مشترک مانور، شمالي کوريا ته خبرداری

دغه پوځي تمرينات شمالي کوريا ته د خبرداري ورکولو په غرض تر سره شوي دي. دا په داسې حال کې ده چې شمالي کوريا په تېرو مياشتو کې د توغنديو ازمايښتونو ته د نړيوالو بنديزونو سربېره هم دوام ورکړی دی.

د ماورا صوت يا له غږ څخه د چټکو «بي وان بي» ډوله الوتکو په واسطه تر سره شوو تمريناتو لس ساعته دوام وکړ. د متحده آيالاتو پوځ ويلي دي چې هغه د شمالي کوريا له خوا د يوه باليستيک قاره يي توغندي د ازمويلو او د دغه هېواد د اتومي تګلارې په غبرګون کې شوي دي. د جنوبي کوريا د «اف ۱۵» او امريکايي «اف ۱۶» ډوله جنګي طيارو له خوا بدرګه کېدونکې بم غورځونکې الوتکې د شمالي او جنوبي کوريا تر منځ پرتې د اوربند تر کرښې پورې ورغلې دي. دغه خبر د جنوبي کوريا خبري اژانس يونهاپ د دفاعي کړيو په حواله ورکړی دی. دغو طيارو په شمالي کوريا کې پر پرتو هدفونو باندې د مشترکو هوايي بريدونو تمثيل او تمرين کړی دی.

په پاسيفيک يا آرام سمندر کې پراته ګوام نومي ټاپو ته د ستنېدو پر مهال د اوږده واټن بم غورځونکو دغو الوتکو د رسمي څرګندونو په حواله د جاپان له «اف ۲» ډوله جنګي الوتکو سره يو ځای په مشترکه توګه الوتنه تر سره کړې ده. د متحده آيالاتو د هوايي ځواک جنرال، تېرينس او شاګنېسي، وويل: «شمالي کوريا زموږ د متحدينو، ملګرو او زموږ د هېواد له پاره هم یو ګواښ دی».

د ده په خبره که وضع جدي شي، نو هغوی دې ته چمتو دي چې «زموږ د متحدو وسلوالو ځواکونو بشپړ مرګونی بالقوه قدرت ورخوشې شي.»

دا په داسې حال کې ده چې شمالي کوريا د سه شبنې په ورځ، يعنې د امريکا د متحده آيالاتو د خپلواکۍ په ورځ او په هامبورګ کې د جي ۲۰ سرمشريزې د شروع کېدلو لږ مخکې په لومړي ځل يو قاره يي يعنې له لويو وچو تېرېدونکی توغندی ازمويلی وو. د متحده آيالاتو ولسمشر، دونالد ترمپ، د شمالي کوريا واکمن، کيم جونګ اون، ته له دې وروسته د سختو عواقبو ګواښ کړی وو. واشنګټن دا اندېښنه لري چې منزوي شوې شمالي کوريا به په اتومي سرګلولو سمبال د اوږده واټن توغندي جوړ کړي چې د متحده آيالاتو خاوره هم ويشتلی شي.

په دې ترڅ کې متحده آيالاتو هم اعلان کړی دی چې د منځني واټن د باليستيک توغنديو په وړاندې د «تي ايچ ای ای دي» په نوم د توغنديو د دفاعي سيستم نوی تېست به هم تر سره کړي. دا په داسې حال کې ده چې له شمالي کوريا سره ترينګلتيا په زياتېدو ده. شمالي کوريا تېره سه شنبه داسې يو قاره يي توغندی ازمويلی وو چې په تيوري کې د امریکا ځينې آيالتونه لکه آلاسکا او هاوايي ويشتلی شي.

د متحده آيالاتو د توغنديو دفاعي اژانس له خوا جوړ شوی د «تي ايچ ای ای دي» سيستم د لنډ، منځني او اوږده منځني واټن باليستيک توغندي ويشتلی او له منځه وړلای شي. د امريکا د توغنديو دفاعي اژانس ويلي دي چې ازمايښت به د آلاسکا په کودياک سيمه کې تر سره شي. لوک هيد مارتين چې د وسلو جوړونکو شرکت دی، ويلي دي چې هغه د دې وړتيا لري چې د ځمکې په اتموسفېر کې دننه او ورڅخه دباندې هم توغندي وولي. دغه دفاعي سيستم په ګوام او هوايي کې هم لګېدلی دی. د امريکا د توغنديو دفاعي اژانس ادعا کړې ده چې د هغوی «تي ايچ ای ای دي» نومی سيستم د ۲۰۰۶ کال راپه دې خوا په ۱۳ ازمايښتونوم کې سل په سلو کې بريالی وو.

پر ورته موضوع یو انځوريز البوم زموږ له آرشيف څخه (27.04.2017):

د شمالي کوريا پوځي تمرينونه او په دغه ټاپو وزمه کي کړکېچ

امريکا په جنوبي کوريا کي د «تاد» په نوم توغنديو دفاعي سيستم نصبول پيل کړل. دغه اقدام نه يوازي د سولي د پلويانو له غبرگون سره مخامخ سوی، بلکي روسيې او چين هم غبرگون ښوولی دی.

