ترامپ د سفري بندیزونو د نوي فرمان په اړه غور کوي

د امریکا متحده ایالاتو ولسمشر د مهاجرو او یو شمیر مسلمانو هیوادونو پر اتباعو د سفر بندیز په هکله د یوه نوي حکم صادرولو ته اشاره کړی. ترامپ ویلي ډاډمن دی چې مخکنی ځنډول شوی فرمان به تعقیب کړي.

دونالډ ټرامپ د جمعې په ورځ (د فبروۍ میاشتې ۱۰) فلوریدا ایالت ته د اسراحت له پاره د پرواز پر مهال د جمهوري ریاست په الوتکه کې دننه خبریالانو ته وویل چې په پام کې لري د سفر د منع په اړه یو نوی فرمان صادر کړي.

د امریکا متحده ایالاتو ولسمشر وویل چې دغه فرمان کیدای شي د دوشنبې یا سه شنبې په ورځو کې لاسلیک شي. هغه همدارنګه هیله څرګنده کړه چې د ایران په ګډون د اوو هیوادونو د اتباعو د سفر ممنوعیت په اړه فرمان به یې پر مخ ولاړ شي: «مونږ به په دې جګړه کې بریالي شو. موږ نور زیات امکانات هم لرو، د هغې له جملې څخه د نوي فرمان صادرول.»

ترامپ تر دغو څرګندونو یو ساعت مخکې په سپینه ماڼې کې ویلي وو چې حکومت به یې هیواد ته د لویو ګواښونو په پام کې نیولو سره په راتلونکي اونۍ کې لا زیات امنیتي تدابير ونیسي.

د ترامپ د فرمان د قضایې تعقیب دوام

د امریکا ولسمشر د امنیتي تدابیرو د جزویاتو په اړه څه ونه ویل، خو زیاته یې کړه چې هغو کسانو ته به امریکا ته د داخلیدو اجازه ور نه کړي چې د دغه هیواد اتباعو امنیت ته خطر پیښ کړي. ترامپ همدارنګه ټینګار وکړ چې په دې اړه به قضایې تعقیب ته ادامه ورکړي.

دونالد ترامپ د جنوري میاشتې په ۲۷ د یوه فرمان پر اساس امریکا ته د ایران په ګډون د ۷ هیوادونو پر اتباعو د داخلیدو بندیز ولګاوه. ترامپ همدارنګه د مهاجرو د منلو بهیر هم د څلور میاشتو له پاره وځنډاوه.

یوه اونۍ وروسته دغه فرمان د فدرال د یوه قاضي له خوا د سیاتل په ښار کې لغوه شو. د ترامپ د حکومت د چارواکو استناف غوښتنې هم کومه نتیجه ورنه کړه او یوه اونۍ وروسته د سن فرانسیسکو د استناف محکمې هم د سیاتل ښار د فدرال د محکمې قاضي «جیمز روبارت» نظر تائید کړ.

وروستی ګام چې که د ترامپ حکومت یې پورته کولو ته مېلان وي ستره محکمه ده. خو ویل کیږي چې د سترې محکمې د قاضیاتو ترکیب ته په کتلو سره، د ترامپ د بریالیتوب چانس کم دی.

د سترې محکمې له ۸ قاضیانو څخه ۴ یې جمهوریت غوښتونکي او ۴ یې دیموکراتان دي. د دې له پاره چې د ترامپ فرمان د سترې محکمې تائید ترلاسه کړي، له ۸ تنو قاضیانو څخه لږ تر لږه ۵ تنه یې باید د ترامپ په ګټه رایه ورکړي.

پر ورته موضوع یو انځوريز البوم زموږ له آرشيف څخه (05.11.2016):

د دونالد ټرمپ او هيلري کلينټن په اړه په زړه پوري حقايق

د پردې تر شا

د امريکا په متحده آيالاتو کې له ډېرې مودې راهيسې د دغو دواړو کانديدانو تر منځ سيالي روانه ده چې ډېر ژر به يې پايله هم معلومه شي. د هغوی څېرې د څه پاسه يوه کال راهيسې ورځ په ورځ ليدل کيږي. خو دواړه بيا داسې ځانګړتياوې هم لري چې ډېر نه په ګوته کيږي.

