د برلین په هوایي ډګرونو کې اعتصاب او د پروازونو ګډوډي

د برلین له دوو هوايي ډګرونو څخه الوتني او ناستي له ځنډیدو سره مخامخ شوي. دلته کارکوونکو د خپلو معاشونو د زیاتیدو په موخه اعتصاب کړی. تر دې مخکې آلماني پیلوټانو او هوايي خدمې هم ورته اقدام کړی وو.

د ویردي اتحادیې ویلي دي چې د برلین د تیګال او شونفیلد هوایي ډګرونو ځمکني کار کوونکي به د چهارشنبې په ورځ په ځایي وخت د سهار له ۰۵:۰۰ څخه بیا تر ۱۱:۰۰ بجو پورې اعتصاب وکړي.

په دې ترڅ کې ۲۰۰۰ کارکوونکو اعتصاب کړی دی چې پکې تر پرواز مخکې اسنادو آرزوونکي او د بار سمبالوونکي شامل دي.

 پر دې سربیره د الوتکې راهنمایي کوونکي او هغه کسان چې تر ناستي وروسته د الوتکو تیل پوره کوي په اعتصاب کې شامل دي. د برلین د هوايي ډګرونو یوه ویاند وویل چې کيدای شي د دې اعتصاب له کبله په پروازونو کې ډیره ګډوډي رامنځ ته شي.

ویردي ویلي دي چې په هامبورګ کې هم ښايي ورته حالت رامنځ ته شي ځکه د دې ښار د هوایي ډګر ځمکني کارکوونکي هم له اعتصاب سره یوځای کیږي.

د ایر برلین هوایي شرکت ویلي دي چې برلین ته رسیدونکي او له دې ښاره تلونکي ۶۰ پروازه یې لغو کړي دي. مسافرو ته هم سپارښتنه شوې ده چې د برلین په هوايي ډګر کې د خپلو بکسونو په ترلاسه کوونو کې ځنډ راتلای شي.

ویردې ویلي دي چې د هوایي ډګر له چارواکو سره د دغو کسانو د معاشونو د ډیریدو له پاره مذاکرې کوي.

زموږ له ارشيفه

د نړۍ تر ټولو ښه هوايي ډگرونه معرفي سول

د سينگاپور هوايي ډگر

«سکای تراکس» په نړۍ کي د ۵۵۰ هوايي ډگرونو په اړه ۱۳ ميليونه مسافر پوښتلي دي. د سينگاپور هوايي ډگر څلورم وار په نړۍ کي تر ټولو ښه هوايي ډگر بلل سوی دئ.

د نړۍ تر ټولو ښه هوايي ډگرونه معرفي سول

د جنوبي کوريا هوايي ډگر

د جنوبي کوريا اينجيون هوايي ډگر بيا هم خپل دوهم ځای ساتلی دئ. دغه هوايي ډگر دغه راز په نړۍ کي د ترانزيت او ښه پرسنل په برخه کي هم تر ټولو غوره بلل سوی دئ.

د نړۍ تر ټولو ښه هوايي ډگرونه معرفي سول

د مونشن هوايي ډگر

د جرمني د مونشن ښار هوايي ډگر هم په پرخپل دريم ځای پاته سوی دئ. دغه هوايي ډگر دغه راز په مرکزي اروپا کي تر ټولو ښه بلل سوی دئ. د دغه ډگر د دوهم ترمينال د پراختيا کار به هم ډېر ژر پای ته ورسيږي.

د نړۍ تر ټولو ښه هوايي ډگرونه معرفي سول

د توکيو هاندا هوايي ډگر

د توکیو هاندا هوايي ډگر توانېدلی دئ چي په نړۍ کي د ښو هوايي ډگرونو په برخه کي يو گام مخته څلورم ځای خپل کړي. دغه هوايي ډگر دغه راز د پاکۍ او کورنيو پروازونو په برخه کي تر ټولو شه بلل سوی دئ.

