د بغل له بد بويه د خلاصون عجيبه لار

د بغل له بد بويه د خلاصون له پاره له ډېرو لگښتونو سره سره بیا هم ډېر انسانان له دغي ستونزي خلاص نه دي. اوس کارپوهانو له دغي ستونزي د خلاصون له پاره يوه عجيبه اسانه لار موندلې ده.

ډېر انسانان د بغل خولو د بد بوی د له منځه وړلو له پاره د خولو ضد سپرې پر رانيولو زياتي پيسې مصرفوي، خو د دغي ستونزي د له منځه وړلو لار د يوه بل انسان خولې دي.

د امريکا متحدو ايالاتو د سانتياگو ښار د کاليفورنيا پوهنتون يوه نوې څېړنه ښيي چي د کورنۍ د يوه داسي غړي چي د بغل خولو د بد بويي ستونزه نه لري په هغه بل پوري چي د بغل خولو د بدويي ستونزه لري و موږي، له دغي ستونزي خلاصيږي.

د دغي څېړني سرپرست ډاکټر کريس کولويرت، وايي د هغه کس د بغل د خولو باکترياوي چي زيات بوی نه لري، د هغه بل کس چي له بد بويه رنځ کالي په بغل پوري وموږي د بد بوی په له منځه وړلو کي مرسته کوي.

د دغي نظريې د اثبات له پاره داکټر کولويرت دغه ازموينه پر دوو غبرگولو ورونو کړې ده. دغو دوو ورونو يو يې د بغل له بد بويه رنځ گاله او هغه بل له دې ستونزي خلاص وو.

له هغه وروره چي د بغل خولو ئې بوی نه کاوه وغوښتل سول چي څلور ورځي حمام نه وکړي، څو باکترياوي ئې ډېري سي او هغه بل ته چي بغلونو ئې بد بوی کاوه وويل سول چي ښه حمام وکړي او د باکترياوو ضد صابون استعمال کړي.

وروسته بيا ډاکټر کولويرت د هغه ورور د بغل خولې چي بوی يې نه کاوه د هغه بل ورور د بغل په پوست پوري وموږلې او نتيجه ئې دا راووتله چي د هغه ورور چي بغل به ئې بد بوی کاوه، د بد بويي ستونزه بېخي له منځه ولاړه.

دغه ازموينه پر ۱۷ نورو کسانو هم وسوه او يوازي د يوه کس په استثنا سره په يوه مياشت کي د نورو ټولو کسانو د بغل بد بوی له منځه ولاړ.

اوس څېړونکي ډلي تلاښ کوي چي داسي لاري چاري ومومي، څو بې له دې چي د کورنۍ د غړي خولې وکارول سي باکترياوي جوړي کړي او دغه ستونزه له منځه يوسي.

زموږ له ارشيف څخه نور مطالب:

روغتيا

توري چای

توري چای د قهوې برخلاف د خولې د بد بوی په له منځه وړلو کي مرسته کوي. يا چای وڅښئ يا ئې غرغره کړئ.

روغتيا

د گشنيزو خوړل

تر سيگرېټ څکولو يا اوږي خوړلو وروسته د گشنيزو خوړل هم په دغه لار کي اغېزمن دي. د گشنيزو بوی د خولې د بد بوی ځای نيسي.

روغتيا

غاښو ساتل

د غاښو په تار سره هره ورځ د غاښونو ترمنځ چولو پاکول د باکترياوو د له منځه وړلو سبب کيږي او په دې سره د خولې د بد بوی په کمښت کي مرسته کيږي.

روغتيا

د انجي استعمال

په چايو کي د انجي اچول د خولې د بد بوی په کمښت کي مرسته کوي.

روغتيا

د تازه ليمو استعمال

پر ژبه باندي د ليمو څو څاڅکي اچول او وروسته په خوله اوبه رغړول د خولې د بد بوی په له منځه وړلو کي ډېره مرسته کوي.

روغتيا

د خولې د وچوالي مخنيوی

د خولې وچوالی کيدای سي د بد بوی سبب وگرځي. د ډېرو اوبو څښل د خولې بد بوی کموي.

روغتيا

د لاچي (هېلو) خوړل

د ډوډۍ تر خوړلو وروسته د يوه دانه هېل يا هېلي چايو څښل د خولې د بد بوی په کمښت کي زياته مرسته کوي.

روغتيا

له دغه شان نباتانو استعمال

هغه نباتات چي درمل ځني جوړيږي کولای سي چي د خولې د بد بوی او التهاب مخه ونيسي.

روغتيا

ژاولي

د ژاولو ژوول د خولې بوی اړوي.

روغتيا

يو ډول مېوه آووکادو

آووکادو د معدې او کولمو له باکترياوو سره چي د خولې د بد بوی سبب کيږي مقابله کوي.

روغتيا

مستې

طبيعي مستې د هغو باکتري موادو د کمښت سبب کيږي چي د خولې د بد بوی لامل گرځي.

روغتيا

د غاښو ډاکتر ته مراجعه

هره ورځ د غاښو پرېولل او په کال کي دوه واري د غاښو ډاکټر ته تلل د خولې د بد بوی په له منځه وړلو کي ډېر اغېزمن تماميږي.