د اوتر پردېش ټاکنې ښايي د ټول هند پر سیاست اغېز ولري

د هند په اوتر پرادېش آيالت کې انتخابات داسې پراخه ترتيبات او آمادګۍ غواړي چې د بسته هېوادونو له انتخاباتو سره مقايسه کېدای سي. سربېره پر دې دغه انتخابات د هند د نيمه قارې سياسي آئينده هم تعيينوي

د شبنې په ورځ (د ۲۰۱۷ کال د فبرورۍ ۱۱مه نېټه) د هند په اوتر پرادېش آيالت کې پارلماني انتخابات پيل شوي دي. هغه د هند د حکومت له پاره يوه مهمه ازموينه ده چې غواړي په ۲۰۱۹ کال کې بيا وټاکل شي. پر تقريبا ۱۴۰ ميليونو رايه ورکوونکو باندې غږ شوی دی چې خپله رايه وکاروي او د انتخاباتو له پاره ۷ مختلفې ورځې د مارچ تر ۸مې نېټې پورې په نظر کې نيول شوې دي. سنجی کومار، چې په نوي ډهلي کې د پرمختلونکو ټولنو د مرکز مشر دی، وايي:

«د اوتر پرادېش آيالت انتخابات کېدای شي په ۲۰۱۹ کال کې د ټول هند په کچه انتخاباتو له پاره د لويو ګوندونو ستراتيژي معلومه کړي او پر سياسي اوضاع هم تر ډېره حده تاثير واچوي.»

تر ټولو ستره د پوزيسيون ډله، يعنې د هند د کانګرس ګوند، په دې وروستيو کې په ډېرو آيالتونو کې رايې له لاسه ورکړې وې، وروسته له هغه چې په ۲۰۱۴ کال کې يې د حکومت واګي د صدراعظم نارندرا مودي، په مشرۍ «بي جای پي» ګوند ته ورپرې ايښي ول. تر اوسه پورې کانګرس د انتخاباتو د بايللو دغه لړۍ يوازې يو وارې شلولې وه، يعنې د ۲۰۱۵ کال په نومبر کې کله چې يې په بِهار آيالت کې په لومړي ځل د اپوزيسيون له ځايي وړو ګوندونو سره يو ځای ائيتلاف جوړ کړ.

په اوتر پرادېش کې هم اوس دغه ګوند داسې ورته يوه ستراتيژي لري.

کومار وايي چې «که بي جای پي ګوند انتخابات وبايلي، نو دا به له بِهار وروسته دويمه ستره ماته وي. بيا به کانګرس ته د يوې نوې ستراتيژۍ له پاره مخبېلګه پيدا شي.»

بل لوري ته د «بي جای پي» ګوند له پاره بيا د اوتر پرادېش انتخابات ښايي د دې پيلامه وي چې په نوي ډهلي کې د قدرت په جوړښت کې يوه صعيفه نقطه هم له منځه يوسي. ځکه چې د سنا په مجلس يا د هند په مشرانو جرګه کې چې د آيالتونو څخه ورته استازي لېږل کيږي، «بي جای پي» ګوند اکثريت نه لري. په اوتر پرادېش کې برياليتوب دغه حالت ته البته په لنډ مهال سره تغيير نه ورکوي، خو د مودي د قدرت ادعا ته بيا قاطعيت وربخښي.

د ځايي او محلي موضوعاتو تر څنګ په انتخاباتي کمپاين کې ملي موضوعات هم ستر رول لوبوي. تر ټولو مهمه موضوع د نقدو پيسو په برخه کې اصلاحات دي چې له مخې يې مودي په نومبر مياشت کې د لوټونو يوه لويه برخه ناچله اعلان کړې وه. د ده د خپلو څرګندونو له مخې دغه ګام د اداري فساد او تورو پيسو په وړاندې د مبارزې په منظور اخيستل شوی وو. خو تر ټولو د مخه په اطرافو کې مېشت عادي کليوال خلک چې په معاملو کې اکثرا يوازې له نقدو پيسو څخه کار اخلي، له دغو اصلاحاتو څخه متضرره شوي دي. په دغو انتخاباتو کې دغه ډول عادي خلک اوس د دې امکان لري چې دغسې کارونو ته زغرد او قاطع جواب ورکړي.

