارنگه امنیتي قواوو او مخالفینو ترمنځ جنگړو کي وژل کیږي. د ویلمار په خبره «اخراج سوي کسان په هدفمند ډول تهدیدیږي، تعقیبیږي، شکنجه کیږي او یا اعدامیږي».

د بخښني نړيوال سازمان له هغو کسانو سره په محل کي هم خبري کړي دي چي له اروپا څخه افغانستان ته اخراج سوي دي. هغوی ویلي دي، چي هلته دوی بې له هر ډول اجتماعي ماحول څخه یوازي پاته سوي دي. داسي کسان هم اخراج سوي دي چي حتی په کوچنیوالي کي له وطن څخه تیښتي ته مجبوره سوي او تر اخراجیدو وروسته په یوه داسي هیواد کي ژوند کوي چي هغوی ته پردئ دی.

د بخښني نړيوال سازمان (امنیستي انترنېشنل) د داسي یوې افغاني مور مثال هم راوړئ دی چي میړه یې له ناروې څخه تر اخراجیدو يوازي څو میاشتي وروسته نیول سوی او وژل سوی دی. په افغانستان کي امنیتي حالت په تیرو څو کلونو کي ډیر زیات خراب سوی دی.

ویلمار بیا وايي،«په ۲۰۰۱م کال کي د طالبانو رژیم تر سقوط وروسته په افغانستان کي دومره ډیر خطر موجود نه وو، لکه اوس.» یوازي پروسږکال تقریبأ ۱۱۵۰۰انسانان وژل سوي او یا ټپيان سوي دي. د سږ عیسوي کال (۲۰۱۷م) په لومړۍ نیمايي کي د هغوی تعداد تر۵۲۰۰ هم زيات وو. په قربانیانو کي تر ټولو دمخه کوچنیان او ښځي شاملي دي.

خو سربیره پردې په مخ پرډیریدونکي ډول سره هغه افغانان چي په جرمني کي پناه غواړي، په زور او جبر سره له دغه هیواد څخه وتلو ته مجبوره کیږي.

زموږ له ارشيف څخه:

له آلمانه اخراج شوي افغان مهاجر په کابل کي

له آلمان څخه اخراج شوي ۸ تنه رد شوي افغان مهاجرین د کابل هوايي ډګر ته رسیدلي. په پیل کې آلماني رسنیو ویلي وو چې په دې پرواز کې ۱۵ افغان مهاجرین بیرته خپل هیواد ته استول کیږي، خو تیره ورځ بیا رسنیو د ۱۲ کسانو یادونه وکړه. په پای کې د کابل له هوايي ډګر څخه یوازې ۸ مهاجرین بهر شوي.

له آلمانه اخراج شوي افغان مهاجر په کابل کي

د دې رد شوو افغان مهاجرینو الوتکه د سې شنبې (د ۲۰۱۷ کال د سپتمبر میاشتې په ۱۲ نیټه) د آلمان له دوسلدورف هوايي ډګر څخه د کابل هوايي ډګر په لور والوته. آلماني چارواکو ویلي چې د اخراج کیدونکو افغانانو په دې دور کې داسې مهاجرین دي چې د پناه غوښتنه یې رد شوې او ځینو یې جرمونه ترسره کړي.

له آلمانه اخراج شوي افغان مهاجر په کابل کي

په کابل کې د آلمان پر سفارت باندې تر خونړي برید وروسته، افغانستان ته د رد شوو اخراجیدونکو مهاجرینو لړۍ ځنډیدلې وه. له هغې پیښې وروسته، دا لومړی ځل دی چې یو ډله افغان رد شوي مهاجرین له آلمان څخه افغانستان ته اخراجیږي.

له آلمانه اخراج شوي افغان مهاجر په کابل کي

د افغانستان د مهاجرینو وزارت چارواکو ویلي چې ټاکل شوې وه په دې پرواز کې ۱۱ افغان مهاجرین افغانستان ته اخراج شي، خو یوازې ۸ مهاجرین رسیدلې دي. د یاد وزارت یو چارواکي آصف عباسي د فرانسې خبري آژانس ته ويلي چې «دا چې پاتې درې کسان ولې نه دي اخراج شوي، دلیل یې موږ ته هم معلوم نه دی.»

