راپور: جرمني د افغان مهاجرو د اخراج پروسه پيلوي

د جرمني د شپگل مجلې د يوې څېړني له مخي د دغه هيواد فدرالي حکومت پتېيلې ده چي په ډله ايزه توگه د افغان مهاجرو د اخراج لړۍ پيل کړي. د راپور له مخي د اخراج پروسه سر له چهارشنبې ورځي پيليږي.

د جرمني د شپيگل مجلې د معلوماتو له مخي د دغه هيواد فدرالي حکومت پتېيلې ده چي د چهارشنبې په ورځ (۲۰۱۶م کال د دسمبر ۱۴مه) په يوه چارتر الوتکه کي ۵۰ تنه افغان مهاجر له فرانکفورت هوايي ډگر څخه د کابل نړيوال هوايي ډگر ته انتقال کړي.

د کابل په نړيوال هوايي ډگر کي به بیا دغه مهاجرين افغان ملکي مامورينو ته تسلیم سي او له هغه وروسته به خپلو ولايتونو يا سيمو ته ولېږل سي.

د يادي مجلې د معلوماتو له مخي د افغان مهاجرو د اخراج دغه پلان حکومتي کړيو منلی دئ. د جرمني د کورنيو چارو وزير توماس ديميزير له مياشتو راهيسي پر دغه شان پروازونو ټينگار کاوه.

ديميزير ويلي ول چي د ځينو افغان مهاجرو په اخراج سره غواړي چي افغانستان ته داسي سيگنال ورسوي چي ټول افغان مهاجر په جرمني کي د قبلېدو چانس نه لري. او له خطر ناکو لارو، هغه که د مځکي له لاري وي يا د اوبو جرمني ته مهاجرت گټه نه لري.

تر اوسه پوري جرمني هغه افغان مهاجر چي د پناه غوښتنه به ئې رد سوې وه په کلونو کلونو به ئې بيا هم په دغه هيواد کي ساتل.

په افغانستان کي د خراب امنيتي وضعيت په دليل به محکمو هم د افغان مهاجرو په زور اخراج رداوه او په کال کي به يوازي د گوتو په شمار افغان مهاجر اخراجېدل.

نور مطالب:

په جرمني کي د افغان مهاجرو د مظاهرو انځورونه

هامبورگ

په جرمني کي افغان مهاجرو د هغه خبرو اترو پر ضد لاريون وکړ چي په دغه هيواد کي د نه منل سوو افغان مهاجرو په اړه افغان حکومت او د جرمني چارواکي خبري کوي.

په جرمني کي د افغان مهاجرو د مظاهرو انځورونه

هامبورگ

په جرمني کي افغان مهاجر وايي چي د پناه غوښتني د نوي قانون له مخي د دغه هیواد د چارواکو له خوا پر دوی باندي فشارونه ډېر سوي او ډېر افغان مهاجر منفي جواب تر لاسه کوي.

په جرمني کي د افغان مهاجرو د مظاهرو انځورونه

هامبورگ

په جرمني کي مېشته افغان مهاجر وايي چي د دوی ډېری په دغه هيواد کي بې سرنوشته دي.

په جرمني کي د افغان مهاجرو د مظاهرو انځورونه

هامبورگ

د جرمني د کورنيو چارو د وزير په خبره د افغانستان په ځينو سیمو کي امنيت سته چي ځيني افغان مهاجر بيرته ور ولېږل سي. خو پر دغه نظر باندي بيا د جرمني ځينو سياستوالو نيوکي کړي دي.

په جرمني کي د افغان مهاجرو د مظاهرو انځورونه

هامبورگ

افغان حکومت پر خپلو ځوانانو ږغ کړی دی چي په خپل هيواد کي پاته سي. د جرمني حکومت هم په دې برخه کي د افغان حکومت د ملاتړ خبره کړې.

په جرمني کي د افغان مهاجرو د مظاهرو انځورونه

مونشن

د جرمني صدراعظمي په اترش کي ويلي دي چي د افغانانو په گډون هغه مهاجر به بيرته خپلو هيوادونو ته واستول سي چي د پناه غوښتنه ئې رد سوې ده.

په جرمني کي د افغان مهاجرو د مظاهرو انځورونه

مونشن

که څه هم په جرمني کي ځيني افغان مهاجر شکايت لري چي له دوی سره داسي چلن نه کیږي، لکه د نورو هيوادونو له مهاجرو سره، خو د جرمني چارواکي وايي چي د سوريايي مهاجرو نيمايي به بيرته خپل هيواد ته ولېږل سي.

په جرمني کي د افغان مهاجرو د مظاهرو انځورونه

شتوتگرت

په جرمني کي تر سوريايي مهاجرو وروسته افغان مهاجر ډېر دي.

په جرمني کي د افغان مهاجرو د مظاهرو انځورونه

شتوتگرت

په افغان مهاجرو کي د کوچنيانو شمېر ډېر دئ.

په جرمني کي د افغان مهاجرو د مظاهرو انځورونه

شتوتگرت

اروپا ته د مهاجرت په موخه ډېر افغانان جرمني، سويډن، ډنمارک او ناروې ته رسېدلي دي.

په جرمني کي د افغان مهاجرو د مظاهرو انځورونه

شتوتگرت

اروپا ته ډېر رارسېدلي افغان مهاجر په جرمني کي ژوند کوي.

په جرمني کي د افغان مهاجرو د مظاهرو انځورونه

شتوتگرت

له هغه وروسته چي وويل سول چي افغان چارواکي د افغان مهاجرو د بيرته ستنېدو په برخه کي د جرمني له حکومت سره خبري کوي، په جرمني کي د افغان مهاجرو اعتراضونو زور اخيستی.

په جرمني کي د افغان مهاجرو د مظاهرو انځورونه

شتوتگرت

په جرمني کي افغان مهاجر د مظاهرې پرمهال.

په جرمني کي د افغان مهاجرو د مظاهرو انځورونه

شتوتگرت

له اروپا څخه تر اوسه پوري ۳۰۰۰ افغان مهاجر پخپله خوښه بيرته هيواد ته ستانه سوي دي.

په جرمني کي د افغان مهاجرو د مظاهرو انځورونه

برلین

څه موده مخکي په برلين کي د افغانستان سفارت هغه راپورونه رد کړل چي گويا ۸۰ زره افغان مهاجر به بيرته خپل هيواد ته ولېږل سي.

په جرمني کي د افغان مهاجرو د مظاهرو انځورونه

برلین

په جرمني کي افغان مهاجر وايي چي په هيواد کي ئې امنيتي حالت خراب دی او دوی نه سي کولای چي بيرته خپل وطن ته ستانه سي.

په جرمني کي د افغان مهاجرو د مظاهرو انځورونه

دوسلدورف

د جرمني د کورنيو چارو وزارت وايي چي په روان کال کي به له افغان حکومت سره داسي موافقې ته ورسيږي چي له مخي به ئې رد سوي افغان مهاجر بيرته خپل هيواد ته ولېږي.

په جرمني کي د افغان مهاجرو د مظاهرو انځورونه

دوسلدورف

د جرمني په دوسلدورف ښار کي د افغان مهاجرو مظاهره.

اړوند مطالب

موږ تعقيب کړئ