رپوټ: نيم ايران د حجاب د قانون له منځه تلل غواړي

ولسمشر حسن روحاني يو داسې رپوټ خپور کړ چې ترې څرگنديږي چې په ایران کې له څو لسيزو راهيسې نافذو، د حجاب د قوانینو پر اړه د خلکو نظر بدل شوی. د ايران کابو نيمايي وگړي په دې عقيده دي چې د حجاب پر سر کول بايد پخپله خوښه وي.

د ايران حکومت د يکشنبې په ورځ يوه درې کاله پخوانۍ څيړنه خپره کړې چې ښيي د ایران وگړي د اجباري حجاب له قوانينو څخه فاصله نيسي. دا په داسې حال کې ده چې په همدې وروستيو ورځو کې پوليسو دا خبره تائید کړې چې د اجباري حجاب پر ضد یې د احتجاج له کبله يو شمير ښځې نيولي دي.

په دې رپوت کې د ۲۰۰۶ ، ۲۰۰۷، ۲۰۱۰ او د ۲۰۱۴م کلونو معلومات سره مقايسه شوي چې ښيي د ښځو پر جامو باندې د هغه قانوني محدويت څخه ملاتړ ډير زيات کم شوی دی چې د ۱۹۷۹م کال د اسلامي انقلاب د وخت د لويو بدلونو څخه يو دی.

د ستراتيژيکو مطالعاتو د مرکز په حواله چې د ايران د ولسمشر د دفتر برخه ده، په ۲۰۰۶ م کال کې کابو ۳۴ سلنه ايرانيان په دې باوري ول چې حکومت بايد په دې اړه کومه لارښونه ونه کړي چې ښځې باید څه په تن کړي. خو په ۲۰۱۴م کال کې دغه سلنه ۴۹ ته لوړه شوه چې ويل یې ښځې بايد پخپله خوښه جامې واغوندي.

يوې ښځې دویچه ویله ته د نوم نه ښوولو په شرط وويل: «زه ډاډه يم که چيرې دا څيړنه نن ترسره شي نو دغه شمير به نور هم زيات وي.»

د څيړنې يو بل مهم ټکی ښيي چې د جامو په اړه د سخت دريځو نظر هم بدل شوی دی. په ۲۰۰۶ کې له پوښتل شويو څخه ۵۴ سلنه ويلي ول چې ښځې بايد پړونې پر سر کړي. خو په ۲۰۱۴م کال کې د دغه ډول نظر درلودونکو شمير راټيټ شوی او يوازې ۳۵ سلنه پر دې نظر وو چې ښځې بايد پړونې پر سر کړي او په عامه ځايونو کې آزادې او اوږدې جامې واغوندي. 

په دې څيړنه کې دا پوښتنه هم شوې وه چې آیا حکومت د هغو ښځو د جريمه کولو حق لري چې په عامه ځايونو کې پرته له پړوني نيول کيږي؟ د ۲۰۰۶م کال په نظر پوښتنه کې نيم نفوس په دې نظر وو چې حکومت بايد داسې وکړي خو درې کاله تر مخه په ترسره شوې نظر پوښتنه کې يوازې ۳۹ سلنه کسانو دا نظر لره.

په دې ورستيو کې يو شمير ښځو خپل پړونې له سره لیرې کړي او انځورونه او فلمونه په ټولنیزو رسنیو کې خپاره کړي.

د ولسمشر روحاني مهارت

دا به ځينو ته ډير عجب ښکاري چې د روحاني دفتر په داسې حال کې دا رپوټ خپروي چې د مذهبي پوليسو له خوا د هغو کسانو پر ضد گامونه پورته شوي چې د حجاب يا پړوني پر ضد مظاهرې او احتجاج کوي، خو دا په اصل کې په دې وروستيو کې دويم ځل دی چې ولسمشر روحاني دغه ډول تاکتيک د يوه پيچيلي سياسي قمار په توگه کاروي.

روحاني په دسمبر مياشت کې له دې ادعا سره د حکومتي بودجې په اړه بشپړه معلومات خپاره کړل چې ويل یې موخه یې شفافيت دی. ده د اصلاح خوښونکي په توگه په ټاکنو کې برخه اخيستې وه او دا تمه یې لرله چې هغه غوسه چې په قوانينو کې د اصلاحاتو د نه راوستو له وجې راپاريدله د هغو پيسو په ښوولو سره سړه کړي چې حکومت یې مذهبي بنسټونو او د هغو کارکونکو ته ورکوي.

خو دې اقداماتو بل ډول غبرگون رامنځته کړ او په ایران کې د دولت او دولتي ادارو پر ضد د مظاهرو او احتجاج يوه داسې لړۍ رامنځته شوه چې په ۲۰۰۹م کال کې له ولسمشرۍ ټاکنو راهیسې نه وه ليدل شوې. د هيواد د ناوړه اقتصادي وضعيت په اړه غوسه او مايوسي زياته وه او د ټول هيواد په کچه مظاهرې ترسره شوې چې لږ تر لږه د ۲۱ تنو ژوند یې واخيست.