له آلمانه اخراج شوي افغان مهاجر په کابل کي

په داسې حال کې چې آلماني چارواکو ویلي چې د اخراجیدونکو مهاجرینو په ډله کې لږ تر لږه درې کسان د آلمان له زندان څخه د کابل هوايي ډګر ته اخراج شوي، خو افغان چارواکو د دې کسانو د راتلونکي برخلیک په هکله تر اوسه پورې کوم نظر نه دی ورکړی.

له آلمانه اخراج شوي افغان مهاجر په کابل کي

د اخراج شوو کسانو له ډلې څخه پنځه رد شوو افغان مهاجرینو د آلمان په بایرن آیالت کې ژوند کوو. د بایرن د کورنیو چارو وزیر یواخیم هرمن ویلي چې دغه کسان مجرم وو. د هغه په وینا له دوی څخه لږ تر لږه دوه کسان یې د جنسي تیري د جرم له امله په زندان کې وو.

له آلمانه اخراج شوي افغان مهاجر په کابل کي

د رد شوو افغان مهاجرینو له ډلې څخه ځینو یې هیڅ هم نه درلودل. دوی ادعا کوله چې دوی په کور کې وو او د آلمان د پولیسو لخوا ونیول شول او سمدلاسه د دوسلدروف هوايي ډګر ته انتقال او له هغه ځایه افغانستان ته اخراج شول. آلماني چارواکي وايي چې څو میاشتې وړاندې یې دغو کسانو ته خبر ورکړی چې باید د آلمان خاوره ترک کړي.

له آلمانه اخراج شوي افغان مهاجر په کابل کي

د آلماني چارواکو د څرګندونو سربیره، ځینې اخراج شوي مهاجرین وايي چې دوی په آلمان کې کوم جرم نه دی کړی او یوازې له دې امله اخراج شوي چې د دوی د پناه غوښتنه نه ده منل شوې. دغه مهاجر هغه مهال چې کابل ته ورسیدو، سترګې یې له اوښکو ډکې شوې خو معلومه نه ده چې دغه اوښکې د خوښی دې که د خفګان.

له آلمانه اخراج شوي افغان مهاجر په کابل کي

بل لوري ته بیا په آلمان کې د بشري حقونو مدافع سازمانونه او ګڼ شمیر نورې ډلې افغانستان ته د دې مهاجرینو پر اخراج نیوکې کړي. دوی ویلي چې د بشري حقونو او امنیت له امله افغانستان په داسې حالت کې نه دی چې آلمان دې وکولای شي رد شوي افغان مهاجرین هلته اخراج کړي.

له آلمانه اخراج شوي افغان مهاجر په کابل کي

د سپتمبر په ۱۲مه په آلمان کې د دوسلدروف هوايي ډګر په مخ کې د بشري او د مهاجرینو د حقونو فعالانو د رد شوو افغان مهاجرینو د اخراج پرضد لاس لاریون او اعتصاب وکړ. ویل کیږي چې د آلمان په لږ تر لږه څلورو ایالتونو کې د رد شوو مهاجرینو د ساتلو له پاره ساتن ځایونه جوړ شوي.

له آلمانه اخراج شوي افغان مهاجر په کابل کي

د سپتمبر په ۱۲مه د آلمان د دوسلدورف په هوايي ډګر کې د لاریون سره په یو وخت کې شاوخوا ۲۰۰ کسانو افغانستان ته د رد شوو افغان مهاجرینو د ډله ایز اخراج پر ضد لاریون وکړ.

له آلمانه اخراج شوي افغان مهاجر په کابل کي

لاریون کوونکو داسې شعارونه لیږدول چې د افغانستان امنیتي وضعیت یې تشریح کوو. دوی افغانستان ته د «اخراج د توقف» غوښتنه کوله.

له آلمانه اخراج شوي افغان مهاجر په کابل کي

په دې لاریون کې ګڼ شمیر افغان مهاجرینو هم ګډون کړی وو. د دوی په لاسونو کې په ځینو شعارونو کې لیکل شوي وو چې «افغانستان خوندي نه دی.»

