د آلمان د کورنيو چارو نوی وزير: اخراج زياتوو

د آلمان د کورنيو چارو نوي وزير د مهاجرو په اړه خپله نوې تګلاره اعلان کړه. د ردشويو مهاجرو د دوسيو څيړلو ته زور ورکول او د اخراج په اجرا کې يې له لا ډير قاطعيت څخه کار اخیستل، د نوې سياست له مواردو څخه دي.

په پام کې ده چې د آلمان د سوسيال مسيحي له ګوند څخه هورست زيهوفر د آلمان په نوي حکومت کې د کورنيو چارو وزير شي. مخکې له دې چې زيهوفر په رسمي توګه د کورنيو چارو وزير په توګه اعلان او په نوي دولت کې خپل کار پيل کړي، د مهاجرت سياست او د هيواد امنيتي مسائلو اړوند يې خپله تګلاره اعلان کړه.

آلمانۍ ورځپاڼې «بيلد ام زونتګ» د يکشنبې په ورځ (د ۲۰۱۸ کال د مارچ ۱۱مه)، له نوموړي سره مرکه کړې ده. زيهوفر په دغې مرکه کې د آلمان د اتباعو د امنيت له پاره د يو ځواکمن دولت جوړيدل ډیر اړين وباله.

د مهاجرت سياست

هورست زيهوفر د آلمان او د دغه هيواد د مهاجرت سياست د تطبيق په برخه کې د رد شويو مهاجرو پر برخليک هم وغږيد. هغه وويل چې د خپل کار له پيليدو سره سم به په لمړي سر کې د ردشويو مهاجرو د اخراج په اړه د خپل وزارت د ټولو همکارانو او اړوند ادارو له استازو سره يوه ګډه غونډه جوړه کړي.

د آلمان د کورنيو چارو نوي وزير د ردشويو مهاجرو د برخليک په اړه په ډير قاطعیت سره وويل چې د دغو مهاجرو د دوسیو څيړولو بهیر تر هر څه زيات چټک کول او د اخراج په اړه يې لا ډیر قاطع اجراات ترسره کول به د نوي حکومت د مهاجرت سياست په سر کې ځای ولري. هغه همدا ډول وويل چې هغه مهاجر چې په آلمان کې د جرم مرتکب ګرځي حکومت به يې پر وړاندې ډیر لږ ګذشت هم ونکړي.

آلمان ـ د افغان مهاجرو د قبليدو کچه ټيټه شوې

آلمان کې د افغان مهاجرو شمير

حاضردمه په آلمان کې شاوخوا ۲۵۵ زره افغانان ژوند کوي. دغه مطلب د آلمان فدرالي حکومت لخوا د افغان مهاجرو په هکله يو رپوټ کې د روان کال په اپريل مياشت کې ویل شوی وو.

آلمان ـ د افغان مهاجرو د قبليدو کچه ټيټه شوې

په منلو کې توپير

آلمان کې د تيرکال په لمړيو شپږو مياشتو کې د منل شويو افغان مهاجرو رقم ۵۵ اعشاريه ۸ سلنه وو، خو سږکال دغه رقم ۴۴ اعشاريه ۱ ته راښکته شوی ده.

آلمان ـ د افغان مهاجرو د قبليدو کچه ټيټه شوې

انتظار

د فدرال آلمان د رپوټ پر اساس، له ۲۵۵ زره افغان مهاجرو له ډلې، د نيمايي څخه د زياتو هغو پر دوسيو کار روان دی. دغه مهاجر د ځواب د ترلاسه کولو تر وخته کله تر اوږدې مودې انتظار کې پاتې کيږي.

آلمان ـ د افغان مهاجرو د قبليدو کچه ټيټه شوې

دايمې اقامې

په آلمان کې د ميشتو شاوخوا ۲۵۵ زره افغان مهاجرو له ډلې څخه ۶ سلنې يې دايمي اقامې ترلاسه کړي دي.

آلمان ـ د افغان مهاجرو د قبليدو کچه ټيټه شوې

موقتي اقامې

آلمان کې د افغان مهاجرو يو څلورمې برخې ته يې تر يوې ټاکلي مودې په دغه هيواد کې د اوسيدو اجازه ورکړل شوې ده.

