له آلمان څخه نور افغان مهاجر اخراجیږي

په پام کې ده چې د راتلونکي سه شنبې په ورځ یوه بله ډله رد شوي افغان مهاجر له آلمان څخه اخراج شي. له آلمان څخه د افغان مهاجرو د ډله ایز اخراج لړۍ د پيلیدو راهیسې تر ۵۰۰ ډیر رد شوي پناه غوښتونکي کابل ته انتقال شوي دي.

د آلمان خبري آژانس په خپل رپوټ کې لیکلي دي چې د یکشنبې په ورځ د افغانستان د کډوالو چارو ادارې یوه کار کونکي ویلي دي چې تمه کیږي د چهارشنبې په ورځ (د می میاشتې ۲۲ نیټه) له آلمان څخه د رد شویو پناه غوښتونکو یوه بله ډله کابل ته ورسیږي.

د ۲۰۱۶ م کال په دسمبر میاشت کې له آلمان څخه د رد شویو پناه غوښتونکو د ډله ایز اخراج لړۍ پیل شوه. تر اوسه د ۲۳ پروازونو په ترڅ کې په ټوله کې ۵۶۵ نارينه افغان پناه غوښتونکي بیرته افغانستان ته استول شوي دي.

پر اړونده موضوع زمونږ له آرشيف څخه انځوریز رپوټ:

آلمان ـ د افغان مهاجرو د قبليدو کچه ټيټه شوې

آلمان کې د افغان مهاجرو شمير

حاضردمه په آلمان کې شاوخوا ۲۵۵ زره افغانان ژوند کوي. دغه مطلب د آلمان فدرالي حکومت لخوا د افغان مهاجرو په هکله يو رپوټ کې د روان کال په اپريل مياشت کې ویل شوی وو.

آلمان ـ د افغان مهاجرو د قبليدو کچه ټيټه شوې

په منلو کې توپير

آلمان کې د تيرکال په لمړيو شپږو مياشتو کې د منل شويو افغان مهاجرو رقم ۵۵ اعشاريه ۸ سلنه وو، خو سږکال دغه رقم ۴۴ اعشاريه ۱ ته راښکته شوی ده.

آلمان ـ د افغان مهاجرو د قبليدو کچه ټيټه شوې

انتظار

د فدرال آلمان د رپوټ پر اساس، له ۲۵۵ زره افغان مهاجرو له ډلې، د نيمايي څخه د زياتو هغو پر دوسيو کار روان دی. دغه مهاجر د ځواب د ترلاسه کولو تر وخته کله تر اوږدې مودې انتظار کې پاتې کيږي.

آلمان ـ د افغان مهاجرو د قبليدو کچه ټيټه شوې

دايمې اقامې

په آلمان کې د ميشتو شاوخوا ۲۵۵ زره افغان مهاجرو له ډلې څخه ۶ سلنې يې دايمي اقامې ترلاسه کړي دي.

آلمان ـ د افغان مهاجرو د قبليدو کچه ټيټه شوې

موقتي اقامې

آلمان کې د افغان مهاجرو يو څلورمې برخې ته يې تر يوې ټاکلي مودې په دغه هيواد کې د اوسيدو اجازه ورکړل شوې ده.

آلمان ـ د افغان مهاجرو د قبليدو کچه ټيټه شوې

يو شمير افغانان بايد ووځي

د فدرالي آلمان ادارې لخوا د روان کال اپريل میاشت کې خپور شوي رپوټ کې دا هم ویل شوي چې له ۲۵۵ زره افغان مهاجرو څخه ۱۳ سلنه يې بايد آلمان له خاورې ووځي او يا په بد وضعیت کې قرار لري.

آلمان ـ د افغان مهاجرو د قبليدو کچه ټيټه شوې

ناهيلې ژوند

ډیری افغان مهاجرو له دويچه ويله ته ويلي دي چې د بې برخليکۍ له وجې ناهیلې او زړونه يې مات شوي دي. دوي وایي مياشتې مياشتې انتظار وښکل د يوې نامعلومې پايلې لپاره پر دوي ډير زورونکی پريوځي.

آلمان ـ د افغان مهاجرو د قبليدو کچه ټيټه شوې

د کمپونو ژوند

د پناه غوښتنې نتایجو ته د اوږدې مودې انتظار ترڅنګ د مهاجرو بله ستونزه په کمپ کې د تنګ او ګډ ژوند ماحول دی.

آلمان ـ د افغان مهاجرو د قبليدو کچه ټيټه شوې

جنجالونه

خو افغانستان ته د افغان مهاجرو د اخراج یا آلمان له خاوري څخه يې د وتلو خبره، له مودو راهيسې په آلمان کې په يوې جنجالي موضوع اوښتې ده. دغې خبرې سره په اعتراض کې تر اوسه د آلمان په ډیرو ښارونو کې افغانانو مظاهرې کړې دي.

آلمان ـ د افغان مهاجرو د قبليدو کچه ټيټه شوې

د مظاهرو يوه څنډه

افغان مهاجر د آلمان په کلن ښار کې د مظاهرې پر مهال. دوی وايي چې افغانستان لا امن ندی او نبايد اخراج کړل شي.

آلمان ـ د افغان مهاجرو د قبليدو کچه ټيټه شوې

په اخراج کې کمښت

د دغو ټولو حالاتو سربيره آلمان حکومت وايي چې د روان کال په شپږو مياشتو کې آلمان څخه د مهاجرو اخراج کم شوی دی.

آلمان ـ د افغان مهاجرو د قبليدو کچه ټيټه شوې

اخراج کې سم نيمايي کموالی

د آلمان د کورنيو چارو وزارت په جولای مياشت کې ويلي دي چې په روان نيمايي کال کې ټولټال ۱۲۵۴۵ تنه رد شوي مهاجر خپلو هيوادونو ته اخراج شوي په داسې حال کې چې د تير کال همدې موده کې دغه شميره ۲۵۳۷۵ تنه وه.

آلمان ـ د افغان مهاجرو د قبليدو کچه ټيټه شوې

د کار اجازه

د مهاجرت په سخت ژوند کې د اخراج، موقتي اقامې، انتظار او نورو ستونزه ترڅنګ يوه ستونزه هم د کار اجازه نلرل دی چې يو شمير مهاجرو ته د ځينو قانوني دلايلو له مخې نه ورکول کيږي.

د یاد خبري آژانس په وینا افغانستان ته د اخراج موضوع شخړیزه ده. په دغه هیواد کې د طالبانو او داعش پر وړاندې جګړه ادامه لري چې په ترڅ کې یې  هره ورځ انسانان وژل کیږي او یا هم ټپیان کیږي.

پر دې سربیره د مهاجرت نړیوال سازمان (IOM) د خپلو معلوماتو له مخې د اپریل میاشتې په پای کې يې له اروپایي هیوادونو څخه د رد شویو افغان پناه غوښتونکو سره د موقتي سرپناه تر عنوان لاندې خپلې مالي مرستې بندې کړې دي.

د دې پر ځای اوس د مهاجرت نړیوال سازمان له خوا له دغو کسانو سره هلته تر رسیدو وروسته د ۱۶۷ امریکایي ډالرو مرسته کیږي او دوی ته ځینې معلومات ورکول کیږي، لکه د هوټلونو ادرسونه.

آژانسونه/ ش. ن/ س. ر

موږ تعقيب کړئ