محکمه: امريکا ته پر سفر پريکړه ناسمه ده

د دونلد ترمپ له خوا دغه هیواد ته د اوو هیوادونو د اتباعو پر سفر د بندیز پریکړه لا اوس نه شي تطبیقیدای. په سان فرانسیسکو کې د مرافع محکمې د سیاتل د ابتدايي محکمې پریکړه تائید کړه، چې د ترمپ د دغه فرمان مخه یې نیولې وه.

دا د امریکا متحدو ایالاتو د ولسمشر دونلد ترمپ او د ترمپ د هغه شخړه ایز فرمان له پاره ستره ماتې انگیرل کیږي چې له اوو اکثریتي مسلمانو هیوادونو اتباعو باندي دغه هیواد پر سفر یې مؤقتي بندیز لگولی وو.

په سان فرانسیسکو کې د مرافع محکمې د حکومت هغه یوه غوښتنه رد کړه چې پر ویزو باندي لگول شوي بندیز د تطبیقیدو غوښتنه پکښې شوې وه. په دې هکله درو قاضیانو په یوه خوله پریکړه وکړه. د محکمې په ۲۹ مخیزه پریکړه کې ویل شوي دي چې حکومت دا خبره په اثبات و نه رسوله چې په مؤقتي توگه د ابتدایي محکمې له لوري د ترمپ د فرمان ځنډولو پریکړه به «نه جبرایدونکی زیان» واړوي. محکمې کابو د دغه فرمان پر ضد د عریضه کوونکو دلایل تعقیب کړل.

«د واشنگټن ایالت او ټول هیواد له پاره یوه بریا»

د متحدو ایالاتو د واشنگټن او منېسوتا ایالتونه د ترمپ د سفري بندیز فرمان سره د خپلو ایالتونو له پاره تاوان ویني. پر دې سربیره هغوی دغه فرمان کې د توپيري چلن، د اوسیدونکو د حقوقو څخه سرغړونه او د کورنیو له یو بل سره د پاشل کیدو خبره کوي. دغه څه هغوی د سه شنبې په ورځ په سان فرانسیسکو کې په مرافع محکمه کې د استماعیه غونډه پر مهال مطرح کړل. د واشنگټن ایالت گورنر ویلي دي چې د محکمې دغه پریکړه «د واشنگټن ایالت او ټول هیواد له پاره یوه بریا ده.»

خبره وروستۍ محکمې ته پاته شوه

ښایي اوس دغه قضیه د امریکا متحدو ایالاتو ستره محکمه بوخته کړي. لږ تر لږه د محکمې د دغې پریکړي تر څرگندیدو لږ وروسته ترمپ د خپل ټویټر په پیغام کې دغسې یو هوډ څرگند کړی دی: «موږ به په ستره محکمه کې سره وگورو، زموږ د هیواد امنیت له خطره سره مخامخ دی!»

په سپینه ماڼۍ کې د خبریالایانو په وینا ترمپ ویلي دي چې د کلیفورنیا د قاضيانو پریکړه «سیاسي» انگیزه لري.

دونلد ترمپ د جنورۍ میاشتې پر ۲۷مه نېټه یو فرمان صادر کړ چې د ترهگریزو خطرونو څخه د خوندیتوب په موخه متحدو ایالاتو ته یې د اوو هیوادونو چې اکثره اوسیدونکو یې مسلمانان ول پر اتباعو او همداشان مهاجرو پر سفر مؤقتي بندیز ولگاوه.

نور مطالب:

د ترمپ د فرمان پرضد د امريکا په هوايي ډگرونو کي مظاهرې

د امريکا په بېلابېلو هوايي ډگرونو کي په سونو فعالانو د دونالد ترمپ د فرمان پرضد اعتراض وکړ.

د ترمپ د فرمان پرضد د امريکا په هوايي ډگرونو کي مظاهرې

د امريکا جمهوررئيس دونالد ترمپ د جمعې په ورځ ماښام د يوه اجرايي فرمان په لاسليکولو سره سخت محدوديتونه رامنځ ته کړل. د هغه په خبره په دې سره به دغه هيواد ته د «افراطي تروريستانو» د ننوتلو مخنيوی وسي.

د ترمپ د فرمان پرضد د امريکا په هوايي ډگرونو کي مظاهرې

د دغه فرمان له مخي به امريکا متحدو ايالاتو ته درې مياشتي د ۷ هيوادونو وگړي نه سي ننوتلای. دغه راز امريکا ته ۹۰ ورځي د نورو ۷ اسلامي هيوادونو د وگړو ورتگ هم منع سوی دئ.