د دونالد ټرمپ او هيلري کلينټن په اړه په زړه پوري حقايق

محافظه کاره هيلري

هيلري کلينټن د ايلينوي په آيالت کې په يوه محافظه کاره کورنۍ کې رالويه شوه. پلار يې د ټوکرو يا تکې سوداګر وو. په پېغلتوب کې دا جمهوري غوښتونکې وه چې د پخوانو ولسمشرانو ګولدواټر او نيکسون څخه يې ملاتړ کاوه. هغې بيا وروسته د دموکرات ګوند غړيتوب ومانه. وروسته يې خپل د سر وېښته هم لنډ کړل.

د دونالد ټرمپ او هيلري کلينټن په اړه په زړه پوري حقايق

دونالد د سياسي خنډ په توګه

په ځوانۍ کې ګرانه وه د دې اټکل وشي چې ټرمپ له کوم ګوند څخه ملاتړ کوي. پخوا به يې د دموکراتو کانديدانو ملاتړ کاوه لکه د بيل او هيلري کلينټن. د ده ځينې څرګندونې پخوا خورا ليبرال او آزادې وې. د ژوند په وروستي پړاو کې يې جمهوري غوښتونکي ګوند ته مخه کړه چې نور غړي ورته اوس د خنډ په سترګه ګوري.

د دونالد ټرمپ او هيلري کلينټن په اړه په زړه پوري حقايق

بيل او هيلري د جوړې په توګه

هيلري کلينټن په دې هم مشهوره شوې ده چې د متحده آيالاتو له پخواني ولسمشر سره يې واده کړی دی. خو کله چې بيل غوښتل په ځوانۍ کې ورسره واده وکړي، نو هيلري دا وړانديز رد کړی وو. بيل څو ځله ورڅخه هيله وکړه څو هغې ورسره واده کولو ته زړه ښه کړ.

د دونالد ټرمپ او هيلري کلينټن په اړه په زړه پوري حقايق

ټرمپ د ښکلا د ملکو د مشر په توګه

له ۱۹۹۶ تر ۲۰۱۵ کاله پورې ټرمپ د «ميس يونيورز» او د امريکا متحده آيالاتو د ښکلا د بېلابېلو سياليو ونډه لرونکی وو. داسې ويل کيږي چې د جامو بدلولو ځايونو ته به يې سر ورښکاره کاوه څو وګوري چې آيا هر څه ... سم دي که نه. په انځور کې د کاليفورنيا د ښکلا ملکه ورته ځکه په حيرانۍ سره ګوري.

د دونالد ټرمپ او هيلري کلينټن په اړه په زړه پوري حقايق

د وال مارټ مغازو د بورډ لومړنۍ ښځينه غړې

کلينټن لومړنۍ مېرمن وه چې د امريکايي وال مارټ نومو ارزانو مغازو د اجرائيوي هئيت غړې وه. دغه شرکت د خپلو کارکوونکو سره په ناوړه چلن تورنه ده. يو څو کاله وروسته هيلري خپله بيوګرافي هم په داسې يوه مغازه کې نندارې ته ايښې وه.

د دونالد ټرمپ او هيلري کلينټن په اړه په زړه پوري حقايق

د ټرمپ نورې سوداګريزې هلې ځلې

سره له دې چې ټرمپ له املاکو سره تجارت شروع کړی وو، خو هغه په ډېر شمېر فلمونو او تلويزيوني نندارو کې هم کار کړی دی. هغه د فلمي لوبغاړو د ټولنې غړيتوب لري او په کال کې څه باندې ۱۱۰ زره ډالره له دې لارې ګټي. په ۲۰۰۷ کال کې ورته په هاليووډ کې دغه ستوری ډالۍ شو چې اوس اوس تازه ترميم شوی هم دی.

د دونالد ټرمپ او هيلري کلينټن په اړه په زړه پوري حقايق

غوا هم ګټه لري

په دغه عکس کې بيل په ځير سره يوې غوا ته ګوري، خو هيلري ورسره بيا ډېره تجربه لري. د ۷۰ يمو کلونو په پای کې هغې د دې تجارت له لارې ۱۰۰۰ ډالره په کابو ۱۰۰ زرو ډالرو بدل کړل. ځينې منتقدين وايي چې د غواګانو په دغه تجارت کې فساد هم موجود وو، خو هيڅکله ورباندې دغه تور رسما پورې شوی نه دی.

