د اسنادو نشتوالي د زرګونو اخراجونو مخه نیولې

تیر کال ۶۵ زره مهاجر ځکه له آلمان څخه اخراج نه کړای شول چې هغو د سفر اسناد نه درلودل. خو اوس که یو مهاجر د نوي پاسپورټ د ترلاسه کولو په برخه همکاري نه کوي، د مجازات کیدو له ګواښ سره مخامخ کیږي.

یو پناغوښتونکی چې خپل مستعار نوم یوهان او، ښیئ په ۲۰۱۴م کال کې یو مکتوب ترلاسه کوي چې په لیکل شوي دي چې د هغه د پناهندګۍ غوښتنه رد شوې ده. دغه ۴۱ کلن پناغوښتونکی چې د نایجیریا هیواد څخه راغلی د هغه وخت راهیسې یعنې د دریو کلونو را په دیخوا په آلمان کې ژوند کوي.

اوس د آلمان د بهرنیو چارو وزارت غواړي چې یوهان او، اخراج کړي. خو دا چې هغه وایې چې پاسپورت یې غلا شوی، داسې نه شي کیدای. بی له پاسپورت څخه له بایرن ایالت څخه نایجیریا ته اخراج نشته. حقوق پوه لوتر پنسر، چې دغه ۴۱ کلن نایجریایې مهاجر ته د هغه د پناهندګۍ د دوسیې په برخه کې مشورې ورکوي وایې: «هر وار د یوې میاشتې له پاره د هغه د دولدونګ یا زغمل کیدو ویزه تمدیدیږي». پنسر، له دویچه ویله سره په مرکه کې وویل: «هغه باید هره میاشت اړوندې ادارې ته لاړ شي چې ویزه ورته تمدیده کړي».

یوهان او، یو له هغو په سلګونو زرو کسانو څخه دی چې د رد شویو مهاجرو په توګه په آلمان کې ژوند کوي. دغه کسان ځکه نه دې اخراج شوي، چې یا خو ناروغه ول، یا یې ټاټوبی ته د بیرته ستنولو ډاډمنه لاره نه وه او یا یې په هیواد کې جګړه حاکمه ده او یا هم هویت یې تثبيت نه دی. او یا هم په بایرن کې د دغه نایجیریایې پناغوښتونکې په څیر پاسپورت او تذکزه نه لري. 

د آلمان د کورنیو چارو وزارت د معلوماتو پر بنسټ تیر کال باید ۶۵ زره پناغوښتونکي له آلمان څخه اخراج شوي وایې، خو دوی ته دولدونګ (زغمل کیدو) ویزه ورکړل شوی، ځکه دوی اسناد نه لري. دا شمیر تر دې د یوه کال مخکې په پرتله نږدې دوه برابره زیات دی.

د آلمان د پولیسو د ټولنې مشر ایرنست والتر، ویلي دي چې دغه زیاتوالی په ۲۰۱۵ او ۲۰۱۶ کلونو کې آلمان ته د راغلو مهاجرو له شمیر سره په مستقیم ډول ارتباط لري.

پر اړونده موضوع زمونږ له آرشیف څخه انځوریز رپوټ:

کابل ته د اخراج سوو افغان مهاجرو انځورونه

د کابل نړيوال هوايي ډگر

له جرمني څخه د اخراج سوو افغان مهاجرو لومړۍ ډله چي ۳۸ کسان کېدل په يوه چارتر الوتکه کي له فرانکفورت هوايي ډگر څخه د کابل نړيوال هوايي ډگر ته انتقال سول. انځور: کابل ته رسېدلي افغان مهاجر.

کابل ته د اخراج سوو افغان مهاجرو انځورونه

د کابل نړیوال هوايي ډگر

له جرمني څخه اخراج سوی افغان مهاجر د کابل په نړیوال هوايي ډگر کي.