د ترمپ د فرمان پرضد د امريکا په هوايي ډگرونو کي مظاهرې

دغه راز د امریکا د جمهوررئيس د دغه فرمان له مخي تر امرثاني پوري د سوريې هيڅ پناه غوښتونکي به په امريکا متحدو ايالاتو کي ونه منل سي.

د ترمپ د فرمان پرضد د امريکا په هوايي ډگرونو کي مظاهرې

پر دې سربيره د ۱۲۰ ورځي له پاره د نورو هيوادونو پناه غوښتونکي هم امريکا ته ننوتلای نه سي.

د ترمپ د فرمان پرضد د امريکا په هوايي ډگرونو کي مظاهرې

د شنبې په ماښام د نيويارک يوې محکمې په يوه بېړني حکم سره له امریکا متحدو ايالاتو څخه د بېگانه وگړو ايستل موقتي ممنوع کړي دي. دغه حکم د هغو کسانو له پاره دئ چي د دونالد ترمپ په فرمان سره ځيني وگړي د دغه هيواد په هوايي ډگرونو کي د ورننوتلو پرمهال بند پاته سوي دي.

د ترمپ د فرمان پرضد د امريکا په هوايي ډگرونو کي مظاهرې

د محکمې د يوې قاضۍ مېرمن آن دانلي، له حکم سره سم هيڅوک اجازه نه لري، څو هغه څوک اخراج کړي چي د امريکا په وېزه دغه هيواد ته راځي.

د ترمپ د فرمان پرضد د امريکا په هوايي ډگرونو کي مظاهرې

مېرمن دانلی په دې حکم سره په امریکا کي د مدني حقونو د ځينو سازمانونو شکايتونه موجه بللي دي.

د ترمپ د فرمان پرضد د امريکا په هوايي ډگرونو کي مظاهرې

د قاضۍ استدلال دا دئ چي خپلو هيوادونو ته ددغو کسانو بيرته لېږل کيدای سي «د پام وړ زيانونه» ولري.

د ترمپ د فرمان پرضد د امريکا په هوايي ډگرونو کي مظاهرې

خو مېرمن دانلی په دې اړه چي د ترمپ دغه فرمان د امريکا متحدو ايالاتو له قانون څخه سرغړونه ده، حکم نه دی صادر کړی. پتېيل سوې ده چي دغه محکمه به په فيبروري مياشت کي بيا سره کښېني.

د ترمپ د فرمان پرضد د امريکا په هوايي ډگرونو کي مظاهرې

په امریکا کي د مهاجرو په برخه کي يوه وکيل ځينو رسنيو ته ويلي دي چي د هغو کسانو فېسبوک پاڼي هم کتل سوي دي چي د ترمپ له فرمان سره سم په هوايي ډگرونو کي بند پاته دي.

د ترمپ د فرمان پرضد د امريکا په هوايي ډگرونو کي مظاهرې

د اينديپندنت ورځپاڼي د راپور له مخي د امريکا سرحدي مسئولان په هوايي ډگرونو کي د ورننوتونکو کسان فېسبوک پاڼي د هغوی د سياسي درځ په موخه گوري.

د ترمپ د فرمان پرضد د امريکا په هوايي ډگرونو کي مظاهرې

د مهاجرو چارو يوې وکيلي اينديپندنت ورځپاڼي ته ويلي دي چي دا خبره ده چي امریکا ته حتی د داسي کسانو د ننوتلو مخنيوی سوی دی چي گرين کارت، اقامت او د کار اجازه ئې لرله.

د ترمپ د فرمان پرضد د امريکا په هوايي ډگرونو کي مظاهرې

هغې دغه وضعيت ډېر «دردوونکی» بللی. په امریکا متحدو ايالاتو کي د مهاجرو په برخه کي څو سازمانونو او د مدني آزاديو اتحاديې (ACLA) د دوو عراقیانو چي په امریکا کي د اقامت اجازه لري، پر ترمپ باندي دعوی کړې. د دغو دوو عراقيانو يو ئې د دولت کارکوونکی دی. دغه دواړه عراقيان د نيويارک په جان اف کندي هوايي ډگر کي د ترمپ د فرمان له مخي نيول سوي دي.

موږ تعقيب کړئ