د شلو هيوادونو غونډه د يوې اعلاميې په خپرولو سره پای ته ورسېده
۱۳۸۹ تیر ۷, دوشنبه
په دې سياست کي به هم اقتصادي ودي ته پاملرنه کيږي او هم بايد ددولتي بودجو دکسر مخنوی وسي.
د شلو هيوادنو د سرمشريزي په پای کي په يوه اعلامه کي ويل سوي دي چي، صنعتي هیوادونه بايد تر2013 ميلادي کال پوري خپل دبودجې کسر نیمايي ته را ښکته کړي.
د المان لومړۍ وزیري انګیلا ميرکل د غونډي د پریکړو په هکله خپل رضايت ښودلی او وايي چي، ستر صنعتي هيوادونه لکه آلمان به په دولتي بودجه کي دسپما لاره غوره کړي.
خو هم د امریکا د متحده ایالاتو ولسمشر بارک اوباما او هم دځینو نور هغه هیوادونو استازي چي د صنعتي کېدو په درشل کي دي ددې ګواښ کوي چي،د صنعتي هيوادونو زياته سپما به د اقتصادي ودي تموجاتو ته تاوان ورسوي.
د هغوئ په نظر په تيره بیا به په صنعتي هیوادونو کي دننه د تقاضاو سطحه را ټیټه کړي.
د یو بل خبر د مخه نن هم په تورنتو کي د اقتصادي مسائيلو د نړیوال کېدو پر ضد مظاهرې او احتجاجونه روان و. په دغه مظاهرو کي تر اوسه پوري د پوليسو له خوا 600 کسه نیول سوي دي.
AG/ ضياالحق فضلي
کتونکی. زيارمل