له فرانسې څخه بریتانیا ته د مهاجرو ناقانونه مهاجرت

له فرانسې څخه بريتانيا ته د مانش کانال له لارې د مهاجرو د تګ هڅو له زیاتیدو سره، د بریتانيا د پارلمان غړو د خطر زنګ وهلی دی. دا کار د دې سبب شوی چې د بریتانیا د مهاجرت چارو وزیره بندري ښار ته سفر وکړي.

د تیرې سه شنبې په ورځ (۲۰۱۸م کال د دسمبر۲۵نیټه) بریتانوي او فرانسوي چارواکو د فرانسې او بریتانيا ترمنځ په دغه کانال کې په پنځو کښتیو کې سپاره د عراق، ایران او افغانستان شاوخوا ۴۰ مهاجر وژغورل. په دوی کې کوچنيان هم ول. تر هغه وروسته هم په کوچنیو کښتیو کې سپاره ۱۲ نور پناه غوښتونکي و موندل شول. سربیره پر دې د جمعې په ورځ ځايي چارواکو په یوه بله کښتې کې د سوریې او عراق ۱۲ کسان وژغورله.

اسوشیتید پریس خبري اژانس رپوټ ورکړی چې ټاکل شوې وه د بریتانیا د مهاجرت په چارو کې وزیره کارولینا نوکیس د ډوفر ښار د ځايي پارلمان له غړي چارلي ایلپیچکي سره ملاقات وکړي. ایلپیچکي په دې کانال کې د ګزمو په موخه د لا ډیرو کښتیو غوښتنه کړې څو په دې سیمه کې د قاچاقبرانو شبکې له منځه یوړل شي.

دغه اقدام یوه ورځ  وروسته له هغه کيږي چې د بریتانیا د کورنیو چارو وزیر ساجد جاوید د مانش په نامه د دې کانال له لارې د پناه غوښتونکو د تیریدو مخ پر ډیریدونکي هڅې «یوه ستره پیښه» یاده کړه. د رپوټونو په حواله جاوید د فرانسې له چارواکو سره د خبرو غوښتنه کړې، څو د نوي کال رخصتیو پرمهال فرانسه د مانش کانال له لارې د مهاجرو د تیریدو ډیریدونکو هڅو ته د حل لار پیدا کړي.

له کلونو راهیسې په زرونو پناه غوښتونکو او مهاجرو د فرانسې کانال بندرونو ته په دې نیت مخه کړې څو په ناقانونه توګه بریتانیا ته واوړي. د دوی زیاتره یې په برتانیا کې یا د کورنۍ غړي او یا هم خپلوان لري.

په پاریس کې د «ځنگل» کمپ د زرونو مهاجرو سرگرداني

د کالې «ځنگل» کمپ په زرونو پناه غوښتونکو د پاریس په ښار کې په دې امید خیمي وهلي دي چې دغه کمپ بیا پرانیستل شي او له هغه ځایه بریتانيا ته ولاړ شي. د پاریس پولیس مهاجر له یو شمیر هغو ځایونو لیري کړې چې هلته یې کوچنې خیمې وهلې وې.

په پاریس کې د «ځنگل» کمپ د زرونو مهاجرو سرگرداني

د هغو پناه غوښتونکو شمیر چې په پاریس کې یې خیمې وهلي، د «ځنگل» کمپ تر تړل کیدو وروسته درې برابره ډیر شوی دی.

په پاریس کې د «ځنگل» کمپ د زرونو مهاجرو سرگرداني

هغه مهاجر چې تیر کال فرانسې ته تللي، زیاتره یې د افغانستان، عراق، اریتریا او سودان سره تړاو لري. هغوی هڅه کوي چې د مانش له کانال څخه د لاریو او یا هم کوچنیو موټرو په واسطه په غیر قانوني توگه بریتانیا ته واوړي.

په پاریس کې د «ځنگل» کمپ د زرونو مهاجرو سرگرداني

په دغه انځور کې د «ځنگل» کمپ ته څیرمه د پناه غوښتونکو یوه ډله لیدل کیږي. کله چې د فرانسې پولیسو د اکتوبر میاشتې پر ۲۶مه نېټه د دغه کمپ خالي کول پېل کړل، څو وارې مهاجرو هلته خیمو ته اور ورته کړی وو.

په پاریس کې د «ځنگل» کمپ د زرونو مهاجرو سرگرداني

په زرونو کسانو بریتانيا ته تر تللو پورې د اوږدې مودې له پاره دغه کمپ پخپل مؤقتي کور اړولی وو. چارواکو په «ځنگل» کمپ کې د زیاتو اعتراضونو د رامنځ ته کیدو په دلیل څو وارې د دغه کمپ د ځای د بدلیدو فکر کړی وو.

په پاریس کې د «ځنگل» کمپ د زرونو مهاجرو سرگرداني

په کالې کې د پناه غوښتونکو د اقامت له پاره په پام کې نیول شوو کانتینرونو تر څنگ، ډیر شمیر کډوال اړو چې په خپل لاس له څاردو او ترپالونو جوړو شوو غیر معیاري کوډلو او خیمو کې ژوند وکاندي.

په پاریس کې د «ځنگل» کمپ د زرونو مهاجرو سرگرداني

په انځور کې لیدل کیږي چې یو ماشوما د «ځنگل» کمپ رستوارانت کې د بیلیارد لوبه کوي، چې اوس نور نه شته. د فرانسوي چارواکو د معلوماتو له مخې د کالې کمپ چې د مهاجرو شمیر یې کابو لسو زرو ته رسیده، په بشپړه توگه خالي کړل شوی دی.

په پاریس کې د «ځنگل» کمپ د زرونو مهاجرو سرگرداني

د فرانسې ولسمشر فرانسوا اولاند، ژمنه کړې ده چې هیڅ مهاجر به د کالې کمپ ته بیرته ور و نه گرځي. «ځنگل» کمپ چې موجود وو، نو په اروپا کې د مهاجرو د بحران په یوه سمبول اوښتی وو.

پر دې ټولو سربیره په ۲۰۱۶م کال کې د فرانسې چارواکو د فرانسې په کاله کې د جنګل په نامه د مهاجرو یو داسې کمپ ویجاړ کړ چې پکې د اټکلونو له مخې شاوخوا۶۰۰۰ کسان میشت ول. له هغه وخت راهیسې د دې هیواد پولیسو په دوامداره توګه نور کوچني کمپونه هم تخلیه کړي دي.

موږ تعقيب کړئ