د اخراج شوي افغان مهاجر ځان وژنه او پر زيهوفر فشارونه

د آلمان د کورنيو چارو وزير هورست زيهوفر په کابل کې د يوه اخراج شوي افغان مهاجر د ځان وژنې په تړاو پر ځان لګيدلي تورنه رد کړل. زيهوفر مخکې ويلي ول چې ۶۹ افغان مهاجر د ده د ۶۹مې کليزې په ورځ اخراج شوي دي.

د ۲۳ کلن اخراج شوي افغان مهاجر مړی کابل ته د هغه تر اخراجيدو لږ وروسته ومومندل شو. په کابل کي چارواکو ويلي دي چې دغه افغان مهاجر اته کاله په آلمان کې ژوند کړی وو.

هغه يو له هغو ۶۹ افغان مهاجرو له ډلې څخه وو چې تيره اوونۍ له آلمان څخه د دغه هيواد د کورنيو چارو وزير هورست زيهوفر د زيږيدنې د ۶۹مې کليزي په ورځ کابل ته اخراج شوی وو. دغه کسان په ډليزه توګه په يوه الوتکه کې اخراج شوي ول.

زيهوفر دغه خبره چې د خپلې ۶۹مې کليزې په ورځ يې ۶۹ افغانان اخراج کړي دي؛ د يوه خبري کنفرانس پر مهال وکړه تر څو يې د شواهدو په توګه ښودلي وي چې هغه په ريښتيا د اخراج لړۍ چټکول غواړي. خو کله چې په کابل کې د اخراج شوي افغانانو څخه د يوه د ځان وژنې خبر خپور شو، د زيهوفر مخالفانو د هغه د استعفا غوښتونکي شول.

د آلمان د آزاد ديموکرات ګوند د سوداګرۍ د چارو قانون جوړونکې ګايده ینسین يوه له هغو سياستوالو څخه وه چې د زيهوفر پر خبرو يې سختې نيوکې کړي دي. ينسن چې د پارلمان د بشري حقونو د کميټې مشره هم ده، په اړه يې په خپل يوه بيان کې ويلي دي: «هر څوک چې د خپلې ۶۹ کلنۍ کليزه د لمانځلو په مناسبت ۶۹ مهاجر اخراجوي يو غلط کار دی.»

«له آلمان څخه يوه اخراج شوي افغان مهاجر په کابل کې ځان وژلی»

د پناه غوښتونکو له پاره د زيهوفر ۶۳ مادييز جنجالي ماستر پلان

د زيهوفر خواشيني

خو زيهوفر د چهارشنبې په ورځ د اتريش په اينسبروک کې له خپلو ايټالوي او اتريشي سيالانو سره د مهاجرت پر موضوع په يوه جوړه شوې غونډه کې په دې اړه له خپل ځانه دفاع وکړه.

Österreich Innsbruck - EU-Innenminister | Matteo Salvini, Italien & Horst Seehofer, Deutschland

 زيهوفر: د اخراج «ټوله پروسه ډيره خواشينې کوونکې ده.»

زيهوفر د اخراج شوي افغان په اړه چې به کابل کې يې ځان وژنه کړې ده، وويل چې هغه د آلمان د هامبورک ښار چارواکو له خوا د اخراجيانو په لیست کې راوستل شوی وو.

 زيهوفر په دې اړه وويل: «ټوله پروسه ډيره خواشينې کوونکې ده.»

 زيهوفر وويل: «تاسو بايد د هامبورګ له چارواکو وپوښتۍ چې ولې هغوې د هغه [افغان چې ځان وژنه يې کړې] په اړه پريکړه کړې وه.» هغه د خپلې زوګړې ورځې په اړه له تبصرې کولو څخه ډډه وکړه او زياته يې کړه چې په دې اړه که هر څه وويل شي «غلطه اخيستنه» به ترې وشي.

د استعفا غوښتنه

 کله چې له هغه څخه د هغه د استعفا دغوښتنې په اړه وپوښتل شول، زيهوفر وويل: «زه په دې اړه د ويلو هيڅ نه لرم.»

هغه زياته کړه چې د آلمان د کورنيو چارو وزارت نه، بلکي د هامبورک ايالت دولتي چارواکو دا تصميم نيولی وو تر څو هغه کس اخراج کړي چې د غلا مرتکب، د بدني زيان رسولو هڅې يې کړي وې، د چارواکو سره يې مقاومت ښودلی او د مخدره موادو سره د مبارزې قانون يې نقض کړی وو.

د رپوټونو پر اساس په اتريش کې د چهارشنبې په ورځ په ناسته کې زيهوفر خپل ايټالوي سيال ته وړانديز کړی وو چې د جولاي مياشتې له پايه به د اخراجونو لړۍ پيلوو، خو متيو سيليوني ورسره چندان علاقمندي نه ده ښودلې. سيليوني ويلي دي چې په انفرادي ډول اخراجونو څخه د مخه بايد د اروپايي اتحاديې د بهرنيو سرحدونو پر کلکولو تمرکز وشي.

د آلمان د کورنيو چارو وزير هورست زيهوفر د آلمان د بايرن ايالت د مسيحي سوسيال اتحاد (سي اس يو) ګوند مشر دی. د هغه ګوند په عين وخت کې د صدراعظمې انګلا ميرکل د مسيحي ديموکرات ګوند (سي دي يو) اتحادي ګوند هم ياديږي. دغه دوه ګوندونه او ورسره سوسيال ديموکرات ګوند د آلمان د اوسنۍ ائتلافي حکومت درې شريکان دي.