پر ورته موضوع یو انځوريز البوم زموږ له آرشيف څخه (13.11.2016):

هغه هندي فلمونه چې تر ټولو ډیري پيسې یې ګټلي

PK

د عامرخان PK فلم چې په ۲۰۱۴م کال د سنیما پر پرده خپور شو، په لومړي کتار کې راځي. دغه فلم۱۲۰میلیونه امریکایې ډالره ګټلي.

هغه هندي فلمونه چې تر ټولو ډیري پيسې یې ګټلي

بجرنگی بھائی جان

’بجرنگی بھائی جان‘ د هاليووډ د هغو فلمونو په کتار کې چې تر ټولو ډېره ګټه یې کړې ده، دریم ځای لري. دغه فلم ۹۳ میلیونه امریکایې ډالره ګټلي دي. دغه فلم چې په ۲۰۱۵م کال کې خپور شو مرکزي لوبغاړی یې سلمان خان وو.

هغه هندي فلمونه چې تر ټولو ډیري پيسې یې ګټلي

دھوم 3

د عامر خان ’دھوم تھري‘ فلم هم ډیر مشهور شو او په مجموعي توګه یې ۸۱ میلیونه دالره ګټه کړې ده. دغه فلم چې په ۲۰۱۳م کال کې نندارې ته وړاندي شو د ادیتیه چوپړا له خوا پروډیوس یا تولید شوی وو.

هغه هندي فلمونه چې تر ټولو ډیري پيسې یې ګټلي

پریم رتن دھن پایو

د سلمان خان ’پریم رتن دھن پایو‘ فلم چې په ۲۰۱۵م کال کې خپور شوی ډیر بریالی وو. دغه فلم چې د راج شري له خوا تولید شوی وو ۶۴ میلیونه ډالره يې ګټلي دي.

هغه هندي فلمونه چې تر ټولو ډیري پيسې یې ګټلي

چنئی ایکسپریس

د شاه رخ خان ’چنئی ایکسپریس‘ فلم ۶۳ میلیونه ډالره ګټه کړې ده. په دغه فلم کې چې په ۲۰۱۳م کال کې خپور شو دیپیکا پڈوکون هم پکښې راڅرګنده شوې ده.

هغه هندي فلمونه چې تر ټولو ډیري پيسې یې ګټلي

تھری ایڈیٹس

د تھری ایڈیٹس یا درې احمقانو فلم ۵۹ میلیونه ډالره ګټه کړې ده. د راج کمار هیراني په لارښونه جوړ شوي دغه فلم کې عامر خان مرکزي رول لاره.

هغه هندي فلمونه چې تر ټولو ډیري پيسې یې ګټلي

دل والے

په ۲۰۱۵م کال کي د شاه رخ خان او کاجل جوړه یووار بیا په ’دل والے‘ فلم کې د سنیما پر پرده راڅرګنده شوه. دغه فلم هم ۵۹ میلیونه ډالره کاروبار وکړ.

هغه هندي فلمونه چې تر ټولو ډیري پيسې یې ګټلي

ہیپی نیو ایئر

د شاه رخ خان ’ہیپی نیو ایئر‘ فلم هم۵۷ میلیونه ډالره پيسې وګټلي. دغه فلم چې په ۲۰۱۴م کال کې خپور شوی دی فرح خان یې ډایرکټره وه.

هغه هندي فلمونه چې تر ټولو ډیري پيسې یې ګټلي

کِک

د سلمان خان’کِک‘ فلم هم په ۲۰۱۴م کال کې خپور شوی دی. دغه فلم هم ۵۶ میلیونه ډالره ګټه کړې ده. په دې اکشن فلم کې نواز الدین صدیقي هم ډیر کامیابه کار کړی دی.

هغه هندي فلمونه چې تر ټولو ډیري پيسې یې ګټلي

کِرش

د ’کِرش‘ فلم په هندوستان کې تر ټولو د ډیرو پیسو ګټونکو فلمونو د نوملړ په لسم نمبر کې ځای لري. دغه فلم هم ۵۶ میلیونه ډالره ګټه کړې ده.


 

موږ تعقيب کړئ