مهاجرت: موسيقي د ټولنيز پرمختک وسيله

سوريايي مهاجر باسل خليل څو کاله مخکې اروپا ته مهاجر شو چې اوس په بلجيم کې ژوند کوي. هغه د ګيتار غږولو کافي تجربه لري او دغه هنر يې ورسره د مهاجرت په سختو ورځو کې ډيره مرسته کړې ده، آن تر دې چې نن له خپل ژونده راضي دی.

خليل په لمړي ځل په ۲۰۱۲م کال کې له سوريې څخه بهر ته د پناه اخيستنې په مقصد مهاجر شو. مخکې تر دې چې اروپا ته ورسيږي، څه موده يې په ترکيې کې او بيا په مصر کې پاتې شو.

مختلفو هيوادونو ته د مهاجرتونو پر وخت هغه له ځانه سره خپل ګيتار هم لرود. هغه به کله خپل ګيتار په ترکيه کې د واټونو په غاړه او کله به يې هم په سربيا کې د مهاجرو په کمپونو کې د خلکو د خوشالولو په موخه هغو ته غږاوه.

خليل د ګيتار زده کړه د استادۍ تر کچې په خپل هيواد سوريه کې کړې وه. د ګيتار دغه استاد بلاخره ځان بلجيم ته ورساوه او دغه هيواد کې ورته سياسي پناه ورکړل شوه.

په لمړيو کې د خليل له پاره په بلجيم کې د ژبې سره نه بلديا او د نورو ادارو چارو مخته وړل ډير ګران وو، خو تر ډيره يې هنر د يوه زړه سواندې ملګري په حيث ورسره مرسته کوله تر څو د مهاجرت په دغې سخته دوره کې له روحي فشارونو لري او خوښ واوسي.

د بلجيم د مهاجرو په کمپ کې وروسته له هغې چې د کمپ يوه حکومتي چارواکي ژان ډيوډز د خليل د ګيتار غږول واوريدل، هغه او ميرمن يې هوډ وکړ چې دغه سوريايي مهاجر ته په خپل کور کې ځای ورکړي. ډيويډز خليل ته په خپل کور کې د يو کال اوسيدلو بلنه ورکړه تر څو يې په دغې موده کې وشي کړای په خپلو پښو ودريږي.

کار، تعليم او مرسته
دغه مهاجر ګيتاريست اوس هم له همدې بلجيمۍ کورنۍ سره د بلجيم په لمبرګ ايالت کې له میشت دی. هغه د سيلانيانو اړوند په يو ډير ښکلي او شانداره دفتر کې کار هم کوي.

د خليل ميرمن په نژدې ښار هاسيلټ کې د سوداګرۍ په برخه کې لوړې زدکړې کوي او ماشومان يې ښوونځي ته ځي. هغه د خپل ژوند په اړه وايي: «ګوازه مو په ښه توګه کيږي اوس موږ په ټولنه کې منل کيږو.»

خليل د کار ترڅنګ، د ايرش فوک موسيقۍ د يوې ډلې يا بينډ غړيتوب هم لري. د دغې ډلې غړي خپل د موسيقۍ تمرينات په منظمه توګه د جان ډيوډز د کور په زيرزميني کې مخته وړي. د دغې ډلې يو غړی رچارد ګلوکيمن د خليل په اړه وايي: «هغه يو تر ټولو ښه هنرمند دی. موږ چې هر وقت کومه سندره پيلوو دی يې په ټولو سرونو او تال باندې پوهيږي.»

خليل د دغو بوختياو علاوه، تر ډیره د خپل هيواد سوريه عربي سندرې وايي. هغه همدا ډول د «مهاجر د مهاجرو له پاره» په نوم کمپاين کې هم کله کله په رضاکارانه توګه کار او خدمات وړاندې کوي.

په اروپا کې د مهاجرت په برخه کې يوه مهمه مسئله په ټولنه کې د مهاجرو ادغام دی چې په دې کې موسيقي، ورزش او نورو ټولنيزو فعاليتونو کې ونډه اخيستل موثر واقع شوی دی. 

او دا هم د مهاجرت موضوع سره په تړاو زموږ له آرشيف څخه يو انځوريز رپوټ:

آلمانانو ته د افغان مهاجرو ستونزي د تياتر له لاري ښوول

«مجسمې خاندي» د هغه تیاتر عنوان وو چې د شنبې په ماښام آلمان ته د نویو راغلو مهاجرو د یوې ډلې له خوا د دغه هیواد په پلازمېنه برلين کې نندارې ته وړاندې شو.

آلمانانو ته د افغان مهاجرو ستونزي د تياتر له لاري ښوول

د افغانستان روان وضعیت او د افغان مهاجرو ستونزو ته د دغه تیاتر د توجه په مرکز کې ځای ورکړل شوی وو.

آلمانانو ته د افغان مهاجرو ستونزي د تياتر له لاري ښوول

د دغه تیاتر ټول هنرمندان له افغانستان څخه آلمان ته تازه راغلي مهاجر دي.

آلمانانو ته د افغان مهاجرو ستونزي د تياتر له لاري ښوول

په دې صحنه کې د افغانستان د کلتور رنګا رانګي او له خپل هیواد سره د افغانانو مينه ښوول شوې.

آلمانانو ته د افغان مهاجرو ستونزي د تياتر له لاري ښوول

له دې انځور او صحنې سره دوی غواړي وښېې چې افغانان ډير غني کلتور لري، خو له مجبوریته د خپل کور کلي پریښودو ته اړ شوي دي.

آلمانانو ته د افغان مهاجرو ستونزي د تياتر له لاري ښوول

ګواکې د آلمانانو خلاصه غیږه د مهاجرت له پاره د یو شمیر کسانو د تشويق سبب شوی دی.

آلمانانو ته د افغان مهاجرو ستونزي د تياتر له لاري ښوول

د مهاجرت مسیر ستونزې او مشکلات، همدارنګه د لاري په اوږدو کې پخواني او نویو جوړ شویو سرحدي خنډونو ته په دې ډول نمایش ورکړل شوی دی.

آلمانانو ته د افغان مهاجرو ستونزي د تياتر له لاري ښوول

رسیدل او بالاخره نوې څیره، نوی ژوند، نوی کلتور او د نقاب تر شا ژوند. کاغذپراني (بیروکراسي) او په دوامداره توګه په ژوند پسې منډي وهل.

آلمانانو ته د افغان مهاجرو ستونزي د تياتر له لاري ښوول

اوه هلکان او څلور نجوني د افغان مهاجرو د دغه تیاتر غړي دي. د دوی نږدې نیمایې د کډوالو له پاره د آلمان فدرالي ادارې له خوا د رد ځواب ترلاسه کړی دی، یعنې د پناه غوښتنلیکونه یې رد شوي دي.

موږ تعقيب کړئ