له آلمان څخه د افغانانو د اخراج پروسه ـ انځوريزه کرونولوژي

د بروکسل غونډه

د ۲۰۱۶ کال د اکتوبر مياشتې په لمړيو کې د بروکسل په غونډه کې افغانستان له اروپايي اتحاديې سره د مهاجرت پر موضوع يوې هوکړې ته ورسيدل، د دغې هوکړې له مخې د اروپايي اتحاديې غړو هيوادونو څخه افغانستان ته د رد شويو افغان مهاجرو د اخراج اسانه کړل شو.

له آلمان څخه د افغانانو د اخراج پروسه ـ انځوريزه کرونولوژي

د رد شويو افغانانو منل

د بروکسل د توافق له مخې، افغانستان دې ته حاضر شو چې د اروپايي اتحاديې د غړو هيوادونو لخوا رد شوي افغان مهاجر ومني.

له آلمان څخه د افغانانو د اخراج پروسه ـ انځوريزه کرونولوژي

اخراج او مرستې

د بروکسل په غونډه کې افغانستان د اروپايي اتحاديې لخوا مالي ملاتړ ترلاسه کړ، خو د بشر حقونو سازمانو پر دغې اتحاديې نيوکې وکړې چې دغه ملاتړ نبايد د مهاجرو له اخراج سره تړلي وي.

له آلمان څخه د افغانانو د اخراج پروسه ـ انځوريزه کرونولوژي

اخراج پر ضد مظاهرې

تر هوکړې وروسته د آلمان په مختلفو ښارونو کې د افغان مهاجرو د اخراج پر ضد ډیرې مظاهرې وشوي. افغان مهاجر او د هغو بهرني ملاتړي وايي چې افغانستان امن ندی.

له آلمان څخه د افغانانو د اخراج پروسه ـ انځوريزه کرونولوژي

لمړنی ډلييز اخراج

آلمان څخه کابل ته د افغان مهاجرو لمړنی ډليز اخراج د ۲۰۱۶ کال په سپټامبر مياشت کې ترسره شو. په دغه پرواز کې ۳۸ تنه ردشوي افغان مهاجر کابل ته بيرته وليږدول شول.

له آلمان څخه د افغانانو د اخراج پروسه ـ انځوريزه کرونولوژي

دويم ډليز اخراج

آلمان څخه د رد شويو افغان مهاجرو دويم ډليز اخراج د ۲۰۱۷ کال په جنورۍ مياشت کې ترسره شو. په دا ځل پرواز کې ۲۶ تنه افغانان کابل ته اخراج شول.

له آلمان څخه د افغانانو د اخراج پروسه ـ انځوريزه کرونولوژي

اخراجونو سره جوخت مظاهرې

که له ېوې خوا ډليز اخراجونه ترسره کيږي ورسره جوخت په ټول آلمان کې افغانانو ته دا حق ورکول کيږي چې د افغان مهاجرو د اخراج په ضد مظاهرې وکړي. په مظاهره کې يوازې افغانان نه بلکه آلمانان هم برخه اخلي. انځور په هامبورک ښار کې د مظاهرې يوه برخه.

له آلمان څخه د افغانانو د اخراج پروسه ـ انځوريزه کرونولوژي

دريم ډلييز اخراج

آلمان څخه د افغان رد شويو مهاجرو دريم ډليز اخراج د ۲۰۱۷ کال په فبرورۍ مياشت کې ترسره شو. په دې پرواز کې ۱۸ تنه افغانان کابل ته اخراج کړل شول.

له آلمان څخه د افغانانو د اخراج پروسه ـ انځوريزه کرونولوژي

د مظاهرو دوام

آلمان کې د مهاجرو ملاتړ کونکو او بشري سازمانونو په وار وار د افغان مهاجرو د اخراج ضد مظاهرو کې د افغانانو تر څنګ خپل اواز اوچت کړی دی. د آلمان ځيني ګوندونو هم د افغان مهاجرو له اخراج سره مخالفتونه ښکاره کړي دي. د بيلګې په توګه د ۲۰۱۷ کال په اپريل کې د آلمان د شلزويګ هولشتاين ايالت صدراعظم تروستن البیک د رد شويو افغان مهاجرو د اخراج بهير د درولو غوښتونکی شو.