آلمان ـ د افغان مهاجرو د قبليدو کچه ټيټه شوې

يو شمير افغانان بايد ووځي

د فدرالي آلمان ادارې لخوا د روان کال اپريل میاشت کې خپور شوي رپوټ کې دا هم ویل شوي چې له ۲۵۵ زره افغان مهاجرو څخه ۱۳ سلنه يې بايد آلمان له خاورې ووځي او يا په بد وضعیت کې قرار لري.

آلمان ـ د افغان مهاجرو د قبليدو کچه ټيټه شوې

ناهيلې ژوند

ډیری افغان مهاجرو له دويچه ويله ته ويلي دي چې د بې برخليکۍ له وجې ناهیلې او زړونه يې مات شوي دي. دوي وایي مياشتې مياشتې انتظار وښکل د يوې نامعلومې پايلې لپاره پر دوي ډير زورونکی پريوځي.

آلمان ـ د افغان مهاجرو د قبليدو کچه ټيټه شوې

د کمپونو ژوند

د پناه غوښتنې نتایجو ته د اوږدې مودې انتظار ترڅنګ د مهاجرو بله ستونزه په کمپ کې د تنګ او ګډ ژوند ماحول دی.

آلمان ـ د افغان مهاجرو د قبليدو کچه ټيټه شوې

جنجالونه

خو افغانستان ته د افغان مهاجرو د اخراج یا آلمان له خاوري څخه يې د وتلو خبره، له مودو راهيسې په آلمان کې په يوې جنجالي موضوع اوښتې ده. دغې خبرې سره په اعتراض کې تر اوسه د آلمان په ډیرو ښارونو کې افغانانو مظاهرې کړې دي.

آلمان ـ د افغان مهاجرو د قبليدو کچه ټيټه شوې

د مظاهرو يوه څنډه

افغان مهاجر د آلمان په کلن ښار کې د مظاهرې پر مهال. دوی وايي چې افغانستان لا امن ندی او نبايد اخراج کړل شي.

آلمان ـ د افغان مهاجرو د قبليدو کچه ټيټه شوې

په اخراج کې کمښت

د دغو ټولو حالاتو سربيره آلمان حکومت وايي چې د روان کال په شپږو مياشتو کې آلمان څخه د مهاجرو اخراج کم شوی دی.

آلمان ـ د افغان مهاجرو د قبليدو کچه ټيټه شوې

اخراج کې سم نيمايي کموالی

د آلمان د کورنيو چارو وزارت په جولای مياشت کې ويلي دي چې په روان نيمايي کال کې ټولټال ۱۲۵۴۵ تنه رد شوي مهاجر خپلو هيوادونو ته اخراج شوي په داسې حال کې چې د تير کال همدې موده کې دغه شميره ۲۵۳۷۵ تنه وه.

آلمان ـ د افغان مهاجرو د قبليدو کچه ټيټه شوې

د کار اجازه

د مهاجرت په سخت ژوند کې د اخراج، موقتي اقامې، انتظار او نورو ستونزه ترڅنګ يوه ستونزه هم د کار اجازه نلرل دی چې يو شمير مهاجرو ته د ځينو قانوني دلايلو له مخې نه ورکول کيږي.


زيهوفر د يادې ورځپاڼې له خبريال سره په مرکه کې يادونه وکړه: «د هغو مهاجرو په شمير کې کوم چې له آلمان څخه بايد اخراج شي د پام وړ زياتوالی شي.»

د آلمان د کورنيو چارو نوي وزير ټينګار وکړ چې په ځانګړي توګه هغه مهاجر چې د جرم مرتکب ګرځي او يا د آلمان د امنيت له پاره خطرناک وي، په اړه به يې ډير قاطعانه او جدی تصمیمونه نيول کيږي.

ځواکمن دولت

هورست زيهوفر زياته کړه چې آلمان يو خلاص او ليبرال هیواد دی او په همدې دليل باید د خپلو اتباعو د دفاع له پاره يو ځواکمن حکومت ولري.