کابل ته د اخراج سوو افغان مهاجرو انځورونه

هيواد ته بيرته رسېدلي افغان مهاجر

د افغانستان د کډوالو چارو وزارت په خبره له اروپا څخه ډېر افغان مهاجر اوس بيرته پخپله خوښه هيواد ته ستنيږي.

کابل ته د اخراج سوو افغان مهاجرو انځورونه

په فرانکفور کي لاريون

د دغو افغانانو او په ټوله ايزه توگه له جرمني څخه د افغان مهاجرو د بيرته ايستلو پر ضد د جرمني د فرانکفورت په نړيوال هوايي ډگر کي تيره ورځ افغان معالانو مظاهره هم وکړه.

کابل ته د اخراج سوو افغان مهاجرو انځورونه

په دغه مظاهره کي نه يوازي افغانان، بلکي آلمانانو هم گډون کړی وو.

کابل ته د اخراج سوو افغان مهاجرو انځورونه

د جرمني چارواکو پتېيلې ده چي په دغه هيواد کي نه منل سوي افغان مهاجر به د چارتر الوتکو له لاري د کابل نړيوال هوايي گر ته انتقالوي.

کابل ته د اخراج سوو افغان مهاجرو انځورونه

په فرانکفورت نړيوال هوايي ډگر کي مظاهره کوونکو داسي شعارونه له ځان سره لېږدول «په افغانستان کي امنيت» نه سته.

کابل ته د اخراج سوو افغان مهاجرو انځورونه

د فرانکفورت نړيوال هوايي ډگر مخي د افغان مهاجر د اخراج پر ضد مظاهره

کابل ته د اخراج سوو افغان مهاجرو انځورونه

مظاهره کوونکو ويل چي په افغانستان کي امنيت نه سته او افغان مهاجر بيرته مه لېږئ.

والتر له دویچه ویله سره په مرکه کې ویلي دي چې د آلمان پولیس مکلف دي هغه پناغوښتونکي چې باید اخراج شي بیرته د دوی هیوادونو ته واستوي. خو د والتر په خبره: «خو دا د دې پورې تړلې ده چې پناغوښتونکېي په پرله پسې ډول کوښښ کوي خپل هويت پټ وساتي، تر څو د اخراج کیدو له خطر څخه ځان وژغوري».

دغه آلماني چارواکي همدارنګه زیاته کړه: «صحیح ده چې موږ د قانون د حاکميت د مسئولې ادارې په توګه یو، خو دا طبیعي نه ده چې یو څوک چې خپل پاسپورت غورځوي او خپل هویت پټوي، په آلمان کې دې د پاتې کیدو مستحق وي».

د پولیسو د ټولنې مشر په خبره مهمه ده چې د رد شویو پناغوښتونکو هویت او د زیږدو ځای معلوم او د دوی د بیرته ستنیدنې په برخه کې د آسانتیا د رامنځته کولو پاره نوی پاسپورت یا داسې اسناد دوی ته ورکړل شي چې د پاسپورت په ځای ومنل شي.

د آلمان د کورنیو چارو وزارت غواړي چې پر هغو هیوادونو فشارونه زیات کړي چې د رد شویو مهاجرو د بیرته منلو په برخه کې همکاري نه کوي.

د کولن د مهاجرو د شورا مشر کلاوس اولریش پرولس، خبرداری ورکوي چې په ځنو مواردو کې پناغوښتونکي اړونده ادارې ته ناسم معلومات وړاندی کوي چې په راتلونکي کې یعنې کله چې په ټولنه کې مدغم کیږي د دوی په زیان تمامیږي.

نوموړی زیاتوي: «ډیري دغه کسان د مشوره ورکونې دفترونو ته مراجعه کوي چې د نوم توري یا آلف با او یا د زیږدو نیټه یې غلطه لیکل شوی ده. دا یوه ستونزه ده. ځکه د خپل شخصي هویت په برخه جعل د اقامي له حق څخه د محرومه کیدو سبب کیږي».

موږ تعقيب کړئ