د نغدي مرستو سربيره لږ مهاجر اخراج ته حاضريږي

اتريش هيواد هر هغه مهاجر سره زر يورو نغدي مرسته کوي چې په خپله خوښه بيرته خپل هيواد ته ستنيږي. د دغه ځانګړي وړانديز سربيره ډیر کم مهاجر داوطلبانه اخراج ته زړه ښه کوي.

له ويانا څخه د اسوشتيد خبري آژانس د رپوټونو په اساس، که څه هم سږکال اتريش د داوطلبانه اخراج په برخه کې مهاجرو ته د نغدي مرستو پروګرام جوړ کړی دی، خو سربيره پر دې د داوطلبانه اخراج ميزان د تيرکال په پرتله ډير ښکته دی.

د اتريش د کورنيو چارو وزارت په حواله، دغه هيواد درې مياشتې د مخه، د غيراروپايي مهاجرو د داوطلبانه اخراج د تشويق په موخه، د نغدي مرستو يو ځانکړې پروګرام پيل کړ.

د دغه پروګرام له مخې، هر هغه مهاجر چې له اتريش څخه په خپله خوښه بيرته خپل هيواد ته ستنيږي، زر يورو نغدي پيسې ورکول کيږي. تر اوسه د دغه نوي پروګرام له طريقه ۴۲۷ تنه مهاجر په خپله خوښه خپلو هيوادونو ته  ستانه شوي دي، خو دا شميره له هغه څه چې اتريشي چارواکو يې تمه لرله ډيره ښکته ده.

له دې نه علاوه په عمومي توګه هم سږکال له اتريش څخه خپلو هيوادونو ته د مهاجرو د بيرته ستنيدو په شمير کې کموالی رامنځ ته شوی دی. د اتريش د کورنيو چارو وزارت د ارقامو په اساس د روان کال په پنځو لمړيو مياشتو کې له دغه هيواد څخه ټول ټال ۱۸۵۵ تنه مهاجر خپلو هيوادونو ته بيرته ستانه شوي دي. دغه شميره د تيرکال په پرتله ۶۴ سلنه ښکته ده.

ويانا له لوري د خپرو شويو ارقامو پر اساس، کوم مهاجر چې د ځانګړي نغدي پروګرم څخه په استفادې  اخراج ته حاضر شوي، ډیری يې د افغانستان، عراق او ايران ملکونو اوسيدونکي دي.

په دغه خاص پروګرام کې د اروپايي ملکونو مهاجر نه راځي. هغه مهاجر هم له دغه وړانديز څخه بې برخې دي چې په اتريش کې په هر ډول جرم کې مجرم پيژندل شوي وي.

پر ورته موضوع یو انځوريز البوم زموږ له آرشيف څخه (01.06.2017):

آلمان ـ د افغانانو د اخراج سره مخالفتونه زیات سوي

اخراج ضد احتجاج

د المان په نيورنبېرګ کي د پوليسو او تقريبا ۳۰۰ احتجاج کوونکو تر منځ هغه وخت ټېل ماټېل رامنځ ته سو، کله چي پوليسو غوښتل چي يو ۲۰ کلن افغان مهاجر د ځان سره بوزي او افغانستان ته يې ولېږدوي.

آلمان ـ د افغانانو د اخراج سره مخالفتونه زیات سوي

۲۰ کلن افغان مهاجر

تقريبا ۳۰۰ کسان چي اکثره يې شاګردان ول، په نيورنبېرګ کي راټول سوي ول چي د پوليسو مخه ونيسي چي دغه افغان مهاجر چي په يوه مسلکي ښوونځي کي شاګرد هم دی، د ځان سره بوزي.

آلمان ـ د افغانانو د اخراج سره مخالفتونه زیات سوي

اخ و ډب

په دغه ټېل ماټېل او اخ و ډب کي ۹ پوليس ژوبل سول او ۵ کسان په مؤقتي توګه د پوليسو له خوا ونيول سول. د دغې صحنې ويډيو کومه چي پر فيسبوک خپره کړل سوې وه، صرف په څو ساعتونو کي تر يو مليون څخه زيات واري وکتل سوه.

آلمان ـ د افغانانو د اخراج سره مخالفتونه زیات سوي

د احتجاجونو لړۍ

د افغان مهاجرو د اخراج پر ضد په آلمان کی په څو څو ځله احتجاجونه سوي دي. احتجاج کوونکي په دې نظر دي چي افغانستان د بېرته لېږد له پاره خوندي او امن ځای نه دی.