د شمالي کوريا پوځي تمرينونه او په دغه ټاپو وزمه کي کړکېچ

په دې انځور کي د توغنديو دفاعي سيستم آزموينه ښوول کيږي. د دغي آزمويني ځای او وخت روښانه سوی نه دی.

د شمالي کوريا پوځي تمرينونه او په دغه ټاپو وزمه کي کړکېچ

شمالي کوريا په تيرو اوونيو کي د کيم ايل سونگ د زېږېدو د ورځي او پوځ د تاسيس په وياړ ستر پوځي پريډونه وښوول او پوځي تمرينونه پيل کړي دي. دغو هڅو ته د شمالي کوريا د پوځي قدرت ښوولو په سترگه کتل کيږي.

د شمالي کوريا پوځي تمرينونه او په دغه ټاپو وزمه کي کړکېچ

د شمالي کوريا د پوځ له جوړښته ۸۵کاله تيريږي. دوی دغه ورځ په پوځي پرېډونو ولمانځله. جنوبي کوريا او امريکا متحدو ايالاتو بيا گډ پوځي تمرينونه پيل کړي دي.

د شمالي کوريا پوځي تمرينونه او په دغه ټاپو وزمه کي کړکېچ

د پوځ د تاسيس په ورځ د کيم ايل سونگ او کيم يونگ ايل مجسمو ته پوځي پرېډ.

د شمالي کوريا پوځي تمرينونه او په دغه ټاپو وزمه کي کړکېچ

د شمالي کوريا ښځي په دغه شان ورځو کي ميدان ته راوځي او ژاړي. دا ځل دوی د شمالي کوريا د بنسټ ايښوونکي کيم ايل سونگ د زېږېدو د ورځي په وياړ راوتلي او ژاړي.

د شمالي کوريا پوځي تمرينونه او په دغه ټاپو وزمه کي کړکېچ

د شمالي کوريا د تاسيس ورځ.

د شمالي کوريا پوځي تمرينونه او په دغه ټاپو وزمه کي کړکېچ

د کيم ايل سونگ د زېږېدو د ورځي په وياړ پوځي پرېډ.

د شمالي کوريا پوځي تمرينونه او په دغه ټاپو وزمه کي کړکېچ

شمالي کوريا گواښ کړی دی چي د توغنديو آزموينو ته به دوام ورکړي. امريکا ويلي دي چي د صبر کاسه ئې نوره ډکه سوې ده او روسيې په کوريا ټاپو وزمه کي د کړکېچ له ډېرښت څخه خبرداری ورکړی دی.

د شمالي کوريا پوځي تمرينونه او په دغه ټاپو وزمه کي کړکېچ

د شمالي کوريا د توغنديو نوي آزامويني يو روښانه پيام لاره، هغه دا چي د دغه هیواد رهبران په لوی لاس غواړي چي کړکېچ ته لمن ووهي.

د شمالي کوريا پوځي تمرينونه او په دغه ټاپو وزمه کي کړکېچ

د کيم ايل سونگ د زېږېدو د ورځي په وياړ د ښځو پوځيانو پرېډ.

د شمالي کوريا پوځي تمرينونه او په دغه ټاپو وزمه کي کړکېچ

د دغه پرېډ يوه بله برخه.

د شمالي کوريا پوځي تمرينونه او په دغه ټاپو وزمه کي کړکېچ

د شمالي کوريا د دولت او پوځ پيام يو دی. دوی دواړه د خپلو رهبرانو فرمانونو ته غاړه ږدي.

د شمالي کوريا پوځي تمرينونه او په دغه ټاپو وزمه کي کړکېچ

د کيم ايل سونگ د زېږېدو ورځ ئې د «لمر ورځ» نومولې ده. د هغه د زېږېدو په ورځ پوځ اسمان ته گوري.

د شمالي کوريا پوځي تمرينونه او په دغه ټاپو وزمه کي کړکېچ

د کيم ايل سونگ د زېږېدو په ورځ شمالي کوريا بيا د توغنديو آزموينه وکړه. دې ته امريکا غبرگون وښود او دغه ټاپو وزمه ته ئې الوتکي وړونکي بېړۍ ولېږلې. شمالي کوريا به د خپل پوځي قدرت د ښوولو له پاره پوځي تمرينونه پيل کړل.

د شمالي کوريا پوځي تمرينونه او په دغه ټاپو وزمه کي کړکېچ

معمولاً له شمالي کوريا څخه ډېر لږ انځورونه رسنيو ته رسيږي. خو کله چي د توغنديو ازموينه، پوځي تمرينونه يا د پوځ قدرت نندارې ته وړاندي کوي رسنيو ته ئې انځورونه په اختيار کي ورکوي څو خپل ځواک گاونډیانو ته وښيي.


 

موږ تعقيب کړئ