د نړۍ تر ټولو ښه هوايي ډگرونه معرفي سول

د هانکانگ هوايي ډگر

د هانکانگ نړيوال هوايي ډگر چي په ۲۰۱۲م کال کي ئې په نړۍ کي د ښوو هوايي ډگرونو په برخه کي لومړی مقام لاره، تير کال څلورم ځای نيولی او سږکال پنځم سوی دئ.

د نړۍ تر ټولو ښه هوايي ډگرونه معرفي سول

د ناگويا هوايي ډگر

د جاپان په ناگويا کي پر مصنوعي جزيرې باندي جوړ سوی هوايي ډگر تر نورو کلونو يو گام رامخته سوی او په نړۍ کي ئې د ښوو هوايي ډگرونو په برخه کي شپږم ځای نيولی دئ.

د نړۍ تر ټولو ښه هوايي ډگرونه معرفي سول

د څوريخ هوايي ډگر

په سويس کي د څوريخ هوايي ډگر چي مخکي ئې شپږم ځای لاره په ۲۰۱۶م کال کي اووم سوی، خو په نړۍ کي ئې په هوايي ډگرو کي د ښه امنيتي سيستم په برخه کي لومړی مقام گټلی.

د نړۍ تر ټولو ښه هوايي ډگرونه معرفي سول

د لندن هوايي ډگر

د لندن هوايي ډگر چي په اروپا کي تر ټولو ستر دئ د ۲۰۱۵م کال په شان پر اتم ځای پاته سوی دئ.

د نړۍ تر ټولو ښه هوايي ډگرونه معرفي سول

په جاپان کي د کانزای هوايي ډگر

په جاپان کي د کانزای هوايي ډگر چي پر يوه مصنوعي ټاپو جوړ سوی د نړۍ د ښوو هوايي ډگرونو په نظر پوښتنه کي په ۲۰۱۶م کال کي له دولسم ځای څخه نهم ته پورته سوی دئ.

د نړۍ تر ټولو ښه هوايي ډگرونه معرفي سول

د «حمد قطر» نړيوال هوايي ډگر

همد قطر نړيوال هوايي ډگر چي په ۲۰۱۴م کال کي فعاله سوی توانېدلی چي له ۲۲ ځايه د نړۍ په لس ښوو هوايي ډگرونو کي خپل ځای ونيسي.

د نړۍ تر ټولو ښه هوايي ډگرونه معرفي سول

ناريتا هوايي ډگر

د جاپان په چيبا ښار کي ناريتا هوايي ډگر په نړۍ کي د ښوو هوايي ډگرونو په برخه کي يوولسم ځای نیولی دئ.

د نړۍ تر ټولو ښه هوايي ډگرونه معرفي سول

فرانکفورت هوايي ډگر

د فرانکفورت هوايي ډگر توانېدلی چي په ۲۰۱۶م کال کي ۱۲ ځای خپل کړي.

د نړۍ تر ټولو ښه هوايي ډگرونه معرفي سول

امستردام هوايي ډگر

د امستردام هوايي ډگر په نړۍ کي د ترټولو ښوو لسو هوايي ډگرونو له کتاره وتلی او په ۲۰۱۶م کال کي ۱۳ ځای خپل کړی.

د نړۍ تر ټولو ښه هوايي ډگرونه معرفي سول

د کاناډا ونکوور هوايي ډگر

د کاناډا ونکوور هوايي ډگر په نړۍ کي د ښوو هوايي ډگرونو په ليست کي ۱۴ ځای نیولی دئ.

د نړۍ تر ټولو ښه هوايي ډگرونه معرفي سول

د هلسينگي هوايي ډگر

د فنلند د هلسينگی هوايي ډگر د مسافرانو له نظر توانېدلی دئ چي د نړۍ په پنځلسو ښوو هوايي ډگرونو کي وشمېرل سي.

موږ تعقيب کړئ