شمالي کوریا د امریکا پر ضد جګړې اټکل کوي

د شمالي کوریا د بهرنیو چارو وزارت ویلي دي چې «اوس نه جواب شوې پوښتنه دا ده چې جګړه به کله کیږي.» ياد وزارت د سویلي کوریا او امریکا پر پوځي مانورونو باندي انتقاد هم کړی دی.

وروسته له هغې چې د امریکا متحدو ایالاتو ولسمشر دونالد ترمپ پریکړه وکړه چې بیت المقدس د اسرائیلو د پلازمینې په توګه په رسمیت پیژل، د ټولې نړۍ پام د اسرائیل لور ته ته اوښتی دی. ټوله نړۍ په دغه سیمه کې د تاو تریخوالي د زیاتیدو اټکل کوي.

خو د ترمپ په اصطلاح دایمي دښمن، د شمالي کوریا واکمن کیم جونگ اون هم کرار ناست نه دی او بیا گواښونه کوي: د جنوبي کوریا او امریکایانو گډ پوځي مانورونه او د امریکا د یوې محافظتي حملې گواښونه به د یوې نه مخنیوي وړ جگړې سبب به وگرځي. دا یو «ثابت واقعیت» دی.

د شمالي کوریا د دولتی خبري آژانس KCNA په رپوټ کې راغلي دي چې «شمالي کوریا جگړه نه غواړي، خو ځان به هم پټ نه کړي.»

ګډ پوځي مانورونه

د شمالي کوریا د بالستیک یا قاره یي توغندي تر وروستۍ ازموینې وروسته، امریکا متحدو ایالاتو او سویلي کوریا په سیمه کې د دوشنبې په ورځ ستر پوځي مانورونه پیل کړل.

چین او روسیې، امريکا او سویلي کوریا ته وړاندیز وکړ چې له دغو مانورونو تیر شي. د هغه په بدل کې باید شمالي کوریا خپل د وسلو پروګرام ودروي، په کوم سره چې دغه منزوي شوی هیواد د ملګرو ملتونو له پریکړه لیکونو څخه سرغړونه کوي.

د سویلي کوریا خبري آژانس یونهاپ، د پوځي کړیو په حواله ویلي دي چې امريکا د چهارشنبې په ورځ سویلې کوریا ته د B-1B اوږ واټن وهونکي بم غورځونکي الوتکې استوي.

s.r/n.z (rtr, APE,dpa)

زموږ له آرشیف څخه:

سياست

روسیه

په ستاکهولم کې د سولې د بین المللي تحقیقاتي موسسې( سِپري) په خبره د اتومي وسلو د شمیر په برخه کې روسیه تر ټولو مخکې ده. پخواني شوروي اتحاد د لومړي ځل له پاره په ۱۹۴۹ کال کې د اټومي وسلو ازمیښت ترسره کړی وو. روسيه په اوس وخت کې ۸۰۰۰ اتومي وسلي لري.

سياست

امریکا متحده ایالات

امریکا متحده ایالاتو په ۱۹۴۵ کال کې تر خپل لومړني اټومي ازمیښت لږ وخت وروسته د جاپان پر هیروشیما او ناگاساکي ښارونو باندی اټوم بمونه وغورځول. د سپري په حواله امریکا اوس هم ۷۳۰۰ اتوم بمونه لري.

سياست

فرانسه

فرانسه په اروپا کې تر ټولو ډیرې اتومي وسلې لري. د دغو وسلو شمیر ۳۰۰ ښودل شوې دی. فرانسې په ۱۹۶۰ کال کې د اټوم بم جوړولو ټکنالوژي ترلاسه کړی وه.

سياست

چین

د آسیا تر ټولو لوې اقتصادي قدرت او د نړۍ تر ټولو لوې د وچې پوځ درلودونکې هیواد چین د پوځ شمیر په هکله دقیق ارقام نه دي ورکړل شوي. اټکل کیږي چې چین ۲۵۰ اټوم بمونه لري. چین په ۱۹۶۴ کال کې خپل لومړنې اټومي ازمیښت ترسره کړی وو.

سياست

بریتانیا

د ملگرو ملتونو د امنیت شورا دایمي غړي بریتانیې په ۱۹۵۲ کال کې خپل لومړنې اټومي ازمیښت ترسره کړی وو. د امریکا له نږدې متحد هیواد بریتانیې سره اوس وخت ۲۲۵ اټومي وسلې موجودې دي.

سياست

پاکستان

پاکستان د ۱۰۰ او ۱۲۰ تر منځ اتومي وسلو درلودونکې دی. کله چې پاکستان په ۱۹۹۸ کال کې اټوم بم جوړ کړ تر هغه وروسته د پاکستان او هند تر منځ کومه جگړه نه ده رامنځته شوې. مخکې تر دې د هند او پاکستان تر منځ دری جنگونه ترسره شوې دي. که څه هم پاکستان وایې چې د دوی اټومي وسلې د دفاعي مقاصدو له پاره دي، خو څارونکي ویره لري که د دغو دواړو هیوادونو تر منځ جگړه رامنځته شي، نو کیدای شي پر یوې اټومي جگړې واوړي.

سياست

هندوستان

په ۱۹۷۴ کال کې د لومړي ځل او په ۱۹۹۸ کال کې د دویم ځل له پاره د اټومي وسلو ازمیښت ترسره کونکی هیواد هندوستان له ۹۰ څخه تر ۱۱۰ پورې اوټوم بمونه لري. له چین او پاکستان سره د سرحدي پولو پر سر د شخړې سربیره هندوستان ژمنه کړی چې دغه هیواد به د اتوم بم د کارونې په برخه کې هیڅ کله هم لومړيتوب ونه کړي.

سياست

اسرائیل

له ۱۹۴۸ څخه تر۱۹۷۳ کاله پورې له عربي هیوادونو سره دری واره جنگیدلې هیواد اسرائيل ۸۰ اټومي وسلې لري. د اسرائیلو د اټومي پروگرامو په برخه کې ډیر لږ معلومات موجود دي.

سياست

شمالي کوریا

د اټکلونو له مخې شمالي کوریا لږ ترلږه ۶ اټومي بمونه لري. که څه هم شمالي کوریا له جنوبي کوریا سره شخړه لري، خو د دغه هیواد اټومي پروگرامونو لویدیځ هیوادونه هم اندیښمن کړي دي. د ملگرو ملتونو له خوا د لگول شوو بندیزونو سربیره هم دغه کمونستي هیواد په ۲۰۰۶ کال کې د اټومي وسلو ازمیښت ترسره کړ.