مهم خبرونه په متن او انځور کې

مهم خبرونه په متن او انځور کې

په هرات کې ترافیکي پيښې نهه تنه وژلي دي

د افغانستان په لویدیځ ولایت هرات کې د افغان چارواکو په وینا د یوې ترافیکي پیښې په پایله کې نهه تنه وژل شوي دي. د دغه ولایت د پولیسو ویاند فرهاد ولي زاده، د آلمان خبري آژانس ته ویلي دي چې د هرات او اسلام قلعه تر منځ په لویه لاره دوه موټر له یو او بل سره تصادم کړی دی. هغه ویلي دي چې د دواړو موټرو سرعت زیات وو او په خبره یي ښایي له همدې کبله دغه پيښه رامنځ ته شوي وي.

مهم خبرونه په متن او انځور کې

په چابهار کې چاودنې لږ تر لږه دوه تنه وژلي

د ایران په سویل ختیځ کې پروت ناکراره ولایت کې پر پولیسو یوه ځانمرګي موټربم لږ تر لږه دوه تنه وژلي دي. د سیستان بلوچستان ولایت مرستیال والي د ایران له دولتي تلویزون سره په خبرو کې ویلي دي چې د پولیسو د عمومي مقر مخې ته په دغه «ترهګریز عمل» کې دوه تنه پولیس وژل شوي دي. پيښه د چابهار په سیمه کې رامنځ ته شوې ده. د چابهار ځایي چارواکي د څلورو تنو د وژل کیدو خبره کوي

مهم خبرونه په متن او انځور کې

د هوایي شرکت د مالي چارو مسووله په کاناډا کې نیول شوې

د چینایي تخنیکي شرکت هوایي، مالي مسووله په کاناډا کې نیول شوې ده او ښایي امریکا متحده ایالاتو ته وسپارل شي. د کاناډا د عدلیې وزارت ویلي دي چې د جمعې د ورځې له پاره یوه استماعیه غونډه پلان شوې ده چې آیا مینګ وان ژو، د ضمانت په بدل کې آزادیدی شي که نه. د رسنیو د رپوټونو له مخې هغه پر دې تورنه شوې ده چې نوموړې هغه بندیزونه نقض کړي دي، چې متحده ایالاتو د ایران پر ضد لګولي وو.

مهم خبرونه په متن او انځور کې

د یمن په هکله د سولې خبرې اترې

د سویډن په ستاکهلم کې د ملګرو ملتونو په منځګړتوب د یمن د سولې په هکله مذاکرات پیل شوي دي. د دغه مذاکراتو د پیل په مراسمو کې د سویډن د بهرنیو چارو وزیري مارګوت والشتروم، د جګړې له ښکیلو اړخونو وغوښتل چې په یمن کې د وینې بهیدنې ته د پای ټکی کښیږدي. د یمن د کورنۍ جګړې له پیلیدو څلور کاله اوړی او تر اوسه په کې تر ۱۰۰۰۰ زیات انسانان وژل شوي دي.

مهم خبرونه په متن او انځور کې

موږ تعقيب کړئ