له جرمني د پاکستاني مهاجرو اخراج

له جرمني څخه د افغان مهاجرو تر اخراج دمخه پاکستانیان هم اخراج سوي دي. پاکستاني چارواکو خبر ورکړی دی، چي د چهارشنبې په ماښام له برلین څخه په یوه چارتر الوتکه کي اسلام اباد ته ۲۸ پاکستانیان اخراج سوي دي.

د جرمني د کورنیو چارو وزارت د ارقامو پراساس د ۲۰۱۶م کال په مقایسه په ۲۰۱۷م کال کي پاکستان ته دوه چنده پناه غوښتونکي  اخراج سوي دي. سږکال تراوسه پوري دغه هیواد ته ۱۴۹پاکستانیان اخراج سوي دي. دا په داسي حال کي ده چي په ټوله ۲۰۱۶م کال کي ۸۱ تنه اخراج سوي وه. ۲۰۱۵م کال حتی یوازي ۲۲ کسان وه.

د پاکستاني منابعو په حواله د دغو کسانو له جملې څخه ۱۶تنه رد سوي پناه غوښتونکي وه او نور یې د چک له جمهوریت او اطریش څخه وه، چي غوښتله یې جرمني ته په جعلي اسنادو راسي او بندیان سوي دي. دوی ټوله پاکستان ته په رسیدو سره په لومړي سرکي بندیان سوي او تحقیقات ورڅخه سوي دي.

یوه چارواکي چي له هغوی څخه په تحقیقاتو کي یې برخه درلوده او نه غوښتل نوم یې یاد سي، ویلي دي چي «موږ غواړو ددغو معلوماتو په مرسته د انساني قاچاقبرانو پرضد خپل عملیات پراخ کړو.»

له ۲۰۱۶م کال راهيسي پاکستان په منظم ډول سره د غیرقانوني مهاجرتونو پرضد مبارزه کوي. هرکال د نړۍ له دغه لوی او غریب هیواد څخه په سونو زره کسان مهاجر کیږي. خو اکثره پاکستانیان سیاسي دلایل نه لري او د اقتصادي مهاجرو په سترگه ورته کتل کیږي.

پاکستان  یو ډیرغیراطمیناني هیواد دی او د پوځ تر عملیاتو وروسته پکښي د افراطي اسلامپالو په بریدونو کي ډېرښت راغلی دی.

په جرمني کي د ۲۰۱۷م کال د اکتوبر مياشتي په اخره کي ۷۳۰۴۲ پاکستانیان اوسیدل چي له دې جملې څخه یې ۸۷۹۶ کسان په بیرته تگ باندي مکلف دي.

زموږ له ارشيف څخه:

سياست

۱۰ مقام ـ چاد ۳۶۹۵۰۰ مهاجر

په ۲۰۱۶ کال کې د چاد جمهوري دولت ته نژدې۳۷۰ زره مهاجر ورغلل. چاد د مهاجرو په لسو مخکښو کوربه هيوادونو کې لسم يا وروستی ځای لري. د آرشيف انځور.

سياست

۹ مقام ـ کانګو ۳۸۳۱۰۰ مهاجر

انځور له آرشيف څخه

سياست

۸ مقام ـ يوګانداد ۴۷۷۲۰۰ مهاجر

د امنستې نړيوال سازمان. انځور د آرشیف.

سياست

۷ مقام ـ کينيا ۵۵۳۹۰۰ تنه مهاجر

د امنستي نړیوال نړيوال سازمال له مخې کينا په ۲۰۱۶ کال کې د مهاجرو درلودونکو هيوادونو کې اووم نمبر دی.

سياست

۶ مقام ـ اردن ۶۶۴۱۰۰ مهاجر

د ملګرو ملتونو د مهاجرت ادارې لخوا د وړاندې شوو ارقامو له مخې، اردن له ايتوپيا وروسته شپږم هيواد دی چې په ۲۰۱۶ کال کې ورته زيات مهاجر ورغلی وو. په ۲۰۱۶ کال دغه هيواد ته څه باندې ۶۶۴ زره مهاجر ورغلل.

سياست

۵ مقام ـ ايتوپيا ۷۳۶۱۰۰ مهاجر

په ۲۰۱۶کال کې ايتوپیا هيواد ته څه باندې ۷۳۶ زره مهاجر ورسيدل.

سياست

د ملګرو ملتونو د مهاجرت ادارې د ارقامو له مخې په ۲۰۱۶ کال کې د نړۍ په کچه د جګړو او نا امنيو له کبله په اوسط ډول په يوه ورځ کې ۳۳۹۷۲ تنه انسانان خپلو کورونو پريښودو ته اړ شوي دي. انځور د آرشيف څخه.

سياست

۴ مقام ـ ایران: ۹۷۹۴۰۰ مهاجر

ايران کې په ۲۰۱۶ کال کې څه باندې ۹۷۹ زره مهاجر ميشت شول. انځور له آرشيف څخه

سياست

۳ مقام: لبنان ۱ اعشاریه ۱ ميليون مهاجر

د هاليود نامتو هنرمنده او د ملګرو ملتونو د سولې سفيره انجيلینا جولي د لبنان په يوه کمپ کې د يوې مهاجرې نجلۍ سره د ليدو پر مهال.

سياست

لبنان کې په ۲۰۱۶ کال کې يو اعشاريه يو ميليون مهاجرو میشت ول چې د ترکيې او پاکستان وروسته دريم ځای کې راځي.

سياست

۲ مقام ـ پاکستان يو اعشاريه شپږ مليونه مهاجر

پاکستان ته په ۲۰۱۶ کال کې يو ميليون او ۶۰۰ زره مهاجرو میشت ول. پاکستان له ترکيې وروسته دويم هيواد دی چې دغه کال کې يې زيات شمير مهاجرو ته ځای ورکړی وو.

سياست

که څه هم په ۲۰۱۶ کال کې له پاکستان څخه په لکونو افغان مهاجر بيرته خپل هيواد ته ستانه شول، خو د دې سربيره د ملګرو ملتونو د مهاجرت ادارې د ارقامو له مخې، دغه هيواد د يو اعشاريه شپږ مليون مهاجرو په لرلو سره د نړۍ د لسو مخکښو هيوادونو په کتار کې دويم ځای لرلی.

سياست

۱ مقام ـ ترکيه دوه نيم ميليون مهاجر

په ۲۰۱۶ کال کې ترکيې ته دوه نيم ميليون مهاجر ورغلي چې ډیری یې سوريايي دي.

سياست

په ۲۰۱۶ کال کې ترکيې د اروپايي ټولنې په همکاري مهاجرو ته ستر کمپونه ورغول.