آلمان ـ د افغانانو د اخراج سره مخالفتونه زیات سوي

د برېمن ښاروال

د آلمان سوسيال ډيموکراټ ګوند سياستوال او د آلمان د برېمن ښاروال کارسټن زيلينګ د فُنکه په نوم د رسنيو ډلې ته ويلي دي چي د کابل وروستی خونړی بريد دا حتمي کوي چي «د المان حکومت بايد د افغانستان د امنيتي وضعي په تړاو پر خپله ارزيابي له سره غور وکړي.»

آلمان ـ د افغانانو د اخراج سره مخالفتونه زیات سوي

مالو درېير

د آلمان د سوسيال ډيموکراټ ګوند سياستواله مالو دريېر چي د آلمان د فدرالي ايالتونو د شورا رياست هم په غاړه لري، په کابل کي يې د وروستي بريد وروسته ويلي چي افغان مهاجر بايد بېرته افغانستان ته ونه لېږدول سي.

آلمان ـ د افغانانو د اخراج سره مخالفتونه زیات سوي

راينر ارنولد

د آلمان په پارلمان بُنډسټاګ کي د سوسيال ډيموکراټ ګوند د فراکسيون وياند راينر ارنولد غوښتنه کړې چي حد اقل د افغانانو بېرته لېږد دي په مؤقتي توګه ودرول سي. نوموړي په «پاساور نوين پرېسه» نومي ورځپاڼي ته ويلي چي په افغانستان کي انسانان هيڅ چيري امن ژوند نه سي کولای او له همدې کبله دغه هيواد ته د افغانانو بېرته لېږد «مسؤلانه» کار نه دی.

آلمان ـ د افغانانو د اخراج سره مخالفتونه زیات سوي

اميد نوريپور

د آلمان د زرغون ګوند د بهرنيو چارو سياستوال اميد نوريپور د آلمان پر حکومت تور پوري کړی دی چي ګواګي د افغانستان امنيتي وضعه تر هغه ښه ښيي لکه چي په واقعيت کي ده. نوموړي د «هايلبرونر شټيمه» نومي ورځپاڼي ته د کابل د وروستي بريد په هکله ويلي دي که د آلمان حکومت د افغان مهاجرو د اخراج له کبله د افغانستان د وضعې ښايسته کړل سوې ارزونه بېرته اصلاح نه کړي، نو به دا يو ناوړه کار وي.

آلمان ـ د افغانانو د اخراج سره مخالفتونه زیات سوي

پرو ازيول

د مهاجرو د ملاتړ سازمان پرو ازيول غوښتنه کوي چي و افغانستان ته دي د مهاجرو بېرته لېږد په مکمله توګه ودرول سي او دا چي هغه کسان چي د اخراجولو په مقصد په توقيف کي دي، هغوی دي آزاد کړل سي.

آلمان ـ د افغانانو د اخراج سره مخالفتونه زیات سوي

توماس ديميزير

خو د المان د کورنیو چارو وزير توماس ديميزير غواړي چي د ټولو تنقيدونو باوجوده د افغانانو د اجراج لړۍ ته ادامه ورکړي. د کورنيو چارو وزير ديميزېر ويل چي د چهارشنبې له پاره پلان سوې اخراجونه يې په دې خاطر ځنډولې ولي چي په کابل کي د آلمان د سفارت کار کوونکي د بريد په ترڅ کي تر دې نور مهم کارونه لري چي د اخراجونو مراقبت وکړي. د ديميزېر په وينا ځنډول سوی ډليز اخراج به وروسته عملي کړل سي.

آلمان ـ د افغانانو د اخراج سره مخالفتونه زیات سوي

بورکارد ليشکا

د المان د سوسيال ډيموکراټ ګوند د کورنيو چارو کارپوه بورکارد ليشکا هم په افغانستان د «نسبي آرامو» سيمو د شتون خبره کړې ده.

آلمان ـ د افغانانو د اخراج سره مخالفتونه زیات سوي

يوآخيم هېرمان

د آلمان د بايرن ايالت د کورنيو چارو وزير او د مسيحي سوسيال اتحاد سیاستوال يوآخيم هېرمان د فُنکه په نوم د رسنيو ډلې ته ويلي دي چي اوس هم و افغانستان ته د اخراج ملاتړ کوي.

آلمان ـ د افغانانو د اخراج سره مخالفتونه زیات سوي

۱۰۶ اخراج سوي

د ۲۰۱۶ کال د دسمبر راهيسي ۱۰۶ رد سوي افغان مهاجر خپل هيواد ته لېږدول سوي دي. د شليسويګ هولشتاين، نيدر زاکسن، نارد غاين وېسټفالن او غاينلانډ فالڅ ايالتونو د اخراج له پروسې سره پرېکون کړی او افغان مهاجر بېرته افغانستان ته نه لېږي.


 

موږ تعقيب کړئ