په همدې دليل هغه د آلمان پوليسو پر لا تخنيکي تجهيز او غښتليتا ټينګار وکړ او دا يې يو اړين امر وګاڼه. سربيره پر دې، زيهوفر په هيواد کې د ويديويي نظارت ته هم اشاره وکړه. نوموړي زياته کړه چې بايد د ويډيويي نظارت پوښښ ته لا پراخوالی ورکړل شي. زيهوفر ټينګار وکړ چې بايد د هيواد په ټولو مهمو ځایونو کې ويډيوي کامرې نصب کړل شي.

لا ډیر قاطعيت

هورست زيهوفر له «بيلد ام زونتګ» ورځپاڼې سره د خبرو پر مهال وويل چې د امنيت او مهاجرت اړوند پروګرامونه به په ډير جديت سره عملي کوي.

هورست زيهوفر د آلمان د بايرن ايالت د سوسيال مسيحي ګوند مشر او په عين حال کې په وروستۍ دوره کې د صدراعظمي انګلا مرکل د حکومت متحد وو. هغه تر دې مخکې هم په وار وار د مهاجرت په قانون کې د يو لړ محدوديتونو وړانديزونه کړي وو خو د مرکل له خوا نه وو منل شوي.

دی به د آلمان په نوي ائتلافي حکومت کې د کورنيو چارو وزير وي. په پام کې ده چې نن يکشنبه (د مارچ يوولسمه) د کابينې د پاتې نورو وزيرانو په اړه هم تصميونه ونيول شي. تر هغې وروسته به سوسيال دموکرات او محافظه کار ګوندونه د دوشنبې په ورځ د ائتلافي حکومت معاهده لاسليک کړي. د کابيني د نوملړ تر بشپړيدو وروسته د چهار شنبې په ورځ به لمړی انګلا مرکل او ورپسې به د کابينې وزيران د تحليف مراسم ترسره او نوی حکومت به په خپل کار پيل وکړي.

دویچه وله / ع. ح./ م. ک. ص

د مهاجرت پر موضوع زموږ له آرشيف څخه يو انځوريز البوم:

آلمان ـ د افغانانو د اخراج سره مخالفتونه زیات سوي

اخراج ضد احتجاج

د المان په نيورنبېرګ کي د پوليسو او تقريبا ۳۰۰ احتجاج کوونکو تر منځ هغه وخت ټېل ماټېل رامنځ ته سو، کله چي پوليسو غوښتل چي يو ۲۰ کلن افغان مهاجر د ځان سره بوزي او افغانستان ته يې ولېږدوي.

آلمان ـ د افغانانو د اخراج سره مخالفتونه زیات سوي

۲۰ کلن افغان مهاجر

تقريبا ۳۰۰ کسان چي اکثره يې شاګردان ول، په نيورنبېرګ کي راټول سوي ول چي د پوليسو مخه ونيسي چي دغه افغان مهاجر چي په يوه مسلکي ښوونځي کي شاګرد هم دی، د ځان سره بوزي.

آلمان ـ د افغانانو د اخراج سره مخالفتونه زیات سوي

اخ و ډب

په دغه ټېل ماټېل او اخ و ډب کي ۹ پوليس ژوبل سول او ۵ کسان په مؤقتي توګه د پوليسو له خوا ونيول سول. د دغې صحنې ويډيو کومه چي پر فيسبوک خپره کړل سوې وه، صرف په څو ساعتونو کي تر يو مليون څخه زيات واري وکتل سوه.

آلمان ـ د افغانانو د اخراج سره مخالفتونه زیات سوي

د احتجاجونو لړۍ

د افغان مهاجرو د اخراج پر ضد په آلمان کی په څو څو ځله احتجاجونه سوي دي. احتجاج کوونکي په دې نظر دي چي افغانستان د بېرته لېږد له پاره خوندي او امن ځای نه دی.

آلمان ـ د افغانانو د اخراج سره مخالفتونه زیات سوي

د برېمن ښاروال

د آلمان سوسيال ډيموکراټ ګوند سياستوال او د آلمان د برېمن ښاروال کارسټن زيلينګ د فُنکه په نوم د رسنيو ډلې ته ويلي دي چي د کابل وروستی خونړی بريد دا حتمي کوي چي «د المان حکومت بايد د افغانستان د امنيتي وضعي په تړاو پر خپله ارزيابي له سره غور وکړي.»

