له جرمني څخه نور افغان مهاجر اخراجيږي

افغان چارواکو منلې ده چي راتلونکې اوونۍ به يوه بله ډله افغان مهاجر له جرمني څخه اخراج سې. دا به له جرمني څخه د افغان مهاجرو د اخراج ۲۳ پرواز وي.

د جرمني خبري آژانس (دي په اې) د افغانستان د کډوالو او راستنېدونکو چارو وزارت د چارواکو په حواله ليکلي دي چي د راتلونکي اوونۍ د پنجشنبې په ورځ به يوه بله ډله افغان مهاجر هم کابل ته ور ورسيږي.

د ۲۰۱۶م کال له ډسمبر مياشتي راهيسي په ۲۲ پروازونو کي ۵۳۳ نارينه افغان مهاجر افغانستان ته اخراج سوي دي.

آژانس دا روښانه کړې نه ده چي په دغه پرواز کي به څومره کسان او له کومو ايالاتونو څخه اخراج سي.

افغانستان ته د مهاجرو اخراج یوه شخړه ایزه موضوع ده، ځکه چي په افغانستان کې امنیتي وضعیت لا هم خراب دی. د طالبانو او داعش پر ضد جگړې زور اخیستی او هره ورځ ملکي کسان د جگړې قرباني ګرځي. طالبان کابو هره ورځ پر حکومتي پوستو او اډو بریدونه کوي.

N.Z/K.H (dpa)

زموږ له ارشيف څخه:

آلمان ـ د افغان مهاجرو د قبليدو کچه ټيټه شوې

آلمان کې د افغان مهاجرو شمير

حاضردمه په آلمان کې شاوخوا ۲۵۵ زره افغانان ژوند کوي. دغه مطلب د آلمان فدرالي حکومت لخوا د افغان مهاجرو په هکله يو رپوټ کې د روان کال په اپريل مياشت کې ویل شوی وو.

آلمان ـ د افغان مهاجرو د قبليدو کچه ټيټه شوې

په منلو کې توپير

آلمان کې د تيرکال په لمړيو شپږو مياشتو کې د منل شويو افغان مهاجرو رقم ۵۵ اعشاريه ۸ سلنه وو، خو سږکال دغه رقم ۴۴ اعشاريه ۱ ته راښکته شوی ده.

آلمان ـ د افغان مهاجرو د قبليدو کچه ټيټه شوې

انتظار

د فدرال آلمان د رپوټ پر اساس، له ۲۵۵ زره افغان مهاجرو له ډلې، د نيمايي څخه د زياتو هغو پر دوسيو کار روان دی. دغه مهاجر د ځواب د ترلاسه کولو تر وخته کله تر اوږدې مودې انتظار کې پاتې کيږي.

آلمان ـ د افغان مهاجرو د قبليدو کچه ټيټه شوې

دايمې اقامې

په آلمان کې د ميشتو شاوخوا ۲۵۵ زره افغان مهاجرو له ډلې څخه ۶ سلنې يې دايمي اقامې ترلاسه کړي دي.

آلمان ـ د افغان مهاجرو د قبليدو کچه ټيټه شوې

موقتي اقامې

آلمان کې د افغان مهاجرو يو څلورمې برخې ته يې تر يوې ټاکلي مودې په دغه هيواد کې د اوسيدو اجازه ورکړل شوې ده.

آلمان ـ د افغان مهاجرو د قبليدو کچه ټيټه شوې

يو شمير افغانان بايد ووځي

د فدرالي آلمان ادارې لخوا د روان کال اپريل میاشت کې خپور شوي رپوټ کې دا هم ویل شوي چې له ۲۵۵ زره افغان مهاجرو څخه ۱۳ سلنه يې بايد آلمان له خاورې ووځي او يا په بد وضعیت کې قرار لري.

آلمان ـ د افغان مهاجرو د قبليدو کچه ټيټه شوې

ناهيلې ژوند

ډیری افغان مهاجرو له دويچه ويله ته ويلي دي چې د بې برخليکۍ له وجې ناهیلې او زړونه يې مات شوي دي. دوي وایي مياشتې مياشتې انتظار وښکل د يوې نامعلومې پايلې لپاره پر دوي ډير زورونکی پريوځي.

آلمان ـ د افغان مهاجرو د قبليدو کچه ټيټه شوې

د کمپونو ژوند

د پناه غوښتنې نتایجو ته د اوږدې مودې انتظار ترڅنګ د مهاجرو بله ستونزه په کمپ کې د تنګ او ګډ ژوند ماحول دی.

آلمان ـ د افغان مهاجرو د قبليدو کچه ټيټه شوې

جنجالونه

خو افغانستان ته د افغان مهاجرو د اخراج یا آلمان له خاوري څخه يې د وتلو خبره، له مودو راهيسې په آلمان کې په يوې جنجالي موضوع اوښتې ده. دغې خبرې سره په اعتراض کې تر اوسه د آلمان په ډیرو ښارونو کې افغانانو مظاهرې کړې دي.

آلمان ـ د افغان مهاجرو د قبليدو کچه ټيټه شوې

د مظاهرو يوه څنډه

افغان مهاجر د آلمان په کلن ښار کې د مظاهرې پر مهال. دوی وايي چې افغانستان لا امن ندی او نبايد اخراج کړل شي.

آلمان ـ د افغان مهاجرو د قبليدو کچه ټيټه شوې

په اخراج کې کمښت

د دغو ټولو حالاتو سربيره آلمان حکومت وايي چې د روان کال په شپږو مياشتو کې آلمان څخه د مهاجرو اخراج کم شوی دی.

آلمان ـ د افغان مهاجرو د قبليدو کچه ټيټه شوې

اخراج کې سم نيمايي کموالی

د آلمان د کورنيو چارو وزارت په جولای مياشت کې ويلي دي چې په روان نيمايي کال کې ټولټال ۱۲۵۴۵ تنه رد شوي مهاجر خپلو هيوادونو ته اخراج شوي په داسې حال کې چې د تير کال همدې موده کې دغه شميره ۲۵۳۷۵ تنه وه.

آلمان ـ د افغان مهاجرو د قبليدو کچه ټيټه شوې

د کار اجازه

د مهاجرت په سخت ژوند کې د اخراج، موقتي اقامې، انتظار او نورو ستونزه ترڅنګ يوه ستونزه هم د کار اجازه نلرل دی چې يو شمير مهاجرو ته د ځينو قانوني دلايلو له مخې نه ورکول کيږي.

موږ تعقيب کړئ