«داعش په ننگرهار کي درې ډاکټران ورونه وژلي دي»

د ننګرهار چارواکې وايي چې داعش د دغه ولايت په چپرهار ولسوالۍ کې درې وروڼه وژلي دي. دوی ويلي دي چي هغوی درې سره د يوه ډاکټر زامن ول.

د ننگرهار د والي وياند عطاالله خوږیاڼي دويچه ويله ته وویل چې داعش ډلي تېره شپه (د يکشنبې ورځي ماښام) د دغه ولایت په چپرهار ولسوالۍ کې د ډاکټر نواب په نوم د یوه کس درې زامن وژلي دي.

هغه ويلي دي چې پېښه د چپرهار په تریلي سیمه کې رامنځته شوې او د داعش له لوري وژل شويو کسانو «نثار، نعیم او عبدالوهاب» هيڅ حکومتي دندې نه لرلې.

حکومتي سرچینې وايي، وژل شوي ټول درېواړه ډاکټران ول.

د چپرهار ولسوالۍ یوه اوسېدونکي د نوم نه خپرولو په شرط دویچه ویله ته وویل، تېره شپه د ډاکټر نواب درې زامن چې یو یې د طب محصل او دوه یې پخوا فارغ شوي ول، داعش ډلې له کوره ایستلي او سرونه يې ترې پرې کړي دي.

هغه وويل چې، د دغو کسانو پلار ډاکټر نواب هم تېر کال داعش ډلې په ډزو وواژه.

داعش ډلي تر اوسه پوري په دې اړه څه نه دي ویلي.

دا پېښه داسې مهال کېږي، چې تېره ورځ هم د ننګرهار روغتیاپالانو حکومت پړ ګاڼه چې د دوی او د کورنیو امنیت نه شي ساتلی او دغه راز یې لس ورځې وخت ورکړ، چې که چېرې یې ژوند خوندي نه شي، نو د ثور له ۱۱ نېټې وروسته به کاربندیز وکړي.

داعش ۱۱ کروندگر يرغمل کړي

د یوه بل خبر له مخې، تېره ورځ د ننګرهار له روداتو ولسوالۍ څخه داعش ډلې ۱۱ کروندګر یرغمل کړي دي.

که څه هم حکومتي سرچینې په دې اړه څه نه وايي؛ خو د ننګرهار د ولایتي شورا مرستیال لعل محمد دراني دويچه ويله ته وویل، داعش ډلې تېره ورځ (يکشنبې) شاوخوا ۱۰ بجې د روداتو ولسوالۍ له زاخېل سیمې ۱۱ هغه کروندګر یرغمل کړي، چې د کوکنارو په کرونده کې یې کار کاوه.

نوموړي ویلي دي چي پرون ناوخته یې ترې دوه کسان راخوشې کړي او نهه ورسره پاتې دي.

په دې وروستیو کې چارواکي ادعا لري چې په ننګرهار کې یې داعش ډله له پښو غورځولې ده؛ خو اوس هم وخت ناوخت پر ملکیانو او حکومتي چارواکیو پر مخامخ ګوزارونو سربېره ښار او ولسوالیو کې غلچکي بریدونه هم کوي.

اميد ديدار/ جلال آباد

زموږ له ارشيف څخه:

داعش څرنگه په افغانستان کي له کوچنيانو کار اخلي؟

په افغانستان کي د تروريستي ډلي «اسلامي دولت» (داعش) وروستي انځورنه ښيي چي دوی څرنگه له کوچنيانو څخه د تروريستي هدفونو او تبليغاتو له پاره کار اخلي.

داعش څرنگه په افغانستان کي له کوچنيانو کار اخلي؟

دغه انځورونه د اگست مياشتي پر اوله نېټه په کونړ ولايت کي اخيستل سوي دي. کونړ له پاکستان سره اوږده پوله لري او ويل کيږي چي هلته ډېر پاکستاني طالبان پټيږي.

داعش څرنگه په افغانستان کي له کوچنيانو کار اخلي؟

د تروريستانو له خوا د کوچنيانو د روزني يوه برخه. تروريست خپل مخ پټوي خو کوچنيان چي روزي د هغوی مخونه نه پټوي.

داعش څرنگه په افغانستان کي له کوچنيانو کار اخلي؟

د تروريستانو له خوا د «خراسان» نقشه

تروريستي سازماان «اسلامي دولت» تر دې دمخه د يوې جغرافيايي نقشې په خپرولو سره حتی د افريکا او اروپا ځيني برخي په خپل «خلافت» کي شاملي گڼلي دي.

داعش څرنگه په افغانستان کي له کوچنيانو کار اخلي؟

له کوچنيانو څخه د تروريستي هدفونو له پاره کار اخيستل د داعش پخوانی کار دئ. کوم انځورونه چي د دغي تروريستي ډلي له خوا له عراقه خپاره سوي، ښيي چي دوی څرنگه کوچنيان پر تروريستي بريدونو کي کاروي.

داعش څرنگه په افغانستان کي له کوچنيانو کار اخلي؟

څه موده مخکي وسله والو طالبانو په افغانستان کي داعش ته گواښ وکړ، چي د افغانستان په «جهاد» کي مداخله نه کوي. په افغانستان کي ځيني طالبان له داعش سره يو ځای سوي دي.

داعش څرنگه په افغانستان کي له کوچنيانو کار اخلي؟

پر کوچنيانو باندي هر ډول خبره ډېر ژر اغېزه کوي او په دې سره په اسانۍ سره سړی کولای سي هغوی «جهاد» ته تيار کړي. ځکه نو تروريستي ډلو لکه داعش د کوچنيانو روزلو ته مخکه کړې ده.

داعش څرنگه په افغانستان کي له کوچنيانو کار اخلي؟

څه موده دمخه د افغانستان د ملي امنيت ادارې خبر ورکړ چي په دغه هيواد کي ئې د حافظ سعيد په نوم د داعش يو قوماندان له خپلو ۳۰ انډيوالانو سره په يوه هوايي يرغل کي وژل سوی دئ.

داعش څرنگه په افغانستان کي له کوچنيانو کار اخلي؟

په دې وروستيو کي د وسله والو طالبانو څو قوماندانان له تروريستي ډلي اسلامي دولت سره يو ځای سول او د افغانستان په ختيځ کي دغه ډله نوره هم پياوړې سوه.

موږ تعقيب کړئ