شمالي کوريا یوه «ډیره عصري وسله» آزمویلي

شمالي کوريا د خپلو معلوماتو له مخي د اټومي وسلو او توغندیو پروگرام درولی دی. خو اوس یې بیا د یوې داسي «عصري وسلې» د آزمویني اعلان کړی چي هدف یې په بشپړه توګه د ارضي تمامیت ساتل دي.

د شمالي کوریا دولتي خبري آژانسKCNA  رپوټ ورکړی دی چي د دې هیواد واکمن کیم جونگ اون، د نوي «عصري وسلې» آرزونه شخصاً څارلې ده. د آژانس په حواله کیم له دې آزموینې چي په بریالیتوب تر سره سوې ده، «ډير رضایت» څرګند کړی.

دا چي څه ډول وسله آزمویل سوې ده، د هغه په باب جزئیات نه دي ورکړل سوي خو دومره ویل سوي چي هغه به د شمالي کوريا له ارضي تمامیت څخه په بشپړه توګه دفاع وکړي او د ملي اردو جنگي ظرفیت به لوړ کړي.

د اټومي بې وسلې کولو مذاکراتو مشخص پرمختگونه نه دي کړي

پيونګ يانګ د همدې عیسوي کال په اپریل میاشت کي د شمالي کوريا د اټومي وسلو او توغندیو پروگرام  د متوقف کیدو اعلان وکړ چي  د کوریا په نیمه جزیره کی به د بحران په راکومولو کي ډیر رول ادا کړ.

په جون میاشت کي بیا کیم د امريکا متحده ايالاتو له جمهور رييس  دونالد ترمپ، سره په سینگاپور کي تاریخي ناسته وکړه چې په کي د شمالي کوريا د غیر اټومي کولو پر موضوع هم موافقه وسوه. خو دغه توافق مبهمه پاتي سو او تر هغه راهیسې ملاقاتونه او مذاکرات هم نامعلومه پاته سول.

په شمالي کوريا کي د اټومي وسلو او توغندیو آزموینو ته بیرته ورگرځیدل به د ډیپلوماتیکو هڅو له پاره سخته ضربه وي. خو اوسنۍ آزموینه په لومړي قدم کي د دغه ډول یوې آزموینې ښکارندويي نه کوي. د هغې له پاره د «تاکتیکي وسلې» د کلمې استعمال تر ډیره حده پوري دې ته اشاره ده چي هغه د اوږده واټن بالستیکي توغندي او یا هم د اټومي وسلې آزموینه نه ده.

امريکا متحده ايالات اوس هم پر کیم اعتماد لري

د امريکا متحده ايالاتو د بهرنیو چارو وزات د شمالي کوريا د نوي «عصري وسلې» د آزمویني تر اعلان وروسته په احتیاط سره ویلي دي چي شمالي کوريا د سینگاپور تعهدات مراعتوي. د جمهور رييس مرستیال مایک پېنس، پردې سربیره ویلي دي چي ترمپ په ۲۰۱۹ کال کي له کیم سره د بیا لیدو هدف لري.

زموږ د آرشیف څخه یو انځوریز البوم:( 10.07.2017)

د شمالي کوریا پوځ څومره غښتلی دی؟

د نړۍ تر ټولو لوی پوځ

دغه هیواد ۷۰۰۰۰۰ پوځ او ۴،۵ میلیونه ریزرف پوځ لري چې د اړتیا په صورت کې خدمت ته اماده وي. په دې توګه نو د دغه هیواد نږدې هر ۵ تن پوځي دی.

د شمالي کوریا پوځ څومره غښتلی دی؟

د وسلو بې شماره سیستمونه

د وسلو او تجهیزاتو نړیوال شاخص د ۲۰۱۷م کال د رپوټ پر بنسټ، دغه هیواد ۷۶ اوبتلونه، ۵۰۲۵ زیري ټانکونه او ۴۵۸ جنګي الوتکې لري. په دغه انځور کې چې د ۲۰۱۳م کال دی د شمالي کوریا واکمن کم جونګ اون د قوماندې په مرکز کې لیدل کیږي.

د شمالي کوریا پوځ څومره غښتلی دی؟

د وسلو ننداره

شمالي کوریا هرکال په پلازمېنه پيونګ یانګ کې د یوه پوځي پرېډ په ترڅ کې خپلې وسلې او تجهیزات نندارې ته وړاندې کوي. د وسلو دا ډول ننداره د دغه کمونیستي هیواد له تاریخي او ملي ورځو سره مطابقت کوي.

د شمالي کوریا پوځ څومره غښتلی دی؟

بالستيک توغندی

امریکا متحدو ایالاتو د تيري سه شنبې په ورځ د شمالي کوریا له خوا، د بالستيک توغندي د آزموینې بریاليتوب تائید کړ. د امریکا د بهرنیو چارو وزیر ریکس ټیلرسن ویلي دي: دغه آزموینه د شمالي کوریا له خوا امریکا، د هغه متحدینو او نړیوالو ته د ورپیښ احتمالي نوي ګواښ جدیدت ښيي.

د شمالي کوریا پوځ څومره غښتلی دی؟

د اټومي وسلو جوړولو لړۍ

پر ډیرو سختو بندیزو سربیره شمالي کوریا خپل د اټومي پروګرام لړۍ جاري ساتلې ده. دغه هیواد په مجموع کې تر اوسه پورې ۵ اټومي آزمویني کړي دي. یوازي په ۲۰۱۶م کال کې یې دوې آزموینې کړي دي. د سویلي کوریا د دفاع وزیر وایي چې په ډیر قوي احتمال به شمالي کوریا ډیر ژر شپږمه آزموینه هم وکړي.

د شمالي کوریا پوځ څومره غښتلی دی؟

نړیوال امنیت ته ګواښ

یوازي چين او روسیه تر اوسه پوري د شمالي کوریا متحدین دي. د شمالي کوریا رژیم د «امریکا متحدو ایالاتو امپریالیستي قدرت» خپل اصلي دښمن بولي او جاپان او سویلي کوریا په دویمه درجه کې ځای لري. شمالي کوریا د امریکا او سویلي کوریا د کلني ګډ پوځي مانورونو پر وړاندې په ډیر حساسیت سره غبرګون ښيي.

د شمالي کوریا پوځ څومره غښتلی دی؟

د حوصلې پای

داسې ښکاري چې د شمالي کوریا له خوا د بالستيک توغندی تر ازموینې وروسته اوس د امریکا حوصله ختمه شوي وي. د شمالي کوریا د توغندو آزموینه د جې ۲۰ په سرمشریزه کې یوه د بحث موضوع وه.

موږ تعقيب کړئ