جي ۲۰ سرمشريزه: مظاهره چيانو ته د دېميزير خبرداری

دا چې هامبورګ د جي ۲۰ سرمشريزې له پاره ښه انتخاب دی، به وروسته څرګنده شي. ځکه چې تاوتريخجن او خپلسري مظاهره چيان ورته آمادګي نيسي.

د آلمان په هامبورګ ښار کي د جي ۲۰ سرمشريزي د امنيت له پاره ۲۰ زره پوليس ګومارل سوي دي. د دغې سرمشريزه ځکه چې لومړۍ لومړۍ مظاهره همدا نن شروع کيږي.

په هامبورګ کې د جي ۲۰ له سرمشريزې څو ورځې مخکې د آلمان د کورنيو چارو وزير اعلان کړی دی چې د سرمشريزې د مخالفينو له خوا د آخ و ډبونو په صورت کې به کلک تدابير پلي شي. دېميزير د «بيلد آم زونتاګ» په ورځپاڼه کې پر ټولو مظاهره چيانو غږ وکړ چې سوله يز او آرام دې پاته شي. د سي ډي يو ګوند دغه سياستوال وويل: «لاره مو معلومه ده: سوله يزه مظاهره هو، تاوتريخجنه مظاهره نه. تاوتريخوالی که د هر چا له خوا وي، بايد په نطفه کې خفه کړل شي.»

د آلمان د کورنيو چارو وزير «په هامبورګ کې د تاوتريخجنو شمېر څه باندې ۸۰۰ هغسې افراطي کسان چې له آلمان او خارج څخه راځي» په ګوته کړ. داسې چپي ډلې هم شته چې د تشدد د لارې غواړي د شلو صنعتي او د صنعتي کېدو په درشل کې ولاړو هېوادونو د دولتي او حکومتي مشرانو غونډه ګډه وډه کړي. دېميزير اندېښنه لري چې دغسې ډلې دې ته هم چمتو دي چې سخت جرايم عملي کاندي.

پوليس پوره چمتووالی لري

د آلمان د جنايي چارو ادارې هم د يوې ورځپاڼې د راپور په حواله د جي ۲۰ سرمشريزې د مخالفينو له لوري د اورلګولو له پېښو او د زېربنايي جوړښتونو په وړاندې د سابوتاژ له فعاليتونو څخه خبرداری ورکړی دی. د «وېلټ آم زونتاګ» ورځپاڼې د جنايي پلټنو ادارې د يوې داخلي ارزونې څخه په نقل قول ليکلي دي چې د کيڼ اړخو له خوا د «نويو او نوښتګرو فعاليتونو له ډولونو» سره بايد حساب وشي. دا ځکه چې نړيوال فعالين «د احتجاج په برخه کې داسې تجربې لري چې د دغه ځای د کيڼ اړخو له هغو سره توپير لري او ورڅخه اوړي هم.»

د هامبورګ په بندر کې د کښتيو د تګ راتګ او په هوايي ډګر کې د طيارو په پروازونو کې له اخلال څخه هم اندېښنه موجوده ده. د هامبورګ پوليس د داخلي راپور په حواله له دې سره هم حساب کوي چې ښايي د برق مزي قطع کړل شي، مخابراتي خادې ماتې يا په برقي اشارو کې ګوتې ووهل شي. ورځپاڼه دغه خبرې د سرمشريزې له پاره د پوليسو له خوا د خاصې رامنځ ته شوې شعبې «پي آي او ميشل» د داخلي راپور په استناد کوي، چې په حواله به يې د سرمشريزې مخالفين ښايي هڅه وکړي د هامبورګ د بندر د کښتيو د تګ راتګ او اکمالاتي لارې هم بندې کړي.

د جي ۲۰ د احتجاجونو لړۍ

د نن يکشنبې ورځې له پاره په هامبورګ کې لومړی لاريون پلان شوی دی چې ډېر شمېر د چاپېريال ساتنې، د وګړو د حقونو، ټولنيزو او پرمختيايي سازمانونو فعالين پکې د «جي ۲۰ د احتجاجونو لړۍ» تر شعار لاندې د ښه اقليمي او تجارتي سياست او دموکراسۍ په پلويتوب مظاهره کوي.

د اردوغان په وړاندې د کردانو مظاهرې

امنيتي ادارې اندېښنه لري چې د سرمشريزې په شاوخوا کې احتجاجونو ته ښايي د ترکيې د داخلي کړکېچ له کبله هم لمن ووهل شي. دا خبره نه شي ردېدای چې کردي ډلې ښايي د ترکيې د ولسمشر، رجب طيب اردوغان پر ضد احتجاج وکړي. دېميزير وويل چې «د دې اجازه هم شته. خو که د دې هڅه وشي چې د پي کی کی په څېر د تروريستي ډلو له پاره تبليغ وشي، به اړونده ادارې په اقدام هم لاس پورې کړې.»

پر ورته موضوع یو انځوريز البوم زموږ له آرشيف څخه (09.11.2016):

انځورونه: د نړۍ ښځينه مشرانې

انګلا مېرکل

انګلا مېرکل په ۲۰۰۵ کال د لومړي ځل لپاره د آلمان صدراعظمه وټاکل سوه. دغه ۶۲ کلنه مېرمنه هغه وخت د آلمان د تاريخ لومړۍ ښځينه صدراعظمه سوه. د هغه راهيسي مېرکل د آلمان صدراعظمه پاته ده.

