د تروريزم پر ضد د اروپا د جوماتونو د امامانو کمپاين

د مختلفو اروپايي هيوادونو د ۶۰ جوماتونو امامان په يوه بس موټر کې هغو ښارونو ته سفرونه کوي چې د داعش د تروريزم قرباني ګرځيدلي دي. دوی ويلي په دې حرکت سره غواړي له هغه افراطيت سره مبارزه وکړي چې د اسلام په نوم ترسره کیږي.

د مختلفو اروپايي هيوادونو د ۶۰ جوماتونو امامان په يوه بس موټر کې هغو ښارونو ته سفرونه کوي چې د داعش د تروريزم قرباني ګرځيدلي دي. دوي ويلي دې چې په دې حرکت سره غواړي له هغه افراطيت سره مبارزه وکړي چې د اسلام په نوم ترسره کیږي.

د اروپا د شاوخوا ۶۰ جوماتونو امامانو د شنبې (جولای اتمه ۲۰۱۷) په ورځ له فرانسې څخه د اروپا ځينو ښارونو ته يو سفر پیل کړ چې موخه يې تروريزم سره مبارزه ښودل شوې ده. هغوي د پاريس ښار شانزه ليزه واټ کې چيرته چې د روان کال په اپريل مياشت کې د فرانسې د پوليسو يو افسر په ډزو وژل شو لمونځ ترسره او له هغې وروسته په يوه بس موټر کې برلين پر لور روان شول.

د فرانسې په سويل کې پروت د «نيم» د ښار امام وویل چې دوي غواړې د دې سفر له لارې ټولو ته « د انسانيت، ورورولۍ او تروريزم ضد پيغام» پيغام ورسوي.

د دغه حرکت ګډونوالو کې د فرانسې، بلجيم، بريتانيا، تونس او آلمان هيوادونو اسلامي روحيانيون شامل دي. په پام کې ده چې د سفرونو پر مهال نور روحانيون هم له دوي سره ورګډ شي.

دغه ډله غواړي برلين او بروکسل په شان ښارونه کې چې د تروريستي بريدونو قرباني ګرځيدلي دي تم شي او بيا د نيس ښار تروريستي بريد په کليزه کې دغه ښار ته ځان ورسوي.

دوي همدا راز هيله مند دي چې برلين کې به د آلمان له صدراعظمې انګلا مرکل سره هم د ليدو کاتو فرصت په لاس راوړي.

برلين او بروکسل د اروپا هغه ښارونه دي چې «اسلامي دولت» يا داعش تروريستي ډلې پورې منسوب تروريستي بريدونه په کې ترسره شوي دي.


د برلين بريد چې د ۲۰۱۶ کال په دسامبر مياشت کې ترسره شو، ۱۲ کسانو په کې خپل ژوند له لاسه ورکړ.

د جوماتونو د امامانو دغه سفر به د جولاي مياشتې په ۱۴مه نيټه چې په دې ورځ د فرانسې ملي جشن لمانځل کيږي، پاريس ته ته د هغو په بيرته ستنيدو پاي ته ورسيږي.

د درانسي ښار امام حسن شلقومي او فرانسوي يهودی ليکوال مارک هالتر، د دغه حرکت نوښتګران دي. شلقومي د سفر څخه د مخه هيله څرګنده کړه چې له دوې سره په دغه حرکت کې ډیر نور مومنان هم ورګډ شي. هغه وویل: « مونږ نبايد اسلام د وحشيانو او قاتلانو لاس ته وسپارو».

شلقومي د ليبرال نظريې په درلودو او يهوديانو سره د نژدې والې په دليل، د يوې جنجالي څيرې په توګه شميرل کيږي. د فرانسې اسلامي شورا ((CFCM اعلان کړی دی چې دوی له دغه حرکت څخه ملاتړ نکوي.

خو ويل کیږي چې د آلمان د جوماتونو او کليساګانو ټولنې دغه دعوت ته مثبت ځواب ورکړی او غواړي چې برلين ښار کې په حرکت کې ورګډ شي.

شلقومي يوې فرانسوې راډيو سره په مرکه کې وويل چې دی او د دغه سفر ملګري يې غواړي خلکو ته دا پيغام ورسوي چې « د اسلام دين او د هغه ارزښتونه د وژنو سره په ټکر کې قرار لري».

