د کابل کنفرانس خلک له ستونزو سره مخامخ کړي دي
۱۳۸۹ تیر ۲۸, دوشنبه
په کنفرانس کي به د ملګروملتونو د عمومي منشي په گډون دڅلورشپيتو هيوادونو مشران او د بهرنيوچارو وزيران گډون وکړي.
ددې كنفرانس دپاره چي د دوشنبې اوسه شنبې ورځ د وزيرانو د شوراد فوق العاده غونډي په ترڅ كي دوه ورځي يوازي په كابل کي رخصتي اعلان سوې ده
دسړكونوپه بندولوسره ښاريان دډيرو ترافيكي ستونزوسره مخامخ دي.
دكابل ولايت د امنيه قوماندانۍ مرستيال جنرال خليل دستيار وايي چي، د كابل د څوارلسو ولسواليو په گډون يې دكابل پر ښار باندي څلور امنيتي كمربندونه راګرځولي دي.
د هغه په خبره لومړی امنيتي كمربند يې د پوليسو د محافظت په ځواكونودوهم يې دكابل دپوليسو، دريم كمربنديې دملي اردو لخوا اوڅلورم كمربنديې د ايساف اوملي اردودگډوځواكونولخواچي هواي ګزمې هم پكښي شامليږي جوړ کړي دي.
د کابل د امنيې قوماندانۍ مرستيال کابل ښاريانو ته ډاډوركړچي امنيت يې دبهرنيوميلمنود راتګ دپاره نيولی دی اوهيڅوك نه سي كولای د اوسنيو تدابيروپه درشل كي د وران كارۍ دپاره كابل ته راداخل سي.
د دغه ټينګو امنيتي تدابيرو سره سره په کابل ښارکي پروني ځان مرګي بريد چي شاوخوا۳۵ كسانوته يې مرګ ژوبله ورسوله ښاريانواوامنيتي ارګانونوته زياتي انديښنې راپيداكړي دي.
جمال کوټوال/ کابل
کتونکی. زيارمل