په داسې حال کې چې د ایران روحاني مشر آیت الله علي خامنه، د مظاهرو د پارولو تور پر بهرنیانو باندې ولگاو، روحاني ټينگار کوه چې حکومت بايد د مظاهره کوونکو غوښتنو ته غوږ ونيسي. د ايران لوی څارنوال جعفر منتظري د حجاب يا پړونې پر ضد روان احتجاج هم د بهرنيانو دښمنانو کار وباله او ويې ويل چې د هغوی د اغیزې په نتيجه کې رامنځته شوی.

په عامه ځایونو کې د مظاهرو سره سره ښځې په ټولنيزو رسنيو هم خپل بې پړوني انځورونه د «زما پټې آزادۍ» په نامه ويبپاڼې له لارې خپروي.

Elizabeth Schumacher (B.S/M.S)

زموږ له آرشيف څخه:

په ایران کې د پزې جراحۍ ته تقاضا ډیره شوې

د آلمان خبري آژانس په خپل رپوټ کې له پلاستیکي جراحۍ سره د ایراني میرمنو لیوالتیا موضوع ته اشاره کړی ده. په دې انځور کې د تهران په یوه کلینک کې هغه میرمنې لیدل کیږي چې د جراحۍ عملیاتو له پاره انتظار باسي.

په ایران کې د پزې جراحۍ ته تقاضا ډیره شوې

اخیرا ابوالحسن امامي د " پلاستیکي جراحۍ د ټولنې" ريئس د "ایلنا" خبري آژآنس ته ویلي دي: «هره ورځ په تهران کې د پزې د ښکلا د جراحۍ نږدې ۳۰۰ عملیاتونه ترسره کیږي.

په ایران کې د پزې جراحۍ ته تقاضا ډیره شوې

په تهران کې د " پلاستیکي جراحۍ د ټولنې" ریئس په خبره په ایران کې د پزې د جراحۍ عمل په یو دود بدل شوی دی.

په ایران کې د پزې جراحۍ ته تقاضا ډیره شوې

ابوالحسن امامي وایې «یو شمیر داکتران د جراحي عملیاتو په ځانګړي توګه د پزې د ښلاء د ترویج او تبلیغ په برخه کې د پروګرامونو په جوړولو او تجارتي اعلانونو ډیرې پيسې مصرفوي.»

په ایران کې د پزې جراحۍ ته تقاضا ډیره شوې

په همدې اړه پلاستیکې جراح بابک ساعدي د "ایلنا" خبري آژآنس ته ویلي دي چې په ایران کې د مخ ښایسته کولو جراحۍ ته تقاضا ډیره شوې ده.

په ایران کې د پزې جراحۍ ته تقاضا ډیره شوې

مخکې تر دې د رویټرز خبري آژآنس په خپل یوه رپوټ کې تهران د «پزې د جراحي عملیاتو نړیوال پایتخت» بللی وو.

په ایران کې د پزې جراحۍ ته تقاضا ډیره شوې

په قاطعیت سره نه شي ویل کیدای چې د ایران په نجونو کې د پزې جراحي یوه مثبته او که منفي پدیده ده. که له یوې خوا د لا زیات ښلاء له پاره کوښښ د ایران په ټولنه کې د شخصي تمائلاتو یوه مثبته نښه ګڼل کیږي، بل لور ته یو شمیر ټولنپوهان د پزې د جراحۍ انقلاب په ایراني ټولنه کې د افرادو په خپل نفس د اعتماد کمیدو نښه بولي.

په ایران کې د پزې جراحۍ ته تقاضا ډیره شوې

د پزې د جراحۍ کچه، که هغه مثبت او یا هم منفي ؤ ارزول شي، ایران یې په نړۍ کې د پزې د جراحۍ پلازمېنه ګرځولې. هر کال په ایران کې شاوخوا ۸۰ زره د پزې د جراحۍ عملیات ترسره کیږي، چې دغه رقم هر کال لوړیږي.

په ایران کې د پزې جراحۍ ته تقاضا ډیره شوې

د دې له پاره چې داکتران د ښلاء په خاطر د پلاستیکي جراحۍ عمل ترسره کولو له پاره ډیرې پيسې اخلي، له نجونو څخه د ناوړه استفادې امکان هم په دغه هیواد کې لوړ دی. مخکې تر دې د " پلاستیکي جراحۍ د ټولنې" ريئس نجونو ته سپارښتنه کړې وه چې د عملیاتو له پاره د داکتر په انتخاب کې له دقت څخه کار واخلي.

په ایران کې د پزې جراحۍ ته تقاضا ډیره شوې

د هغه داکتر په هکله باید په کافي اندازه معلومات ترلاسه کړای شي چې غواړي پرې عملیات وکړي. د بیلګې په توګه آیا نوموړی داکتر خپله تحصیلي دوره په بریالیتوب سره بشپړه کړې ده، آیا حد آقل څلور کاله یې د عمومي جراحۍ په برخه کې زده کړې کړي دي او همدارنګه په کافي اندازه تجربه ولري.

په ایران کې د پزې جراحۍ ته تقاضا ډیره شوې

د " پلاستیکي جراحۍ د ټولنې" له خوا د داکتر د انتخاب په برخه کې په کافي اندازه معلومات او سپارښتنې وړاندی شوي دي ، تر څو دغه حساس عملیات پر یو د اعتماد وړ داکتر ترسره شي.


موږ تعقيب کړئ