د رپوټونو پر اساس، په اروپايانو کې داسې انديښنې هم شتون لري چې وروستيو کلونو کې دغه وچې ته د ګڼ شمير رسيدلو مهاجرو په منځ کې به تروريستان هم دننه شوي وي.

تر دې مخکې آلمان ويلي دي چې افغان مهاجرو کې هم يو شمير يې خپل ځانونه پخواني طالب جنګيالي.

پر ورته موضوع یو انځوريز البوم زموږ له آرشيف څخه (04.06.2017):

انځورونه: د لندن تروريستي پېښې

د امنيتي ځواکونو بيړه

له ټول ښار څخه پوليس راټول شول چې په ځغاسته د پېښې ځايونو ته ورسېدل. د پوليسو د ماموريت همغږي ښايي د تروريزم ضد پلانونو له مخې شوې وي.

انځورونه: د لندن تروريستي پېښې

د پله د پاسه رڼا، خو چوپتيا

پېښه د لندن د پله د پاسه شروع شوه. داسې ويل شوي دي چې يو سپين باروړونکی موټر د پلو کسانو په يوه ډله ورغلی وو. په دغه وخت کې يې لا انګيزه څرګنده شوې نه وه.

انځورونه: د لندن تروريستي پېښې

پوليسو له څرخي الوتکو او کښتيو څخه کار واخيست

د پوليسو څو څرخکې د لندن د پله د پاسه کوزې شوې. پل تخليه شوی وو. د بورو په مارکېټ کې هم د يوې «پېښې» خبر ورکړل شو. وروسته بيا د پوليسو کښتۍ هم وليدل شوې چې په قربانيانو پسې يې لټون ګاوه.

انځورونه: د لندن تروريستي پېښې

په بيړه کې د جامو بدلول

له خبرداري وروسته بيړه حاکمه وه. د پوليسو واحدونه د لندن پله ته ولېږدول شول. ځينو يوازې هلته فرصت وموند چې د مرميو ضد واسکټونه واغوندي.

انځورونه: د لندن تروريستي پېښې

بورو مارکېټ: پر رستورانت باندې چاپه

د «بلو آيد مېډ» په نوم رستورانت د بورو مارکېټ په ساحه کې پروت دی. پوليسو هلته تلاشۍ وکړې وروسته له هغه چې د چړو د بريدونو خبر ورغلی وو. دا چې څومره مرګ ژوبله اوښتې وه، لا څرګنده نه وه.

انځورونه: د لندن تروريستي پېښې

پورته کړي لاسونه

د پوليسو امرونو ته بايد دغو پلو کسانو هم غاړه ايښې وای. هغوی لاسونه پورته کړل او له صحنې لېرې شول. د عامل او قرباني تفريق لا د امنيتي ځواکونو له پاره اصلي ننګونه وه.

انځورونه: د لندن تروريستي پېښې

د ډار او وېرې شېبې

هغه پلي کسان چې پوليسو د لندن په زړه کې ژغورلي ول، ورو ورو پوه شول چې د ژوند جدي خطر ورته متوجه شوی وو. يوه عيني شاهد د بي بي سي چېنل ته وويل چې عاملينو په چړو بريدونه کول.

انځورونه: د لندن تروريستي پېښې

د قربانيانو شمېر نه وو په ګوته شوی

يوازې د شنه سهار په موده کې د وژل او ژوبل شوو په اړه معلومات راووتل. لومړی نهه تنه مړه شوي ول، يعنې درې واړه بريدګر او شپږ تنه عادي خلک. په عکس کې د لومړنۍ طبي مرستې صحنه ليدل کيږي.

انځورونه: د لندن تروريستي پېښې

په ښار کې بېړنی حالت حاکم وو

د بورو مارکېټ سيمه د سيلانيانو او د لندن د اوسېدونکو له پاره د مېلې ځای وي. په دغه شپه د پوليسو د موټرو څراغونه او غږونه موجود وو. ډېرې لارې او کوڅې بندې شوې هم وې.

انځورونه: د لندن تروريستي پېښې

په ځان پورې تړلې بوشکه

په ټولنيزو رسنيو کې دغه عکس هم خپور شو: هغه ښايي يو بريدګر وي چې په ډزو وژل شوی دی. په خپل بدن پورې يې بوشکه تړلې ده. بي بي سي هم دغه عکس خپور کړی دی. د پېښې په اړه تائيد شوي معلومات لا موجود نه ول.


 

موږ تعقيب کړئ