د ۲۰۱۶ کال غوره فلمونه

د ۲۰۱۶ کال غوره فلمونه

د ۲۰۱۶ کال غوره فلمونه

د احساساتو ډک فلم «زما زړه، زما ځيګر» فلمي لارښودې، ماېوېن، جوړ کړی دی. هغه د مينې يو داستان دی چې له تلوسې ډک هم دی. هغه د نندارچيانو په اند يو ښايسته فلم دی چې ځينې يې د کال غوره فلم هم بولي.

د ۲۰۱۶ کال غوره فلمونه

د «ښايسته فصل» په نوم فلم

کاترين کورسيني يوه بله فرانسوۍ فلمي لارښوده ده چې د مينې په هکله فلم يې جوړ کړی دی. يوه ځوانه ښځه له اطرافو څخه کوم لوی ښار ته مخه کوي او هلته له يوې بلې ښځې سره پېژني. موضوع پارونکې، خو له احساساتو ډکه ده.

د ۲۰۱۶ کال غوره فلمونه

د «حوض» په نوم فلم

د شپېتمو کلونو د «حوض» نومي فلم نوې بڼه له اصلي فلم څخه لا ښه ده. ايټالوي لارښود، لوکا ګوادانينو، څلور انسانان راپېژني، چې د سختې ګرمۍ او نامعلومو احساساتو په فضا کې ښکېل دي. سربېره پر دې ښايسته سينمايي انځورونه د دغه فلم بله ځانګړتيا ده.

د ۲۰۱۶ کال غوره فلمونه

پای

د «پای» په نوم فلم د فرانسوي فلمغاړي، ګيلوم نيکلو، زېږدنده ده چې د آلمان سينماګانو ته لا نه دی راوتلی. دغه فلم په ځنګل کې د يوه سفر کيسه کوي چې مشهور فلمي ستوری، ژېرار ديپارديو، پکې لوبيږي. دغه فلم له رموزو ډک دی چې د سړي ساعت هم ښه ورتېروي.

د ۲۰۱۶ کال غوره فلمونه

فرانڅ

بل فرانسوی فلم د لارښود، فرانسوا اوزون، توليد دی. دغه تور او سپين فلم «فرانڅ» نوميږي چې د فرانسويانو او جرمنيانو په هکله دی. د دغه فلم اصلي موضوع سوله او جګړه ده.

د ۲۰۱۶ کال غوره فلمونه

د پاچا له پاره هولوګرام

مشهور امريکايي لوبغاړی ټام هېنکس د فلمي لارښود، ټام توايکر په فلم کې لوبيږي. «د پاچا له پاره هولوګرام» يو پياوړی فلم دی چې د هېنکس تر څنګ نور لوبغاړي هم پکې ښه ځليږي. هغه ډېرې ټوکې او نازکې مسخرې هم رانغاړي.

د ۲۰۱۶ کال غوره فلمونه

ځوانه رڼا

دغه آلمانی فلم «ځوانه رڼا» نوميږي چې اوس تازه سينما ته راوځي. آدولف وينکلمن په اويا کلنۍ کې د خاطراتو ډک يو فلم جوړ کړی چې د پلار او زوی کيسه رانغاړي. هغه د موسيقۍ، خيالونو او احساساتو ډک دی.

د ۲۰۱۶ کال غوره فلمونه

پېټرسن

د جيم جارموش وروستي فلمونه مصنوعي او وچ ايسېدل. خو په «پېټرسن» نومي فلم کې د يوه شاعر بس چلونکي کيسه کيږي. هغه د ژوند د نېکمرغۍ او د شاعرۍ په اړه يوه په زړه پورې کيسه ده.

د ۲۰۱۶ کال غوره فلمونه

ستنېدونکی

دا چې د کال په اوايلو کې راوتلی، نو ځينو هېر کړی دی. خو د «ستنېدونکي» په نوم فلم د ۲۰۱۶ کال يو غوره فلم دی. د مکسيکو سينماګر، الېخاندرو ګونسالېز ايناريتو جوړ کړی دی چې يو ډېر بې رحمه، د تاوتريخوالي او تلوسې ډک داستان دی. لېوناردو دي کاپريو هم ډېر ښه پکې لوبيږي او له يوه يږه سره جنګيږي.