له آلمان څخه د افغانانو د اخراج پروسه ـ انځوريزه کرونولوژي

اخراج شوي مهاجر او راتلونکې

افغانستان ته اخراج شوي افغان مهاجر ناهيلي ښکاره کوي. نور ايم رحمن له آلمان څخه په څلور پرواز کې کابل ته اخراج شو. د رحمن په څير اخراج شويو افغان مهاجرو لپاره تر ټولو ناهيلې کونکې خبره دا ده چې زيات وخت يې بې ګټي تير شوی دی. دوی له پاره په افغانستان کې له سره د نوی ژوند پيلول ګران کار بريښي.

له آلمان څخه د افغانانو د اخراج پروسه ـ انځوريزه کرونولوژي

څلورم ډليز اخراج

آلمان څخه کابل ته د ردشويو افغان مهاجرو څلورم ډليز اخراج د ۲۰۱۷ کال په مارچ مياشت کې ترسره شو. په دغه ځل ۱۵ تنه افغانان اخراج شول.

له آلمان څخه د افغانانو د اخراج پروسه ـ انځوريزه کرونولوژي

پنځم پرواز وځنډول شو

په کابل ښار کې د آلمان سفارت مخته د می مياشتې په ۳۱ نيټه د موټر بم ستره چاودنه وشوه. په دغې چاودنه کې شاوخوا ۱۵۰ تنه ووژل شول. د آلمان سفارت ودانۍ هم سخته زيانمنه شوه. آلمان دا ځل د افغانانو پنځم ډليز اخراج وځنډاوه.

له آلمان څخه د افغانانو د اخراج پروسه ـ انځوريزه کرونولوژي

د می ۳۱ مې بريد

کابل کې د ۲۰۱۷ کال د می مياشتې د ۳۱ مې بريد وروسته آلمان افغانستان ته د افغان مهاجرو اخراج د نامعلوم وخت لپاره ودراوه. دغه هيواد وپتيله چې د افغانستان د امنيتي وضعيت په اړه له سره کتنه وکړي. د مي ۳۱ بريد د آلمان سفارت مخته شوی وو چې دغه سفارت په کې سخت زيانمن شو.

له آلمان څخه د افغانانو د اخراج پروسه ـ انځوريزه کرونولوژي

تر درو مياشتو ځنډ وروسته د اخراج لړۍ بيا پيل

د رد شويو افغان مهاجرو وروستي ډلييز اخراج د ۲۰۱۷ کال د سپټمبر په ۱۲ نيټه د دوسلدورف له هوايي ډګر څخه ترسره شو. په دغه پرواز کې لږ تر لږه ۱۲ تنه افغانان کابل ته اخراج کړل شول. دا له هغه وخته چې آلمان حکومت د افغان مهاجرو اخراج تر يو نامعلوم وخت پورې درولی وو، لمړی ډليیز اخراج دی چې له دغه هيواده ترسره کیږي.

له آلمان څخه د افغانانو د اخراج پروسه ـ انځوريزه کرونولوژي

رد شوي افغان مهاجر

کابل ته رسيدلی یو نوی رد شوی افغان مهاجر. دغه ځوان د ۲۰۱۷ کال د سپټمبر په ۱۳ يعنې په وروستي پرواز کې افغانستان ته اخراج شوی دی.

له آلمان څخه د افغانانو د اخراج پروسه ـ انځوريزه کرونولوژي

اخراج د رايو ترلاسه کولو لپاره

د آلمان د مهاجرو له حقونو څخه د ملاتړ ادارې مشر ګهونتر بورکهارت د افغان مهاجرو د وروستي اخراج په اړه د آلمان حکومت پر اعلان سختې نيوکې وکړې. بورکهارت ویلي وو چې هغوی ځکه د انتخاباتو څخه يوازې څو ورځې د مخه دغه کار کوي تر څو وښيي چې د اخراج په مسئله کې جدي دي او په دې ترتيب رايي ترلاسه کړي. سرچينې: آژانسونه، انځورنه د دويچه ویله له آرشیف څخه

موږ تعقيب کړئ