د آلمانۍ محصلي په قتل تورن افغان مهاجر اعتراف وکړ

د آلمانۍ محصلي په وژنه تورن افغان مهاجر خپل جرم منلی او د وژل شوي نجلۍ له کورنۍ څخه يې د بخښني غوښتنه کړې ده.

د آلمان د فرايبورګ ښار په محکمه کې هغه افغان مهاجر چې د يوي آلمانۍ محصلې په وژنه تورن وو، پر خپل جرم اعتراف وکړ.

د دوشنبې په ورځ  د فرايبورګ په محکمه کې  حسین ک، د دغې ۱۹ کلني نجلې د وژلو جزیات بيان کړي، چې د تيرکال په اکتوبر مياشت کي يې پر دغي نجلۍ لومړې جنسي تيری کړی او بيا يې رود ته غورځولې او ډوبه شوې ده.

حسین ک ويلي: «څه چې ما کړي، د زړه له کومي پرې غمجن يم» هغه د دغي وژل شوي نجلۍ له کورنۍ څخه غوښتنه وکړه چې دی وبښي.

حسين ک،  ويلي چې«د دغي پيښي په ورځ يې ډير شراب او چرس څکلي ول چې په تصادفي ډول د رود پر غاړه له دغي نجلۍ سره مخامخ شو. هغه يې له بايسکل څخه ښکته کړه، دغي نجلۍ چغي ووهلي خو ده يې خوله ورته بنده کړه او په بل لاس يې د هغي د غاړي په شال سره ورته مرۍ کلکه کړه. هغه يې بربنډه کړه او کله چې وليدل د ماریا له بدن څخه ويني بهیږي دا يې په اوبو کې ګوذار او په خپله وتښتيد.»

دغه قرباني شوې نجلۍ له جنسی تيري څخه وروسته د رود په اوبو کې ډوبه شوه او ساه يې ورکړه. د حسین ک، محاکمه تيره اونۍ پيل شوه. د محاکمې په لومړۍ ورځ يې ډير ساعتونه د خپل ژوند په هکله خبري وکړې. حسین وايې؛ په اصل کې د افغانستان دی، د ترکيې له لارې لومړې يونان او بيا په ۲۰۱۵م کال کې آلمان ته راغلی.

هغه په يونان کې هم زنداني شوی وو. په آلمان کې د تيرکال په دسمبر مياشت کې د قتل په تور ونیول شو.

زموږ له ارشيف څخه:

د وژل سوي آلمانۍ له کورنۍ سره د افغان مهاجرو غمشريکي

د جرمني په فرايبورگ ښار کي په لسونو افغانان د هغي آلمانۍ نجلۍ له کورنۍ سره د غمشريکۍ په موخه راټول سوي ول، چي د روان کال په اکتوبر مياشت کي وژل سوې ده. د دغي نجلۍ د قتل په تور يو افغان مهاجر نيول سوی دئ.

د وژل سوي آلمانۍ له کورنۍ سره د افغان مهاجرو غمشريکي

د دغي آلمانۍ نجلۍ مړی تر ورکېدو درې ورځي وروسته په يوه ځنگل کي موندل سوی وو. د پنجشنبې په ورځ د فرايبورگ ښار په مرکز کي افغانانو د ماريا له کورنۍ سره د غمشريکۍ او خواخوږۍ په ښوولو سره شمعې بلې کړې.

د وژل سوي آلمانۍ له کورنۍ سره د افغان مهاجرو غمشريکي

د افغانانو له خوا جوړو سوو دغو مراسمو کي کډون کوونکي د ماريا په مرگ سخت خوابدي ول.

د وژل سوي آلمانۍ له کورنۍ سره د افغان مهاجرو غمشريکي

پر افغانانو سربيره آلمانان هم د غمشريکۍ دغو مراسمو ته راغلي ول.

د وژل سوي آلمانۍ له کورنۍ سره د افغان مهاجرو غمشريکي

په فرايبورگ کي د ماريا له کورنۍ سره غمشريکي.

د وژل سوي آلمانۍ له کورنۍ سره د افغان مهاجرو غمشريکي

ځينو افغانانو د ماريا په ياد د گلانو گېډۍ له ځان سره راوړي وې. په انځور کي د گلانو په پلرونځی کي يو افغان مهاجر.

د وژل سوي آلمانۍ له کورنۍ سره د افغان مهاجرو غمشريکي

د يوې وژل سوي آلمانۍ نجلۍ له کورنۍ سره د غمشريکۍ مراسم.

د وژل سوي آلمانۍ له کورنۍ سره د افغان مهاجرو غمشريکي

دوی د ماريا نوم له بلو شمعو جوړ کړی وو او گلان ئې ورته ايښوول.

د وژل سوي آلمانۍ له کورنۍ سره د افغان مهاجرو غمشريکي

دغه مراسم د پنجشنبې په ورځ د افغانانو له خوا د جرمني په فرایبورگ ښار کي جوړ سوي ول.

موږ تعقيب کړئ