د دونالد ټرمپ او هيلري کلينټن په اړه په زړه پوري حقايق

د حرفوي غېږې په درشل کې

ټرمپ د حرفوي غېږې يا کشتي کج په نړۍ کې هم ډېر ځله راڅرګند شوی دی. د حرفوي غېږې د مشر، وينس مک ماهون، سره يې شايد اختلافات هم لرلي وي. اوس ټرمپ د سختو سياليو له پاره ډېر آماده شوی دی. داسې ښايي چې د دغې صحنې تکرار يې له هيلري سره هم خوښ شوی وای؟

د دونالد ټرمپ او هيلري کلينټن په اړه په زړه پوري حقايق

د «وکړه، مه کوه» مېرمن

د لومړۍ مېرمن په توګه کلينټن په دې مشهوره وه چې مختلفې بڼې او د مود ډولونه به يې ښکاره کول. په ۱۹۹۶ کال کې د «وېنيتي فېر» مجلې ادعا وکړه چې په سپينه ماڼۍ کې يې ۴۳ ځله خپلو وېښتانو ته تغيير ورکړی وو. دغه ډول مود يې هغه مهال غوره کړی وو چې د مونيکا لېوينسکي په هکله غږېدله، يعنې هغه ښځه چې مېړه يې ورسره اړيکې درلودلې وې.

د دونالد ټرمپ او هيلري کلينټن په اړه په زړه پوري حقايق

د «مه کوه» سړی

دونالد ټرمپ په دې ټينګار کوي چې هيڅکله يې هم الکول او سېګريټ نه دي څکلي. د ډېرو ادعاګانو څخه يې ښايي دغه يوه رښتيا وي. هغه څوک چې ورسره پېژني يا يې ورسره کتلي دي، دا خبره تائيدوي چې هغه دغه مواد نه کاروي. خو داسې هم ويل کيږي چې اصلي نشه په قدرت کې وي، که څنګه؟

د دونالد ټرمپ او هيلري کلينټن په اړه په زړه پوري حقايق

جهان ديده ښځه

د بهرنيو چارو د وزيرې په توګه کلينټن د نورو پخوانو وزيرانو په پرتله له زياتو يعنې ۱۱۲ هېوادونو څخه ليدنه کړې ده. کله چې يې په ۲۰۱۳ کال کې خپله دغه وظيفه پرېښودله نو همکارانو ورته د امريکايي فوټبال داسې يو کميس ډالۍ کړ چې د ۱۱۲ شمېره ورباندې راغلې وه.

د دونالد ټرمپ او هيلري کلينټن په اړه په زړه پوري حقايق

د لاس نه ورکولو کانديد

د دويمې مناظرې مخکې ټرمپ او کلينټن سره لاسونه ورنه کړل چې ډېر غبرګونونه يې راوپارول. خو دونالد په رښتيا سره نه غواړي چې چا ته لاس ورکړي. هغه د ميکروبونو څخه وېريږي. دغه ځانګړتيا نورو هم لرله، لکه مايکل جېکسن يا آدولف هيټلر.

د دونالد ټرمپ او هيلري کلينټن په اړه په زړه پوري حقايق

کلينټن، د ګرېمي جايزې ګټونکې

ډېر شمېر مخالفين او يو شمېر پلويان هم د هيلري کلينټن آواز غوږ ته آزار ورکوونکی بولي. خو سره له دې هم هغې په ۱۹۹۷ کال کې د ګرېمي جايزه د «الفاظو د ښې شفاهي ادا» په برخه کې وګټله کله چې يې د خپلې بيوګرافۍ غږيزه بڼه بازار ته وړاندې کړه. په ورته کال کې سېلين ديون د تر ټولو ښه البوم په برخه کې عين جايزه وګټله. قضاوت خپله وکړئ.

د دونالد ټرمپ او هيلري کلينټن په اړه په زړه پوري حقايق

د محکمو همېشنی مېلمه

د ټرمپ او د هغه د ژوند په هکله هر څه لا ستر او لا پړسېدلي برېښي. نو د هغه قانوني شاليد هم همداسې بوله. دغه جمهوري غوښتونکی سياستوال په څه نا څه ۳۵۰۰ حقوقي قضيو کې ښکېل وو چې د متحده آيالاتو په فدرالي او مرکزي محکمو کې څېړل شوي دي. دا د ګينس د رکارډونو کتاب ته د لار موندلو له له پاره کافي نه دي، خو بيا هم خورا ډېرې قضيې دي. يادونه: دونالد، ته بايد زياته هڅه وکړې!


 

اړوند مطالب

موږ تعقيب کړئ