سعودي عربستان په مصر کي خپل سفارت تړلی دئ

سعودي عربستان له مصر څخه خپل سفير رابللی دئ او په پلازمېنه قاهره کي ئې خپل سفارت هم تړلی دئ. د دې تر مخه په سوونو مصريانو په قاهره کي د سعودي عربستان د سفارت مخي ته احتجاج کړی وو. مظاهره چيانو په سعودي عربستان کي د نيول سوي يوه مصري وکيل د بېرته خوشي کولو غوښتنه کوله. د مصر د مخالف گوند په وينا دغه مصری وکيل چي په سعودي عربستان کي ئې د مصري زندانيانو سره د بد چلند پر ضد کار کاوه، اوس پخپله د سعودي عربستان د پاچا د سپکاوي په تور نيول سوی دئ.