د ۲۰۱۶ کال غوره فلمونه

توني اېردمن

د آلمان بريالی فلم، چې د حيرانتيا سبب ګرځېدلی دی، بايد هم له پامه ونه غورځول شي. د کان د فلمونو له فستيوال وروسته يې بې شمېره جايزې ګټلې دي. خو هغه اصلا د مارېن ادېس په مشرۍ جوړ شوی يو ساده، د مسخرو او اشارو ډک فلم دی چې په هيڅ کوم ژانر يا کومه درجه بندۍ کې نه ځاييږي. هغه د کال يو غوره، خو د حيرانتيا وړ يو فلم هم دی.

سږ کال پای ته رسيږي. خو د کال غوره فلمونه کوم ول؟ تر ټولو زياتې پيسې کومو فلمونو وګټلې او ليدونکو کوم فلمونه خوښ کړل؟ د ۲۰۱۶ کال د ځينو غوره فلمونو انځورونه دلته کتلی شئ!

پر ورته موضوع یو انځوريز البوم زموږ له آرشيف څخه (13.11.2016):

هغه هندي فلمونه چې تر ټولو ډیري پيسې یې ګټلي

PK

د عامرخان PK فلم چې په ۲۰۱۴م کال د سنیما پر پرده خپور شو، په لومړي کتار کې راځي. دغه فلم۱۲۰میلیونه امریکایې ډالره ګټلي.

هغه هندي فلمونه چې تر ټولو ډیري پيسې یې ګټلي

بجرنگی بھائی جان

’بجرنگی بھائی جان‘ د هاليووډ د هغو فلمونو په کتار کې چې تر ټولو ډېره ګټه یې کړې ده، دریم ځای لري. دغه فلم ۹۳ میلیونه امریکایې ډالره ګټلي دي. دغه فلم چې په ۲۰۱۵م کال کې خپور شو مرکزي لوبغاړی یې سلمان خان وو.

هغه هندي فلمونه چې تر ټولو ډیري پيسې یې ګټلي

دھوم 3

د عامر خان ’دھوم تھري‘ فلم هم ډیر مشهور شو او په مجموعي توګه یې ۸۱ میلیونه دالره ګټه کړې ده. دغه فلم چې په ۲۰۱۳م کال کې نندارې ته وړاندي شو د ادیتیه چوپړا له خوا پروډیوس یا تولید شوی وو.

هغه هندي فلمونه چې تر ټولو ډیري پيسې یې ګټلي

پریم رتن دھن پایو

د سلمان خان ’پریم رتن دھن پایو‘ فلم چې په ۲۰۱۵م کال کې خپور شوی ډیر بریالی وو. دغه فلم چې د راج شري له خوا تولید شوی وو ۶۴ میلیونه ډالره يې ګټلي دي.

هغه هندي فلمونه چې تر ټولو ډیري پيسې یې ګټلي

چنئی ایکسپریس

د شاه رخ خان ’چنئی ایکسپریس‘ فلم ۶۳ میلیونه ډالره ګټه کړې ده. په دغه فلم کې چې په ۲۰۱۳م کال کې خپور شو دیپیکا پڈوکون هم پکښې راڅرګنده شوې ده.

هغه هندي فلمونه چې تر ټولو ډیري پيسې یې ګټلي

تھری ایڈیٹس

د تھری ایڈیٹس یا درې احمقانو فلم ۵۹ میلیونه ډالره ګټه کړې ده. د راج کمار هیراني په لارښونه جوړ شوي دغه فلم کې عامر خان مرکزي رول لاره.

هغه هندي فلمونه چې تر ټولو ډیري پيسې یې ګټلي

دل والے

په ۲۰۱۵م کال کي د شاه رخ خان او کاجل جوړه یووار بیا په ’دل والے‘ فلم کې د سنیما پر پرده راڅرګنده شوه. دغه فلم هم ۵۹ میلیونه ډالره کاروبار وکړ.

