داعش په عراق کې ډیر ډله ېېز قبرونه پریښې دي
۱۳۹۵ اردیبهشت ۱۸, شنبه
په تیرو څو میاشتو کې د «اسلامي دولت» ډلې ملیشه و د عراق له ډیرو سیمو څخه پر شاتگ وکړ، خو په دغو سیمو کې یې تر ۵۰ ډیر ډله ېېز قبرونه تر شا پریښودل. دغه ارقام د عراق له پاره د ملگرو ملتونو ځانکړي استازي جان کوبیس، په نیویارک کې د امنیت شوری ته د وینا پر مهال وړاندی کړي دي.
د جان کوبیس په خبره په هغو سیمو کې چې پخوا د «اسلامي دولت» ډلې ملیشه و تر کنترول لاندې ول د دا ډول درنو جرایمونو ترسره کیدل ورځنې معمول وو.
د وضعیت خرابیدو خبردارئ
جان کوبیس وایې چې دغه ډله ېېز قبرونه په تیرو میاشتو کې د امریکا په ملاتړ د دغه هیواد په مختلفو سیمو کې د عراقي پوځ د عملیاتو پر مهال له دغو سیمو څخه د داعش ملیشه و تر وتلو وروسته موندل شوي دي. کوبیس په عراق کې د وضعیت لا پسې خرابیدو څخه خبردارې ورکړی دی.
د دغو جگړو له امله د عراق د نفوس یو پر دریمه برخه یعنې شاوخوا لس میلیونه وگړي په نړیوالو مرستو پورې تړلي دي. نوموړي دیپلومات د ملگرو ملتوو امنیت شوری ته د وینا پر مهال ټينگار وکړ د هغو کسانو په شمیر کې به لا زیاتوالې رامنځته شي چې اضطراري مرستو ته اړتیا لري.
د کوبیس په خبره د «اسلامي دولت» ډلې پر وړاندی د عراقي پوځ د عملیاتو د شدت موندلو له امله به د روان کال تر پایه پورې په دغه هیواد کې دوه میلیونه نور انسانان هم مهاجر شي.