آلمان ـ د افغانانو د اخراج سره مخالفتونه زیات سوي

مالو درېير

د آلمان د سوسيال ډيموکراټ ګوند سياستواله مالو دريېر چي د آلمان د فدرالي ايالتونو د شورا رياست هم په غاړه لري، په کابل کي يې د وروستي بريد وروسته ويلي چي افغان مهاجر بايد بېرته افغانستان ته ونه لېږدول سي.

آلمان ـ د افغانانو د اخراج سره مخالفتونه زیات سوي

راينر ارنولد

د آلمان په پارلمان بُنډسټاګ کي د سوسيال ډيموکراټ ګوند د فراکسيون وياند راينر ارنولد غوښتنه کړې چي حد اقل د افغانانو بېرته لېږد دي په مؤقتي توګه ودرول سي. نوموړي په «پاساور نوين پرېسه» نومي ورځپاڼي ته ويلي چي په افغانستان کي انسانان هيڅ چيري امن ژوند نه سي کولای او له همدې کبله دغه هيواد ته د افغانانو بېرته لېږد «مسؤلانه» کار نه دی.

آلمان ـ د افغانانو د اخراج سره مخالفتونه زیات سوي

اميد نوريپور

د آلمان د زرغون ګوند د بهرنيو چارو سياستوال اميد نوريپور د آلمان پر حکومت تور پوري کړی دی چي ګواګي د افغانستان امنيتي وضعه تر هغه ښه ښيي لکه چي په واقعيت کي ده. نوموړي د «هايلبرونر شټيمه» نومي ورځپاڼي ته د کابل د وروستي بريد په هکله ويلي دي که د آلمان حکومت د افغان مهاجرو د اخراج له کبله د افغانستان د وضعې ښايسته کړل سوې ارزونه بېرته اصلاح نه کړي، نو به دا يو ناوړه کار وي.

آلمان ـ د افغانانو د اخراج سره مخالفتونه زیات سوي

پرو ازيول

د مهاجرو د ملاتړ سازمان پرو ازيول غوښتنه کوي چي و افغانستان ته دي د مهاجرو بېرته لېږد په مکمله توګه ودرول سي او دا چي هغه کسان چي د اخراجولو په مقصد په توقيف کي دي، هغوی دي آزاد کړل سي.

آلمان ـ د افغانانو د اخراج سره مخالفتونه زیات سوي

توماس ديميزير

خو د المان د کورنیو چارو وزير توماس ديميزير غواړي چي د ټولو تنقيدونو باوجوده د افغانانو د اجراج لړۍ ته ادامه ورکړي. د کورنيو چارو وزير ديميزېر ويل چي د چهارشنبې له پاره پلان سوې اخراجونه يې په دې خاطر ځنډولې ولي چي په کابل کي د آلمان د سفارت کار کوونکي د بريد په ترڅ کي تر دې نور مهم کارونه لري چي د اخراجونو مراقبت وکړي. د ديميزېر په وينا ځنډول سوی ډليز اخراج به وروسته عملي کړل سي.

آلمان ـ د افغانانو د اخراج سره مخالفتونه زیات سوي

بورکارد ليشکا

د المان د سوسيال ډيموکراټ ګوند د کورنيو چارو کارپوه بورکارد ليشکا هم په افغانستان د «نسبي آرامو» سيمو د شتون خبره کړې ده.

آلمان ـ د افغانانو د اخراج سره مخالفتونه زیات سوي

يوآخيم هېرمان

د آلمان د بايرن ايالت د کورنيو چارو وزير او د مسيحي سوسيال اتحاد سیاستوال يوآخيم هېرمان د فُنکه په نوم د رسنيو ډلې ته ويلي دي چي اوس هم و افغانستان ته د اخراج ملاتړ کوي.

آلمان ـ د افغانانو د اخراج سره مخالفتونه زیات سوي

۱۰۶ اخراج سوي

د ۲۰۱۶ کال د دسمبر راهيسي ۱۰۶ رد سوي افغان مهاجر خپل هيواد ته لېږدول سوي دي. د شليسويګ هولشتاين، نيدر زاکسن، نارد غاين وېسټفالن او غاينلانډ فالڅ ايالتونو د اخراج له پروسې سره پرېکون کړی او افغان مهاجر بېرته افغانستان ته نه لېږي.

موږ تعقيب کړئ