هغه هندي فلمونه چې تر ټولو ډیري پيسې یې ګټلي

ہیپی نیو ایئر

د شاه رخ خان ’ہیپی نیو ایئر‘ فلم هم۵۷ میلیونه ډالره پيسې وګټلي. دغه فلم چې په ۲۰۱۴م کال کې خپور شوی دی فرح خان یې ډایرکټره وه.

هغه هندي فلمونه چې تر ټولو ډیري پيسې یې ګټلي

کِک

د سلمان خان’کِک‘ فلم هم په ۲۰۱۴م کال کې خپور شوی دی. دغه فلم هم ۵۶ میلیونه ډالره ګټه کړې ده. په دې اکشن فلم کې نواز الدین صدیقي هم ډیر کامیابه کار کړی دی.

هغه هندي فلمونه چې تر ټولو ډیري پيسې یې ګټلي

کِرش

د ’کِرش‘ فلم په هندوستان کې تر ټولو د ډیرو پیسو ګټونکو فلمونو د نوملړ په لسم نمبر کې ځای لري. دغه فلم هم ۵۶ میلیونه ډالره ګټه کړې ده.



پر ورته موضوع یو انځوريز البوم زموږ له آرشيف څخه (06.05.2013):

انځورونه: په کابل کې د مدرنې موسقۍ فیستیوال پای ته ورسید

له بیلابیلو هیوادونو څخه هنري ډلې

دغه فیستیوال په کابل کې د فرانسې په فرهنگي مرکز کې جوړ شوی وو چې د څلورو ورځو له پاره یې دوام وکړ. په دې فیستوال کې د افغانستان، استرالیا، فرانسې، امریکا، انگلستان، ازبکستان او پولند د پاپ او راک موسیقي ډلو گډون کړی وو.

انځورونه: په کابل کې د مدرنې موسقۍ فیستیوال پای ته ورسید

د افغان ځوانانو له پاره د خوښۍ موقع

په کابل کې د فرانسي په فرهنگي مرکز کې جوړ شوی کنسرت د افغان ځوانانو له باره یوه موقع وه چې په ژوندۍ بڼه د نورو هیوادونو موسیقي وویني او له یو بل سره وپیژني.

انځورونه: په کابل کې د مدرنې موسقۍ فیستیوال پای ته ورسید

گډ کار

دغه فیستیوال په کابل کې د یو شمیر هیوادونو د سفارتونو او همداراز یو شمیر نورو موسسو له خوا په لاره اچول شوی وو چې د اپریل د میاشتې په ۳۰ نیټي پیل او د مې د میاشتې په څلورمې نیټې پای ته ورسید.

انځورونه: په کابل کې د مدرنې موسقۍ فیستیوال پای ته ورسید

نورې نندارې

په دغه فیستیوال کې یو شمیر ځوانانو د سکیت نندارې هم وړاندې کولې.

انځورونه: په کابل کې د مدرنې موسقۍ فیستیوال پای ته ورسید

د ډیرو ځوانانو گډون

په دغه فیستیوال کې ډیر شمیر ځوانانو گډون کړی وو او د بیلابیلو هیوادونو له موسیقي څخه یې خوند واخیست.

انځورونه: په کابل کې د مدرنې موسقۍ فیستیوال پای ته ورسید

د افغنانو له پاره نوې موسیقي

که څه هم افغانان له راک موسیقي سره ډیره اشنایي نه لري، خو بیا هم د فرانسې په فرهنگي مرکز کې جوړ شوي کنسرت د ډیرو شمیر افغانانو توجه جلب کړې وه.

انځورونه: په کابل کې د مدرنې موسقۍ فیستیوال پای ته ورسید

ښځینه سندرغاړي

په دغه فیستیوال کې یو شمیر ښحینه سندرغاړو هم گډون کړی وو.

موږ تعقيب کړئ