انځورونه: د نړۍ ښځينه مشرانې

تېرېسا مې

تېرېسا مې د بريتانيې لومړۍ وزير ده. د کورنيو چارو دغه پخوانۍ وزيري د ۲۰۱۶ کال په جولای کي لومړی وزارت اشغال کړ. د هغه وروسته چی بريتانويانو له اروپايي اتحاديې د وتلو تاريخي فيصله وکړه.

انځورونه: د نړۍ ښځينه مشرانې

تڅای اينګ وېن

تڅای اينګ وېن د تايوان هيواد د يوې کوچنۍ جزيرې لومړۍ ښځينه ولسمشره ده. په ۲۰۱۶ کال د اينګ وېن د ولسمشرې کېدو وروسته چين له دغه هيواد سره خپلي اړيکي په دې دليل وځنډولې چي ګواکي اینګ وېنګ د امريکا ټلواله ده.

انځورونه: د نړۍ ښځينه مشرانې

اېلن جانسن سيرلېف

۷۸ کلنه اېلن جانسن سيرلېف له ۲۰۰۶ کال راهيسي د ليبېريا هيواد ولسمشره ده. نوموړې د دغه افريقايي هيواد لومړۍ ښځينه ولسمشره ده. سيرلېف له درو هغو مېرمنو څخه ده چي په ۲۰۱۱ کال ورته د سولي نوبل جايزه ورکول سوه.

انځورونه: د نړۍ ښځينه مشرانې

داليا ګرېباوسکايت

داليا ګرېباوسکايت د کوچني بالتک هيواد ليتوانيا لومړۍ ښځينه دولتي مشره ده. دغه ۶۰ کلنه مېرمنې ته د وسپنيږي مشري خطاب هم کيږي ولي چي د کراتې تور قمربند لري. نوموړې په ۲۰۰۹ کي د لومړي ځل له پاره او په ۲۰۱۴ کال د دويم ځل له پاره د ولسمشرې په توګه وټاکل سوه.

انځورونه: د نړۍ ښځينه مشرانې

اېرنا سولبېرګ

د ناروې په هيواد کي هم د حکومت چارې د يوې مېرمني په لاس کي دي. اېرنا سولبېرګ په ۲۰۱۳ کال لومړۍ وزيره سوه. نوموړې د ناروې د هيواد په تاريخ کي دويمه ښځينه حکومتي مشره ده.

انځورونه: د نړۍ ښځينه مشرانې

بېآته ږيودلو

بېآته ږيودلو د پولنډ هيواد د تاريخ دريمه ښځينه لومړۍ وزيره ده. دغه مېرمنه له يو کال راهيسي په پولنډ کي د حکومتي کابينې رياست په غاړه لري. دغه ۵۳ کلنه مېرمنه معتقده کاتوليکه مسيحۍ ده.

انځورونه: د نړۍ ښځينه مشرانې

سارا کوګونګېلوا امادهيلا

۴۹ کلنه سارا کوګونګېلوا امادهيلا د ۲۰۱۵ کال راهيسي د نامبيا لومړۍ وزيره ده. دغه مېرمنه په ځوانۍ کي و سيراليونه ته د سياسي فعالي په توګه مهاجره سوې وه. وروسته يې په امریکا کي لومړي زدکړي وکړې.

انځورونه: د نړۍ ښځينه مشرانې

پارک ګويين هيې

پارک ګويين هيې د جنوبي کوريا اوله ښځينه ولسمشره ده. دغه ۶۴ کلنه مېرمنه د ۲۰۱۳ کال راهيسي د ولسمشرۍ دنده پر مخ بيايي. د فوربس مجلې نوموړې په هغه کال د نړۍ د واکمنو ښځو څخه يوه بللې وه.

انځورونه: د نړۍ ښځينه مشرانې

ميشل باخلېت

ميشل باخلېت د ۲۰۱۴ کال راهيسي د چلي هيواد ولسمشره ده. نوموړې د ۲۰۰۶ او ۲۰۱۰ کال تر منځ هم د دغه هيواد ولسمشره وه. هغې زيات وخت په مهاجرت کي تېر کړی او د سياسي مخالفت له کبله يې زندان هم تېر کړی دی.

انځورونه: د نړۍ ښځينه مشرانې

شيخ حسينه واجد

شيخ حسينه واجد دمګړی د بنګله دېش لومړۍ وزير ده. نوموړې د فوربس مجلې له خوا په ۲۰۱۶ کال د نړۍ د ۱۰۰ تر ټولو واکنو ښځو څخه يوه بلل سوې وه.

انځورونه: د نړۍ ښځينه مشرانې

کولندا ګرابار کيتاروويچ

۴۸ کلنه کولندا ګرابار کيتاروويچ په ۲۰۱۵ کال د خرواټ يا کورواسيې هيواد ولسمشره وټاکل سوه. نوموړې تر مخه په ملګرو ملتونو کي د خپل هيواد سفيره وه. کيتاروويچ د خپل هیواد د تاريخ لومړۍ ښځينه ولسمشره ده.


 

موږ تعقيب کړئ