له آرشيف څخه يو انځوريز البوم: 

سياست

له آلمان څخه اخراج شوي ۸ تنه رد شوي افغان مهاجرین د کابل هوايي ډګر ته رسیدلي. په پیل کې آلماني رسنیو ویلي وو چې په دې پرواز کې ۱۵ افغان مهاجرین بیرته خپل هیواد ته استول کیږي، خو تیره ورځ بیا رسنیو د ۱۲ کسانو یادونه وکړه. په پای کې د کابل له هوايي ډګر څخه یوازې ۸ مهاجرین بهر شوي.

سياست

د دې رد شوو افغان مهاجرینو الوتکه د سې شنبې (د ۲۰۱۷ کال د سپتمبر میاشتې په ۱۲ نیټه) د آلمان له دوسلدورف هوايي ډګر څخه د کابل هوايي ډګر په لور والوته. آلماني چارواکو ویلي چې د اخراج کیدونکو افغانانو په دې دور کې داسې مهاجرین دي چې د پناه غوښتنه یې رد شوې او ځینو یې جرمونه ترسره کړي.

سياست

په کابل کې د آلمان پر سفارت باندې تر خونړي برید وروسته، افغانستان ته د رد شوو اخراجیدونکو مهاجرینو لړۍ ځنډیدلې وه. له هغې پیښې وروسته، دا لومړی ځل دی چې یو ډله افغان رد شوي مهاجرین له آلمان څخه افغانستان ته اخراجیږي.

سياست

د افغانستان د مهاجرینو وزارت چارواکو ویلي چې ټاکل شوې وه په دې پرواز کې ۱۱ افغان مهاجرین افغانستان ته اخراج شي، خو یوازې ۸ مهاجرین رسیدلې دي. د یاد وزارت یو چارواکي آصف عباسي د فرانسې خبري آژانس ته ويلي چې «دا چې پاتې درې کسان ولې نه دي اخراج شوي، دلیل یې موږ ته هم معلوم نه دی.»

سياست

په داسې حال کې چې آلماني چارواکو ویلي چې د اخراجیدونکو مهاجرینو په ډله کې لږ تر لږه درې کسان د آلمان له زندان څخه د کابل هوايي ډګر ته اخراج شوي، خو افغان چارواکو د دې کسانو د راتلونکي برخلیک په هکله تر اوسه پورې کوم نظر نه دی ورکړی.

سياست

د اخراج شوو کسانو له ډلې څخه پنځه رد شوو افغان مهاجرینو د آلمان په بایرن آیالت کې ژوند کوو. د بایرن د کورنیو چارو وزیر یواخیم هرمن ویلي چې دغه کسان مجرم وو. د هغه په وینا له دوی څخه لږ تر لږه دوه کسان یې د جنسي تیري د جرم له امله په زندان کې وو.

سياست

د رد شوو افغان مهاجرینو له ډلې څخه ځینو یې هیڅ هم نه درلودل. دوی ادعا کوله چې دوی په کور کې وو او د آلمان د پولیسو لخوا ونیول شول او سمدلاسه د دوسلدروف هوايي ډګر ته انتقال او له هغه ځایه افغانستان ته اخراج شول. آلماني چارواکي وايي چې څو میاشتې وړاندې یې دغو کسانو ته خبر ورکړی چې باید د آلمان خاوره ترک کړي.

سياست

د آلماني چارواکو د څرګندونو سربیره، ځینې اخراج شوي مهاجرین وايي چې دوی په آلمان کې کوم جرم نه دی کړی او یوازې له دې امله اخراج شوي چې د دوی د پناه غوښتنه نه ده منل شوې. دغه مهاجر هغه مهال چې کابل ته ورسیدو، سترګې یې له اوښکو ډکې شوې خو معلومه نه ده چې دغه اوښکې د خوښی دې که د خفګان.

سياست

بل لوري ته بیا په آلمان کې د بشري حقونو مدافع سازمانونه او ګڼ شمیر نورې ډلې افغانستان ته د دې مهاجرینو پر اخراج نیوکې کړي. دوی ویلي چې د بشري حقونو او امنیت له امله افغانستان په داسې حالت کې نه دی چې آلمان دې وکولای شي رد شوي افغان مهاجرین هلته اخراج کړي.

سياست

د سپتمبر په ۱۲مه په آلمان کې د دوسلدروف هوايي ډګر په مخ کې د بشري او د مهاجرینو د حقونو فعالانو د رد شوو افغان مهاجرینو د اخراج پرضد لاس لاریون او اعتصاب وکړ. ویل کیږي چې د آلمان په لږ تر لږه څلورو ایالتونو کې د رد شوو مهاجرینو د ساتلو له پاره ساتن ځایونه جوړ شوي.

سياست

د سپتمبر په ۱۲مه د آلمان د دوسلدورف په هوايي ډګر کې د لاریون سره په یو وخت کې شاوخوا ۲۰۰ کسانو افغانستان ته د رد شوو افغان مهاجرینو د ډله ایز اخراج پر ضد لاریون وکړ.

سياست

لاریون کوونکو داسې شعارونه لیږدول چې د افغانستان امنیتي وضعیت یې تشریح کوو. دوی افغانستان ته د «اخراج د توقف» غوښتنه کوله.

سياست

په دې لاریون کې ګڼ شمیر افغان مهاجرینو هم ګډون کړی وو. د دوی په لاسونو کې په ځینو شعارونو کې لیکل شوي وو چې «افغانستان خوندي نه دی.»